Unicode
မှောင်မည်းနေတဲ့ လျှောက်လမ်းကျဥ်းထဲ သူတို့တွေ တိတ်တဆိတ်လျှောက်လာကြတယ်။ ပင့်ကူအိမ်တွေက ဟိုနားတစ်ထောင့် သည်နားတစ်ထောင့်။ ကျောချမ်းစရာလေထုက သူတို့ကို ဆီးကြိုတယ်။ ပြတင်းပေါက်ကနေ ဝေ့ဝဲတိုက်ခိုက်လာတဲ့ အသည်းစိမ့်စရာ လေညင်းက ကြက်သီးထချင်စဖွယ်။ ဘယ်သူမှမရှိတာသိပေမဲ့ ခြေသံလုံလုံနဲ့ သတိထားလျှောက်နေမိတယ်။
"ငါကြောက်လာပြီကွာ၊ ပြန်လှည့်ရအောင်"
"မင်းကလည်း ရောက်ပဲရောက်နေပြီ"
Seungkwan ရဲ့အပြောကို Joshua က ကန့်ကွက်သည်။ သူတို့ရဲ့ ဦးတည်ချက်မှာ နာနာဘာဝရှိသည်ဟု နာမည်ကြီးနေသည့် စာကြည့်တိုက်ဆီ Vlog ရိုက်ဖို့ပင်။ ယခုမှ Youtube Channel စဖွင့်သည်ကြောင့် Subscribers တဖြည်းဖြည်းများလာအောင် စိတ်ဝင်စားစရာတစ်ခုခုရှိမှပင် ဖြစ်မည်ဟု တိုင်ပင်ကြသည်။ ထို့ကြောင့် သည်အသည်းခြောက်စရာ စာကြည့်တိုက် အဆောက်အအုံကြီးထဲ ရောက်လာခဲ့ခြင်းပေ။ Joshua က ရှေ့ကဦးဆောင်သွားပြီး Seungkwan နဲ့ Jeonghan က နောက်ကလိုက်ကြသည်။ ခိုးဝင်လာရသည်က တစ်ကြောင်း၊ နာနာဘာဝရှိသည်ဟူသော သတင်းတွေကြောင့် တစ်ဖုံ ရင်တထိတ်ထိတ်ဖြစ်ရသည်။ စာကြည့်တိုက်အစောင့်ကလည်း လူတွေနဲ့ မခေါ်မပြောဘဲ ဘာသိဘာသာနေသည့် လူ့ဂွစာပင်။ နာနာဘာဝကိုမတွေ့ဘဲ စာကြည့်တိုက်စောင့်နှင့် ပက်ပင်းတိုးနေမှ ပြဿနာတက်နေအုံးမည်။
Joshua က စာကြည့်တိုက်ကို Vlog ရိုက်ရင်း မိတ်ဆက်စကားပြောသည်။ Seungkwan ကတော့ စာကြည့်တိုက်က စာအုပ်တွေကို လိုက်စူးစမ်းမိသည်။ ဖုန်တက်နေကာ မည်းမှောင်နေသည့်ကြောင့် အသေအချာမမြင်ရသော်လည်း စာအုပ်တော်တော်များများက အမှောင်လောကနှင့် သက်ဆိုင်နေသည်။ သုတ၊ ရသ၊ ဆောင်းပါးနှင့် အချစ်ဝတ္ထုစာအုပ်တွေမဟုတ်ဘဲ သမန်းဝံပုလွေ၊ သွေးစုပ်တတ်သည့် ဖုတ်စုန်း၊ အပြိုင်စင်္ကြာဝဠာ၊ စသည့်စာအုပ်ထူထူတွေသာ ရှိသည်။ Seungkwan က စာအုပ်တစ်အုပ်ကို ယူဖတ်ကြည့်ရင်း မမြင်ရတာကြောင့် Jeonghan ဆီက ဓာတ်မီးကိုယူကာ ဖတ်နေသည်။ သို့သော် စာတစ်ကြောင်းကြောင့် သူစာအုပ်ကို ပစ်ချမိသည်။
YOU ARE READING
Moonlight Predator/ (One Shot)
Wampiryရည်ရွယ်ထားခြင်းမရှိတဲ့ တွေ့ဆုံမှုတွေမှာ အဆုံးသတ်က ချောမွေ့ပါ့မလား။ ကွဲပြားခြင်းတွေများစွာထဲကမှ နှလုံးသားနှစ်စုံသာတူညီနေလေတာ...