على هبّه نسيم اليل اشواقنا غنّت

4

صـحت ريـف عـلى اصـوات العـصافير واشـعه الـشمس
وشـعره عـلى وجـهه
ريف بعدت شعره عن وجهه بأنزعاج وتذكرت اليوم بيطلعون الديره وكرهت ابو التذكير الي جا بباله فجاءه ووسط تفكيره انـفتح الباب وصوت يقول
ام ريف:يلا يابنتي تعالي نفطر عشان بنطلع الديره ومابيك تقعدي جيعانه
ريف زفرت بهدوء واضح:ابشري بس بتروش
ريف تحت الدش قاعده تفكر في العواقب الي بـ تصادفه بـ ذي الديره وتفكر وتفكر لين انتهى تفكيره بكلمه ريف:عسى ان تكرهو شيئا وهو خير لكم
————————————
اديم بهمس:سطام سطام قوم
سطام الي صحي وهو يتنفس بصعوبه من الحلم الي داهمه وسط نومه
اديم بـ خوف:بسم الله عليك اجيب لك مويه
سطام تكلم بصعوبه وهو يـشد على قلبه بألم:لا بقوم الحمام
دخل الحمام وهو يغسل وجهه بـ خوف من الحلم الي كان شخص كان يحاول خنق سطام ويتكلم كلام غير مفهوم
طلع سطام وجلس بهدوء يفطر غير عن عادته
راشد بهمس وهو يدق اديم:وش في؟
اديم:مدري صحيت قام يتنفس بصعوبه وخفت عليه لكن يقول مافي شي
راشد بـ خوف:الله يستر ام راشد:كلمتني ام عبير بتجيني بكرا
اديم زفرت بغضب:يمه تعرفين كلنا نكرها ليه تعزمينه
ام راشد بغضب:عيب انا الي ارده
سطام:استأذنكم
طلع سطام وهو داهمه التفكير المفرط الي يكره بشده وحصل ألياس بطريقه رايح البقاله
ألياس وهو اقبل يسلم على سطام
سطام:وين رايح
ألياس:والله بروح البقاله
سطام:اجل روح واذا خلصت تعال لي بروح عند العزبه وابيك معي اذا تبي
ألياس:ابشر
قـعد سـطام فـوق الكـبوت وهـو يـلعب بـسبحته ويـدندن وطـلع بـوجهها غـيث الـي مايـنام ولا يـقيل
سطام:انت ماترقد
غيث:ابد والله بصير ضلك
سطام:اجل ياضلي تخاويني العزبه وألياس بيروح معي
غيث:تم
ألياس الي نط فوق ضهر غيث:انا جيت
غيث بألم:ياورع بعد شكل بعير الي برك فوقي مب
ادمي
ألـياس الـي يـسجد من الـضحك
سطام الي ناضـرهم نـضره ناقـد ونـطق:الله يشفيكم
ركـبو السـياره وكـل ثانيـه أليـاس يـتذكر الـحادثه ويـرجع يـضحك وغـيث يـشبك مـعه امـا سـطام كـل شـوي صـافقهم بـ العـقال
خط طويل خالي من جميع البشر ماينسمع في الا اصوات الرياح ومليئ بالرمل واصوات عائله ابو ريف وضحكاتهم
ريف:لايبه غش كذا تشغل انت اغاني ولا انا
رجعت ريف ضهره واسندت على الباب وتناضر الخط الطويل الي ماتدري بعد ماتتجاوزه وش بيصير له وطلعت كتابه تقراءه بهدوء
————————————-
قام ألياس وهو ينفض ثوبه الي تملأ تراب وطين والصيحه في
سطام الي مات ضحك عليه:عشان تتوب اجل تسوي بـ غيث كذا
ألياس:اقول فمك على حجر
غيث الي جاهم من بعيد يقوم ويقعد من الضحك:كفو ياسطامي
سطام:اقول ماتبون نروح لـ الاسطبل؟
ألياس:تم معك مو كانك قبل شوي خارعني لكن تم
غيث:يلا اجل وبطعس فيكم
سطام الي ضربه على ضهر بـ السبحه:اهجد ماتفهم انت اهجد
———————————-
بعد عناء وخط طويل دخلت السياره وريف اخذت تسترق النضر وكانت نوعآ ما بيوت لكن قديمه شوي وبقاله صغيره على الركن واطفال يلعبون في الخطوط ولفت نضره بيت كان غير عن الباقي البيوت كبير نوعآ ما وكان ذا البيت يعود لـ شيخ القبيله الجد مفلح
ابو ريف الي وقف السياره ونزل وكان البيت مقابل لـ بيت ابو راشد وطلع ابو راشد على اصوات السياره والاغراض واقبل يرحب ويهلي
ابو راشد :هلا ومرحبا الديار دياركم
او ريف:تسلم وش نقولك يابو
ابو راشد :راشد
ابو ريف:تسلم يابو راشد
ابو راشد بأصرار:اليوم عشاكم عندنا وبنعزم كل الديره ترحيب لـ قدومكم
ابو ريف بـ خجل من كرمه:ابشر ولا يهمك
ابو راشد:ولاتنسى جيب الاهل معك
ابو ريف:يأم ريف
ام ريف:هلا
ابو ريف:الرجال عازمنا لـ العشاء ترحيب ويقول تعال وجب اهلك معك
ام ريف:كويس والله عشان اتعرف عليهم لكن ريف
ريف:معليكم عادي بروح لكن وين غرفتي بدخل
دخلت ريف واخذت عينها تدور حول البيت لين دخلت غرفته وانسدحت بتعب ونامت بهدوء تام
—————————————-
الجد مفلح:يأاديم لي سنه اناديك ولا تردين
الجده صيته الي ضربتها بعكازه:لاتصارخ على حفيدتي قم هناك
اديم الي جات وبيده صينيه قهوه ووراها امها وعلى قعدتهم دخل ابو راشد
ابو راشد:يأم راشد
ام راشد:هلا بغيت شي
بدء يسرد ابو راشد
اديم بـ فرح:الله ودي اتعرف على بنتهم
ام راشد:اجل قومي وكلمي همس تجي تساعدنا وامه بعد
اخذت اديم التلفون وبدت تكلم كل الديره واخر رقم كان ام همس
اديم:ياعمه اليوم حوو الديره ناس جدد وابوي حب يعشيهم وتعالي ساعدونا انتِ وهمس
ام همس:تبشرين الحين اجيك
سكرت ام همس التلفون وراحت لجل تكلم همس وكلمته وطلعو مع الباب
همس:سنع ذي يدي تكسرت
اديم الي جاي مسرعه:طيب طيب