بسم الله رحمن الرحيم
حسابي انستا o_.irp
صلو على محمد وآل محمد
¤¤¤¤¤¤▪︎¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
البارت السابع
الكاتبه نۨــہور ال جواد
زهراء : اشتاقيتلك 😔
* علاوي : اروح فدوه للتشتاقلي وباديه تحبني
* زهراء: جنت اقره وهسه نسيت كلشي لان ماقريت بتركيز
* علاوي : ليش عيني وين تركيزج
* زهراء : يعني مااعرف اعبر او اوصفلك احساسي بس هيج خليني احجيلك ولاتضحك عليه
* علاوي : حياتي اعتبري نفسج دتحجين ويا روحج بس بصوت عالي واني مااحجي ولاحرف بس اسمعلج
* زهراء : باوع اني....
* علاوي : منين اباوع ؟
* زهراء : خرب مو اتفقنه تبقه ساكت هاا ؟
* علاوي: ههه اسف يلا اوك اسمعج
* زهراء : اني هسه عندي جناحين وطايره بعالم ثاني عالم بي واحد اسمه علاوي فرحانه بي وباديه اشتاقله ومن اول يوم حسيت روحي صارت ويا روحه ومن باسني اتمنيت مااوخر منه بس مابينت اله ابد
* علاوي : كل هذا الكلام ومتعرفين توصفين احساسج ؟حياله ملعونه
* زهراء : هاي قوتي تره ههههه
* علاوي : بقيت اسولف وياها هواي وزهراء عباره عن ورقه بيضه بريئه وطفله بعقل جبير ويمكن لان عقدنه سيد وصارت شغله حلال حسيتها مسؤوله مني وتابعه الي وبس ظليت احجي وياها فتره واحجي ويا ديما واكيد من تلفوني الثاني ورقمي الثاني بس ديما حست عليه وزهراء فقيره امشي اي عذر عليها
* زهراء : بين دراستي وبين خطوبتي ومو خطوبه عاديه لان خطيبي ملكني بأسلوبه وبين اهلي ومشه وقتي اتواصل ويا علاوي وسوالي صفحه عالفيس وسوالي فايبر وطبعا حياتي كلها تغيرت اني نفسياً تغيرت وتفكيري بده يتغير
* بنين : يمه باجر نجهز كالتلج عمتي
* امي : اي كالت وكالت اجهز لزهراء هم
* زهراء : شنو تجهزني مو سنتين الا نتزوج حتى موديلات الملابس يروحن
* امي : ماعرف خابري خطيبج وكوليله
* زهراء :الووو ها حبيبي شلونك ...اكولك شنو تجهزولي ؟
* علاوي : اي اني اريد اجهززج هسه واجهزج قبل منتزوج
* زهراء : لاحياتي ماداعي تسلملي
* علاوي : كلمتي وحده وقررت اني
* زهراء : اكلج ماما يكولون نجهزج جهازين
* بنين : شنو هي هيته لو كلمن اله شسالفه شو بكلشي يختارون لزهراء احسن مني
* زهراء : باعي اني وياج نفس القياس جهازي كله اخذي الج ماشي؟
* بنين : اي اخذه ليش مااخذه عبالج اجاملج واكولج ماريد
* امي: ولج غير تتمنين لأختج الخير
* بنين : وشكايله اني ؟
* زهراء : خابرت علاوي بالليل واتفقنه كولنه نروح سوه ونشتري ذهب وملابس وبعدها نختار غرف النوم
* علاوي : اجتي زهراء لابسه عبايه اسلاميه والشال عالنص والبياض بياض الطفله والعيون وساع والحلك من الله وردي
* زهراء : اباوع ع علاوي عاقد حواجبه ومبتسم ابتسامه خفيفه ... ابتسمتله جان يغمزلي عاااا وتاليتها ويا علاوي بله
* بنين : حسين اغمزلي بسرعه بعنادهم اغمزلي
* حسين : اغمز وابوس واحضن شتردين اسوي
* امي : ولك شو انت من خطبت بنين طلعت عينك
* حسين : والله يامرت خالي اني من زمان مخيل عليها من جانت بالابتدائيه هههه
* بنين : اني هم تره هههه
* علاوي :اباوع ع زهراء مبينه متضايقه لان كعدو 4 ليوره ... زهورتي تعالي يمي
* عمتي : عزززه شبيهم ولدي زايحينها ولكم مو مرت خالتكم موجوده هسه تزعل صدك جذب
* امي : اني غلست ع حسين وبنين لان هالفتره يتزوجون انتو بعدلكم سنتين يراد اضبلكم الحبل
* زهراء : عبالك وحدنه بالسياره يحجون ويشاقون ويتفقون واني مركزه بالمرايه بعيونه ... وصلني مسج
* علاوي : تباوعلي بالمرايا واني اباوعلها وعشت اللحضه كل شويه الزكهم بالسياره لان فجاه انتبه والزم برك بالسياره .... كتبتلها مسج .... كافي شيلي عيونج من المرايه راح اسوي حادث تره
احب انوه ع شغله مهمه :- حتبدي تفاصيل جريئه واقعيه ف الي يتحسسون من كلام +18 مانصحهم يكملونها
علاوي : نزلنه للسوك وزهراء الها طقوس خاصه حتى تشتري اول خطوه تعرف السعر وبعد تشوف نوع الخيط المخيطين بي الملابس وتحرك الدكم تشوفهن ثابتات لو لا وتخلي ع ضوه الشمس حتى تشوف الاشعه تخترقه لو لا وتقيسه بالمنزع وورا كل هذا تطلع ممقتنعه ومتشتري
زهراء : اني كتلهم اني نحسه بالملابس مااختار بسرعه ماصدكو
عمتي : زهراء صدك تحجين سوك شكبره وشكده مو بعينج
زهراء : عمه انتو اخذو التحبونه اني معاجبني شي
علاوي : موهاي بنين هم دتختار واشترت واكو ملابس عجبني حلوات انتي قافله
زهراء : تره بنين ذوقها بيئه مستعده تلبس ملابس حسين هم ..... اخذ العجبنك
جهزنه كولشي وذهب وملابس وفساتين والصدمني
فلوسهم كلها ورق وممهتمين ميخافون عالفلوس لاتخلص
مثلنه اويجمعون ويرحون للسوك ... يعني وحده ذهب ب3
ملايين وملابس وفساتين ومكياجات بالمليونين يـﻋﻋـَنـʊ̤
طلعه وحده صرفو عشر ملايين وهم ممهتمينولامحتارين
وعلاوي لحد اخير شي كملنه وهو محفضته بعدهامتروسه
ورق الله يزيدهم
* علاوي : ضجت من شغله اي محل نكول دنجهز يبقون
صافنين ع زهراء شلون طفله ومقهورين عليها رغم بنين
وياها بس بنين لسان وصوت عالي مبينه اكبر وزهراء
هادئه تهمس همس .... المهم اشتريتله ومخليت شي
بنفسها واتمنيت اشتريلها اكثر
♧♧♧♧♧♧♧♧♧♧♧♧♧♧♧♧♧♧♧♧♧♧♧
اللهم صلي على محمد وآل محمد
صوتوا
