في قبضة العدالة

يمهل ولا يُهمل

من قهر سيُقهر، ومن ضر سيُضر، ومن ظلم سيُظلم، ومن عاب ابتلى، فإن الله يمهل ولا يُهمل."

فزينه على صوت صفين وهوه يصيح على فله بعصبيه وبيده مسدس'
ركض حردان ولزمه وجتفه بيده لان من وجهه جان ناوي يكتلها'

اريج:شبيك صفين شكو

صفين:فله ذبحج على ايدي اليوم بنت ....

حردان:خايب اسكت واكعد لا اركعك بطراك اعدل معالم وجهك

صفين:خايب حردان غدرتني حردان

حردان:منييي

صفين:فلهههههههه

صاح بصوت عالي ونزلت فله وياها ميسون

البيت كله تجمع واخوان صفين لازمينه واخذو مسدس من عنده

الشيخ عواد:صفين بسك واكعد وتحجه شصاير

كعد صفين وعيونه نار ويباوع على فله '

صفين:بويه هاي العايبه غدرتني ومو غدر عادي

الشيخ:شني صاير

صفين:بويه  شوف الفيديو وماكدر احجي

طلع صفين من البيت '

وعمي بقى يباوع بالموبايل ماشفت شي لان جان يمه بس حردان وعمتي
بس اسمع صوت فله وهيه تضحك وي واحد '
وسمعت كلمة وحده '

فله:بصحتكم

شمر عمي الموبايل بالكاع وباوع على فله بنضرات قرف واشمئزازً'

حردان:يابنت الكلب

سكينة:فلك فلك فلك صابج خايبه هاي انتي

فله كامت ترجف  ولازمه نفسها كوه خاف توكع من الدرج '

صار بيت هوسه وناس تريد تكتل ناس لحد ماصاح عمي عواد وسكت الكل'

الشيخ عواد:حردان خابر ابوها وخلي يجي ياخذها استغفرالله

عافنا وراح بقيت فله تبجي وتتوسل'
نزلت على رجل عمتي وبقت تبوس بيها بس حتى حردان ميخابر ابوها بقت تبجي وتتوسل '

بهاي لحضة تذكرت جمان وشلون ذلوها وشلون فله جانت تتعامل وياها بتكبر لان هيه فصلية وهسه هيه تتوسل بعد مجانت رافعه خشمها على الكل'

شفت ميسون خايفه وخايفه اكثر من فله حسيت اكو شي يربط سالفه فله بميسون'

فله:عمه لا عفيه لا

طلع حردان واضح ابو فله جاوب طلع يحجي وياه بره
البيت كله توتر وعمتي كاعده ومخليه ايدها على راسها
وفله تبجيي وتتوسل بالبيت كله
وميسون وجها اصفر

رجع حردان وهوه عيونه نار وكال:

حردان:ابوج بالطريق كومي حضري روحج

فله:استروني الله يستركم دنيا واخره

حردان:اطلعي ماعدنه بنات رخيصات واصلات مستوه بنات ليل

فله:انته تحجي عليه متشوف اختك ميسون لاعبه لعب بس محد فضحها بس اني نفضحت بسهوله هيج الله يخليكم ابوي يكتلني خلاص

حردان:شني شني فله شكلتي شبيها ميسون

هنا ميسون ماتحملت وتخربطت وكعت من الدرج '
والكل راح يركض على ميسون بس حردان بقى لازم ايد فله ويسأل بيها

فله:اختك تحب واحد وطالعه وياه وانتو. ماتدرون وتمدحون بيها هيه هاي اختك

حردان بقه واكف صافن وعيونه نار والبيت كله مجمع على ميسون '

ماحبو ينذكر الباقي بس ماكدر ماكدر راح اختصر الكم🫶🏻🩵
الي صار (كل ساق سيسقى بما سقى)

فله :انستر عليها وتزوجت واحد وعاملها مثل معاملتها لبشر الي حواليها طبعا من بعد حبس الها وعذاب ايام يله كدرت تخلص'

اما بنسبة ميسون:تأذيت حيل وصار كومه احداث وصلت لقتل بس الحمدالله مصارت بفضل رب عالمين وبقت بين اهلها بس حشوفون تعاملهم وياها 🩵

بنسبه لصفين اتأذه حيل صار يتذكر كل لحضه تعب بيها جمان وضربها بختصار ندم على الي سوا بس بعد شنو؟
ميفيد الندم بعد🩵

من قهر سيقهر راح شوفون عدالة رب العالمين بهاي القصة حشوفون لطف رب العالمين وراح شوفون صبر والحب وشجاعه والتضحيه🫶🏻🩵

لنلتقي في البارت 11🤍

لاتنسوون انستقرام :riam_al_abadi