إجرام امنية النجاة
______________________________________
نايـم وسرحان بـ نومي فجه افز على صوت نفس المره ...
- كوم عمر كوم حبيبي
فتحت عيوني فركتهن، جانت محضره الريوك وكاعده يمي ...
- يلا عمر روح غسل وتعال تريك هذيج المغسلـه
كمت على حيلي واني تعبان رحت غسلت وطبيت للغرفه كعدت مقابيله وكدامي الصينيه المليانه ما اللذ وطاب، ضليت صافن عليهه جان تكول
- مد ايدك حبيبي أكُل
جنت كلش جوعان سفطت المستحه وضميته وكعدت اكل وهيه تبتسملي والفرحه بعيونه جان اكول ...
- خاله ليش اني هنا
ابتسمت وكالت بـ لهفه
- راح تعيش يمي
فرحت فرحه مو طبيعيه واخيراً من بعد معاناة سنه راح اخلص منهم هاهيه أفرج علي بس بنفس الوقت ضجـت بعد ما اشوف سائد كلتله بلهفه ...
- يعني بعد ما اشتغـــل عند عمو نوري
سكتت جرت نفس وكالت بحسره
-راح تشتغل عنده على كد طلباتـه وترجع يمي
سكتت واني مقهور راح ابقى اشتغل عد نوري
، كملت اكلي وخلصت جان تكول
- عمر
التفتت عليه وكلت
:::_ ها خاله
- من اليوم اعتبرني مثل امك
هزيت براسي بمعنى اي حتى اسايره لن راح ابقى يمه، مرت الايام والاشهر والسنوات نوري يخابر على امي واني اجيـه اكمل شغلي وارجع ...
جانت امي دائما تحذرني منهم وتنبهني على نفسي ومن تسمع عندي مهمه خطره تضل خايفه عليه وتنتضرني ساعه ساعه حتى ادك الباب ...
استمرت معاناتي سنوات واني اشتاق الامي ندى
صحيح امي فرحه تلبسني وتشربني وتعتني بيه
بس مستحـيـل تعوضني عن حضن امي الي فقدتـه
جانت دائما محسستني اني ابنـه ولا مره عاملتني بقـسوه بالعكس جانـت حنينه عليـه ، ومستحيل تنام ليله اذا اني مو يمه ، مرات يطول شغلي تالي الليل اذكر ارجع للبيت افتح قفل الباب اللكـي امي
تفتر بالبيت حايره ومتوتره ومچـتفه ايديه ومن تشوفني تفرح عبالك صالي عـام مشايفهه تضل تحضن بيه وتبوس وتسئل شسويت وشعملت
واني اسولفله ادق التفاصيل صحيح نوري يحذرني منه يكول نصابه ولتحجي شي كدامه بس بالعكس
كلما اكبر سنه تكبر بعـيني اكثر واكثر ...
اسمريت اشتغـل ويا نوري وأخاطـر بحياتي كل مره
واشتغـل بـ نفس غير راضيه لن ادري الي جـاي اسوي من صغـري لحـد الان غلط بـ غلط
أنت تقرأ
إجرام أمنية النجاة
Mystery / Thrillerذئب متوحش وشابـةً حسناء صغيره ، ليجمع القدر بينهم بظروف مختلفه تماماً، لتكون نفوسهم مرتبطاً معاً فلا يستطيع أحد ان يعيش دون آلاخـر!!
