#مرار الغربه
بقلمي :امنه عبيد
◇◇◇
إمتنان عَظيم على أصغَر الأرزاق و أكبَرها.🤍
◇◇◇
....إيليا
كالها واني عيوني مكدر ارفعها بعيونه من الخجل
معت معت وعركت حجه ولسه عيونه تتفحص ملامح وجهي
باريا :-عيوني وكعت عليج من اول مااجيتينه
اول مرا واحنه بلغرفه الصغيره وتدرين لسه انتي
محفوره ببالي من عرس اسر مجاي تروحين من بالي
خجلت وخدودي احسها صارت جمر
حطيت عيني بعينه وابتسمت
ضحك وحجه :-لتباوعيلي هيج ولج
ضحكت علا ضحكته وصديت علا جهه
من صديت علا جهه كئنو كتله احجي الي بكلبك
يحجي بلهفه واضحه عليه ويعبرلي عن احساسه
وشعوره
هناكك جان ينفتح الباب صدينه ثنينه
وجان نشوف عمو طارق شافنه ضحك
اخذ مخاد وسد الباب وطلع صديت عليه وحجيت
إيليا :-كافي باريا خلي نطلع اليشوفنه سويه شيكوله علينه
هز راسه متفهم وحجه :-يله روحي طلعي
صدك طلعت وهوا طول بلاستقبال يمكن
محاب يشكك احد بموضوعنا رحت علا سندس وحجيت :-انتي ليش مكتبلي هوا يرد يحجي وياي
ضحكت وغلست علا كلامي حجت بتلاعب:-حجيتو
باوعتلها وكتلها :-اي حجينه
سندس :-ها خوش
قبل لنروح اجه عمو طارق ويه اخو يمكن سمعت اسمه عمر
حجه عموطارق وكال :-هذني بنات جاسم
سلمنه عليه وضلينه فترا نحجي
لمحت باريا يأشر لسندس جرتني سندس ورحنهاالها
باريا :-عمامي زباله لتروحن هناك يطلعون حجي عليكم
سوينه مثل ماكال لئن صدك مبينه علا وجوهم مو راحه ضلينه يم باريا نحجي واجت امي وعماتي
شويه وكالو راح يطلعون
صعدت ويه عمي دورت بعيوني علا ساندرا شفتها
صاعده ويه عمها بسياره صغيره
رحنه هناك وكعدنه بغرفه رغد جانت صغيره
واحنه جيش كامل اخذنالننه زاويه اني وساندرا
وسجى ولارا ولين اردفت عمه رغد وهيه تباوع بعيونها علا لارا ولين
فوزيه :-والله احنه ندور علا بنات لابن بنتي
خطيه لارا انثولت كالتها فوزيه بلشقه شو دوري شوفينه طولج خطيه البنيه يمكن حسبالها صدك
كامت ودارت حول نفسها حجت فوزيه وهيه تضحك
فوزيه:-لاع ولج هاي كصيره اني اريدله وحده طويله
كعدت لارا وكامو يحجون عادي
بنص الكعده والكل مندمج صدمتني من حجت سجى وكالت :-حجتو امانه كليلي شنو حجيتو
أنت تقرأ
نهايتها ل شهم
Mystery / Thrillerقصه حقيقيه بقلمي: امنه عبيد بين عينيه انا هيه تلك المقيده ضحت باعز مايملك قلب تلك المراء الفاتنه. تركت أهلها وعاندت تقاليد اخوتيها هل سيحالفها الزمن وتلقى في الحب نصيب ..
