مُرة العابد

Part_1_

بسْمِ الله الرَحْمٰنِ الرَحّيِم

#مُرة_العابد

بقلم : زينب الاوسي

لا تنسون التصويت + التعليق بين المشاهد + متابعة لحسابي 🤍🤍

~~~~~~~~~~~~~~~~~~~~~~

دخل ابوية للبيت كلنه اخذنه انذار اني وماريا وماما اول ما اجه على ماريا وبدأ يضرب بيها موتها من الكتل هاي الكتلة بسبب لان جذبت عليه من گاللها اغسلي القميص وهي مغاسلته بس كاويته .

اني واگفة صافنة اخاف اتدخل لا تجيني دفرة من ابوية لحد ما صاحت بيه ماريا : مسررررررة الله عليج روحي صيحيييييييي علي خلي يفكني فدووووووووه

انتبهت وعطت بصوت اباوع لأمي تصيح رحت اركض لبست عباتي وركضت على المضيف صحت علي اشرتله اجاني يركض بعده ماحچه حچيت اني : علييييي الحگ ابوية موت ماريا

علي : شكوووووووو لييييشششششش شبييييچننننننن امي سوالها شييييييي

مسرة : لا لا ماما تفزع لماريا تعااااال اركض راح تموووت على ايده

رحنه ركض لگيناها مدماية نوب بابا وعلي وماما تعاركوا رحت على ماريا گومتها گالت بصوت راخي : شفتي شلون ابوچ يعاملنه شفتي شلون ؟؟ عبالك احنه مو بناته

مسرة : اسكتي هسة يجي نوب يموتني وياچ خلص روحي نامي واني وماما نسوي العشه

رحت للغرفة واني رحت ويه امي المطبخ ..

طبعاً احنه من محافظة الانبار عائلتنه چبيرة حيييل عندي 7 خوات ( ازهار وانوار ورغد وسمر ونهى وضحى وماريا واني اخر العنقود ) وعندي 4 اخوان ( علي وسياف واركان ومحمد ( متوفي ) ). ادري هواي بس احنه بحكم ابويه شيخ فخذ عشيرة فعندهم يكثرون بنسلهم وابويه حيييل يحب الولد بحيث اخوتي شيردون يسويلهم ماعدنه مانع بحيث احنه البنات مايقبل نكمل دراسة وندخل جامعات بس الولد عادي كلهم متخرجين وبنفس الوقت ابويه حيييل حازم ويه ويانه وعصبي ومايحب البنات الي يطلعن وللعلم ابويه ضابط رتبته عقيد وحيييل مغرور ومعروف . 

من وعيت للدنيا واني اكره العسكريين من ورا ابويه ، اخواتي الكبار تزوجن واني بعدني صغيرة ما لحگت عليهن بس رادن يخلصن من ضيم ابويه واخواني كلش شكاكين امي تعذبت حيييل بسبب خيانته وتعذيبه الها ..

دخلت امي للمطبخ وبدينا نسوي العشاء وطول ما اني اشتغل ادردم على ابويه لحد ما دخل وسمعني گال : سددددي حلگج لا هسه اكتلج ويا اختج

اني سكتت وطلعت صعدت للغرفة اشوفها اول مادخلت لگيتها تضحك گتلها : شبيج شكوو ضحكيني وياج ؟