#سلالة_الـذهـب
بقلمي::-سـحـر عـلي
ʚ•ʚ•ʚ•ʚ••ʚ•ʚ•ɞ•
سنشاهد جميعاً صـراع
لبوات غريبات الاطباع
سـ نكشف عن وجوههم القناع
ونفتح اول الابواب لتضوي قصتهم كالشعاع
ʚ•ʚ•ɞ•ɞ ʚ•ɞ•ʚ•ɞ
الغلاف من تصميمي 🩷🦂

اهلاً بكم فـي اول روايه لـي قصةً غريبه
احداثها مريبه حدثت في احد البيوت العجيبه
بيت شخص شجاع صبر رغم مرارة الاوجاع
لم يهزم أو يستسلم للضياع
ادخله القدر في وسط صراع
طيبته جعلته يتعرض للخداع
ولدت من نسلهُ لـبـوات
لايعرفن الضعف في الحياة
وقفنَ بوجه الظلم بكلِ ثبات
تحدنَ الصعاب بكل قوه
لبـوة تُساندُ لـبـوة
حاربن القدر ليهربن من واقع اليم وظلمً چريم
لكن كان للقدر رئيً اخر في فتح أبواب الجحيم
ارهقتهم العادات والتقاليد
استبداد الظالمين جعلهن يعيشنَ حياة العبيد
المشهد::-1
كاعده متوتره اهز برجليه طابكه كفوف ايديه واطكطك بيهن
انفاسي متعاليه كلبي يدك سريع ومن الخوف بطني تمغصني معقوله يسويها ويخذلني
خواتي كاعدات بصفي ملامحهن مرسوم عليها الخوف والرهبه وجوهن صفره شاحبه مثل وجه شخص ماخذينه لـلـ اعدام
سحبت سراحية الماي صبيت بكلاص اشرب
قربته لشفايفي وايديه ترجف فززني صوت صريخ اختي گبل وكع الكلاص من ايدي
رفعت راسي اباوع
واختي انشمرت كبالي على الارض شمرها كبالي ألنذل الثاني
كعدت تبجي وتنحب بكل صوتها جسمها يرعش لطمت وصاحت بصوت يرجف
::-سوااهاا ولجج سواهاا خذلج
كتلج لاتثقين بي هاي خطه من عنده حتى يستغلج بس ماسمعتيي
كمت كعدت يمها احاول اخليها تعيد الكلام مره ثانيه اكيد اني سمعت غلط مايسويها مايخذلني امنت بي مايخدعني مستحيل هزيتها من اكتافها
::-لااااااا لااااا مايسويها هوا كالي امني بيه ما اخذلج قسم بشرفه وحلفلي كتله بس انته بقيتلي سند مايخدعنييي مستحييل
كلت هيج وما احس الا اندفرت من ورا على ظهري حسيته من قوة الدفره ضهري انقسم بالنص وكعت على وجهي وراسي احسه يفتر وعيوني اخترقهن وجع عميق
انشديت من ضفيرتي بقضبة محكمه
وصوت يهمس بـ اذني بحده
::-وهسه دامج أتاكدتي
مصيرج صار الشارع بيتي مايلفي امـثـالج
