"إجرام امنيه النجاة"
بقلم: نبأ الزبيـدي 🕊️
قراءه ممتعـه 🥀
تصويت 👍🏻
__________________________________
نمت نومه حلوة وكعدت الظهر على صوت سَكينتي تضحك وتصفك من شافتني كعدت صعدت على الجرباية تصيح
سُكينة: بابا اجه هي هي .
فتحت عيوني بصدمة وردفت
ملاك: ليش اجه؟
سُكينة: بابا اجه يلا كومي .
دخلت رقية بملابس الطلعه، تصيح
رقية: شبلاج نايمة مدكومين الزلمة جاي يشوفج
ملاك: شيشوف، مدا افهم
رقية: بعدها منعسه يحضي، مدري كال العلي اريد احجي وياها
ملاك: ماشي هسه اغسل واطلع
رقية: ديلا 10 دقايق ومخلصة زحمة صار نص ساعه منتظرج
ملاك: وليش مكعدتيني من اجه
رقية: جنت بالكلية هستوني اجيت وامي طالعه تسوگ وبس علي موجود، دك الباب بس انتِ ما كعدتي ادري نايمة نومة الميت
هزيت راسي وكمت ؏ سريع غسلت وبدلت رتبت شالي واخذت ايد سُكينة للاستقبال سلمت عليه وعلي عافنه وطلع للكراج ورقية بالغرفة كعدت
ركضت سُكينة بحضن ابوها ، تعودت عليَ وتقبلتهَ بسُرعه ، باسها وسال عليَ وهيَ تجاوبه بكل حماس
كعدها بحضنهَ واللتفت عليَ مبتسم
عُمـر: لو ادري نايمة جان اجيت غير وقت
ملاك: عادي مو مهم، طلبتني؟
عُـمر: اجيت اتفاهم على كم شغلة
ملاك: اي اسمعك
طلع من جيبه ضرف
عمـر: ملاك اولاً ، هذا مبلغ مالي للمهر
ملاك: لا خليهَ فلوسي تكفي وزايد
عمـر: مهما يكن اشتري اليعجبج ادري تستحين من بيت ام علي
سكتت وعيوني بالكاع
عمـر: بعد الزواج راح نكعد بغداد!
باوع عليَ باستغراب
ملاك: شعجب مو هنا؟
أنت تقرأ
إجرام أمنية النجاة
Mystery / Thrillerذئب متوحش وشابـةً حسناء صغيره ، ليجمع القدر بينهم بظروف مختلفه تماماً، لتكون نفوسهم مرتبطاً معاً فلا يستطيع أحد ان يعيش دون آلاخـر!!
