احلام ودموع😔❤(روايات ليبية)

حلقه2

رواية: احلام ودموع😔♥️
الحلقه:2💜
الكاتبه: بشرى الطرابلسي♥️
ــــــــــــــــــــ
سميه: به خلاص لو عارف را خوك ليه 3سنين ميت والحوش بتاعهم مصكر تفتح فيه الفرخه هديكا اضمه وتمشي لي الجاره قعدت عندها وتقوللها فوقها ي ماما والعم فتحي تقوله بابا
عبدالرزاق: خلاص تو نحاول انكلمها ونقولك
سميه: تمام ومشت لي ولدها جريي
احمد: لو نفهم علاش درتي هكي
سميه: غير اسمعني وقعدت اتقوله ف الخطه
احمد: اووو امي وين هدا كله ابدعتي😂
سميه: نقص صوتك وشن رايك دير هكي
احمد: به غير هيا امتا تجينا
سميه: تو نمشولها غدوا ف العشبه
احمد: لالا خليها بعد غدوا لانه غدوا طالع
سميه: خزي وني نفكر فيك
احمد: بعد غدوا وندير لي تبيها
سميه: باهي مالا خلي انوض نحط لغداء
ـ
ـ
ـ
ـ
ـ
عند ايلول
فتحي: ايلول وينك ي بنتي
ايلول: نعم بابا
فتحي: سجلتك ف الكليه وقبلوك
ايلول: حقا بابا وحضناته
اذكرت بوها
سامر: بنتيي حبيبتي وينهاا
ايلول: اهيا اهني اني
سامر: تعرفي شن صار
ايلول: شنو ي بابا
سامر: سجلتك ف مدرسهه لي تبيها
ايلول بفرحه: الله ي بابا نحبك انتهه احلا اب ف الدنيا كلها
سامر: وانتي احلا بنت في الدنيا كلها

ـ
فتحي: خيرك تبكي مافرحتيش
ايلول: اذكرت بابا😞💔
فتحي وجعاته: الله يرحمه ي بنتي واني نوعدك طول ما اني حي م نخلي حد ايمسك وولا يجرحك وحـ تقعدي زي بنتي صح ماعنديش بنات بس انتي بنتي ولي يصير عليك يصير عليا وهدا حوشك ولي تبيه ديريه واحني زي اهلك بضبط♥️
ايلول:حضناته ربي يخليك وماتحرمنا منك ي بابا♥️
فايزه: شني مانحصلش حضن معاكم🫂♥️
ايلول فتحت ايديها وحضنو بعض هما التلاته

*محظوظه لأن الزمن عوضني بي احلا عيله❤🫀.*

ـ
تاني يوم كان يوم جمعه
ـ
ناضت ايلول ع زحمه الحوش ودوشه هلبا،  ناضت خشت للحمام(حشاكم) وطلعت اتشوف مني
ايلول: ماما علاش جايين
فايزه: شكلك نسيتي اليوم عماد امروح
ايلول طول اذكرت امس وسكتت:
فايزه: ي بنتي م تفكريش فيه كلامه والله اني وعارفته مادوريشي انتي
ايلول: لالا عادي اصلا كلامه صح خليه يجي وتو بعدين انروح لحوشنا
فايزه: لا لا والل..
قاطعتها سلفتها(حليمه): فايزه شني كل شي واتي
فايزه: اي اي اهو الاولاد ماشيين ايجيبو ف اللغداء وقريب يوصلو
حليمه: باهي كويس
حليمه: حتا انتي اهني والله ماريتك
ايلول: صباح الخير
حليمه: صباح النور
فايزه حبت اتسكت حليمه لانه عارفه شن حـ تقعد نقول: ايلول تعالي افطري
ايلول: لالا م خاطريش توا لو جعت بعدين تو ناكل
حليمه: خلاص شن بتفطر تو تراجي لعند الغداء وخلاص
ايلول اتمتم ف سرها
فايزه حبت تغير الموضوع: ايلول بري بنتي البسي وغيري قريب يوصلو
ايلول: حاضر وركبت ايلول
ايلول: والله مش عارفه ي انتي حسني خفت وتأترت
سرور (صاحبتها): تي لالا عادي خليك هاديه وم دوريش
ايلول: م نعرفش بس انفكر انروح لي حوشنا
سرور: خليك ف حوشهم م دوري شي لو يقعد ايلقح عليك روحي وتوا خليك ساكته
ايلول: ندير هكي مالا وخلاص
سرور: اي
ايلول هي مالا م نعطلش عليك بنصكر خلي نلبس
وصكرت
دوشت ولبست بلوزه ورديها وسروال ابيض وشعرها دايراته قرن حصان وشويا ميكاب خفيف ونزلت
حلا: م صدقت روحها لبست هك بيش معاد يعجب بيها
حور: بلعكس لبنيه محلاها وتحسيها هاديه كيوته
حلا: انتي اسكتي

(سلفات فايزه حليمه و مروة وامينه حليمه عندها زوز بنات حلا وحور، و مروة عندها فرح وهيثم، وامينه مرام وقيس)
جت ايلول سلمت ع بنات ومروه وامينه وقعمزت
حور: اتهبلي طالعه حلوه ♥️
ايلول: تسملي من ذوقك♥️🫶🏻
فرح: لو اني ولد را اخطبتك طول 😂♥️
حور&مروة&ايلول: 😂😂😂
وكملو هدرزه
بقلم بشرى الطرابلسي
فايزه: وين الاناقه عين وماضرك حبيبتي
ايلول: تسلمي ماما🥺♥️
وسمعز اصوات ضرب بالسلاح والالعاب ناريه عرفوا انه معاد وصل طلعو كلهم برا وقعدت اني بس الداخل كنت خايفه منه
فايزه تحضن ف ولدها وتقوله الغربهه واعره تحضن فيه وتبكي
معاد: خلاص يام ويهدي فيها وسلم ع الكل وخشو الداخل
ايلول كانت قدام الباب: حمدالله ع سلامتك ومشت منغير م تراجي ايرد عليها
معاد مصدوم فيها😳
المهم خشو كلهم وقعمزو ف صاله لانه كانت كبيره سلمت ايلول ع بوها وسلمت ع عمام معاد ووصلت ف هيثم وقيس سلمت عليهم وقعمزت وقعدو ايهدوزو...
يتبعع...