على هبّه نسيم اليل اشواقنا غنّت

2

مكان بعيد عن المدن وضجته
سطام الي صحي على اصوت وكانه داخل حلم لكن تلاشت افكاره لما انفتح النور وصوت يقول
ام راشد:ياولدي ماصارت نومه الساعه ١والغداء بيجهز وانت نايم وابوك كان بيجلدك لكن قلت له آنك تعبان
سطام الي فتح عيونه بصعوبه:تسلمين ياميمتي لكن اذا عرف حزتها بيجلدنا كلنا
ام راشد بأبتسامه:يلا اجل صلي وتعال
اديم الي حطت السفره وهي تتأفف
راشد:علامك انتِ مع الضهر
اديم لفت بغضب:اسوي الغداء وانا عندي مشروع وباقي تسأل
دخل ابو راشد على هواشهم:بس انتو ماتهجدون وينه ذا السطام للحين تعبان
سطام الي جلس:لا صرت احسن من قبل
راشد همس بـ اذن سطام يقول:شكله كذبه جديده عشانك فوتت الصلاه
سطام الي ضربه بخفه
ام راشد:بس يلا تعالو كلو
سطام بعد ماخلص:يلا انا استأذن بروح دوامي
ام راشد وابو راشد:الله معك
طلع سطام وهو يدندن وطلع بوجها غيث
غيث:خير وين الناس
سطام:تقيل يعني ماتقيل
غيث بطرف عين:خير كنك نفسيه حامل
سطام بنفس النضره:لاتخلي الحامل ذي تبلعك التراب
غيث:اقول وين رايح
سطام الي فتح باب السياره:زوجتي انت يوم تسأل
غيث الي قلد صوت بنت:ايوا زوجتك يعني ماتسأل
سطام بذهول:عيدها بالله كيف صوتك كذا
غيث الي ضرب كتف سطام بخفه:عشان اللعب على الثلاثيين
سطام:اجل لقيت لك جدول تجدول
غيث وهو يهمس:اقولك حصلت بديرتنا ولد مدينه ويخاف من كل شي ياشيخ
سطام:اما عاد شسمه
غيث الي يحك شعره:يمكن ألياس
سطام:وينه نروح له نعلمه المرجله
غيث:قدام
مشو غيث وسطام متجهين لـ ألياس وكانو يتشابهون  بالمشيه لكن سطام ملامحه حاده وعريض وغيث ملامحه هاديه عكس جمود سطام
غيث:يألياس
ألياس الي لف بقوه:تكلمني؟
سطام:لاجدتي اكيد انت
ألياس الي ناظر سطام من فوق لتحت
سطام الي استفزته نضرات ألياس:خير يالطيب نضراتك كذا لايكون مو عاجبينك
ألياس:لا بس وش فيكم كنكم عصابه
غيث بـ مزح:اي بنخطفك
سطام:احنا مانكثر هرج انت وش هرجتك
ألياس:شخص طبيعي يعيش
سطام:طبيعي تعيش بس قصدي اول مرا نشوفك ونبي نعرفك زين ونعرف انك من المدن وكذا
ألياس:تسألوني انا الي معرف شي عن دياركم
غيث:تجي معنا نتمشي واضح طفشان
ألياس بتردد:تمام
سطام الي لف بقوه على غيث وكان بيصفقه
غيث:اعوذ بالله وشبك
سطام:لا لا مافي شي وانت يألياس هيا امش
ألياس باتسامه:تسلم ياسطام
سطام بأبتسامه مخفيه:يلا اركبو فين نروح
غيث الي صرخ بدون سابق انذار:عندي لكم محل شاهي يلعب بالمخ
ألياس الي صدع من الصياح:اشبك تصيح ماتعرف تهرج بهدوء
سطام:وهو صادق اهرج زين
غيث:اقول بتودوني ولا لا