نهايتها ل شهم

part 11

#مرار الغربه

بقلمي :-امنه

☆☆☆

"شجابچ ويانا ونزلتي
ادم التفاحة ماكل انتِ حورية شأكلتي؟
وفي عينيكِ صحوٍ انتشائي
وقت ماشئتُ الا ان تشائي
ترابٌ صرت طيناً انتِ مائي
لذا اعلن اليكِ انتمائي
شيلحگ كبريائچ وانتِ صرتي
حرب چنچ دخلتي
بلاية ال ليش رحتي
ماشي رحتي
ولكن ليش رحتي
ماشرحتي
على خطوة رجوعچ
مابصمتي
وعبرتي
وماقريتي
مابصمتي
يمكياج الصواني ياسمرتي
يسألوني واگلهم
ياسة مرتي

☆☆☆

ساندرا.

-شنو ذنبي فهميني اني شعليه إذا امي موخوش آدميه وحقيره

-لتحجين هيج كلبي اترحميلها

-الله يرحمها بس انتي معايشه هنا يمنه انتي ماتدرين شلون معاملتهم وياي ساندرا حسبالج ملائكه
ذاك اليوم اجن عماتي كتلهن اريد اطلع للسوك
كاللي امج هم جانت ماتطلع وجابتلنه سالفه اكعدي واسكتي ضجت بوقتها حيل قهروني حيللل

حجتها وبجت من كل كلباها
-يله حبيبتي هنه موصوجهن صوج جدتج
ليش متحجي وياهن

-شتحجي فهميني إذا هيه نفسهن بس كلبها عليه
صح تحجي ويه بناتها بس موكدامي

-تهون كلبي تهون نرجس ابوج ابوج الى متى يضل ساكت احجي وياه عاتبي كليله خلي يحرك نفسه
ويخليلج قيمه من هسه يعني انتي عمرج راح تدخلين ب١٣ وهيج يعاملوج لعد لوتدخلين العشرين شيسوون

-محد داس بينا مخانه غيره يجيببب ويحط بحلك مرته حتى من نتلكاه ميبوسنه يركض علا ابنه حسبالك احنه مثل امنا ليش ليسوي خطأ يتحاسب عليه غيره

ساندرا:-ضلينه نحجي واهون عليها حتى نسيت
اني علا شنو جايه مرحت منيمهم اله واني جابره خاطرها . رجعنه للبيت ورجع بيه الزمن من ..

رحنه عليهم جنه بس بغرفه وحده جانت بدايه ٢٠١٥
اني وماما لكينه ام علي تبجي ويمها نرجس ستوها عمرها سبع سنوات كلشي متفتهم حاطتها بحضنها
وتبجي سئلتها ماما وعلا وجهاها علامات الاستغراب
سهير :-شكو ام علي ليش تبجين
حطت ام علي فوطتها علا وجهاها وتبجي

ضلت ماما بلربع ساعه تهون عليها حجت بعدما مسحت دموعها بفوطتها السوده :-كاعدين اليوم الصبح واجانه خبر موتت ام نرجس دازه عليها
كرابيها تجكها ابره ولاكينها المليشيات وكاتلينها بالرصاص

اخذت نرجس ورحنه نلعب
اني علا لاهيتي واني طفله كتلها :- ليش متبجين
امج ماتت
نرجس وهيه تلعب بلطين:-شسويلها