الهوى يبقى هواك واغلى منك مالقيت

12

سبحان الله وبحمدة سبحان الله العظيّم ..
الحمدلله دائما وابداً ..

العنود بخوف : طلبنا علبه اسعافات من تحت وجاء بيسلمها ودخل علينا
عناد بعصبيه : ابن الذيين
العنود : حصل خيير
عناد بحاوله ينسى  : حطي الغداء نسيته عند الباب
العنود وقفت : ابشر
وحطت الغداء وغرام الي انسدت نفسها ورافضه تاكل
العنود : حتى تضميد لوجهتس  ماسويناه تعالي
وقفت غرام وجلست بجنب العنود وعناد بجنبها صاد ياكل
حطت المعّقم على جبينها : ايي عنوديي شوي شوي
العنود : أسفه أسفه ،
وبجَهل : عناد تعال سووه يدك خفيفه
عناد لَف عليها : نعم
غرام الي توردّت ملامحها من الاحراج ولكن تصنعت القوة : خير لا سويه انتِ ولا اقولك عطيني اسوي لنفسي
العنود استوعبت وضحكت تسلك لنفسَها

بعَد عدد من الأيام

بيت عقاب
الساعه 9 الليل
ام عناد : يا ام غرام معليه بترجع
ورد ببكي : وش بترجع ياساره لها 3 أيام ولارجعَت والسبب ابوها
ام عناد الي ضمتَها : معليه بيجي الفرج تصبري ياوردّ
دخلت عليهم فاطمه: بنتس مو راجعه لتس تبرى منها ابوها وبس يحصلها بيزوجها
ام غرام رفعت نظرها عليها : وش قاعده تخربطين فيه انتِ بنتي ماسوت شي وانا واثقه فيها
فاطمه بضحكه استفزاز : اي نشوف وش يصير بعدين اللهم لا شماته
ام عناد بانتقاد : فاطمة اقطعي الشر واطلعي المَره مو فاضيه لكلامتس
فاطمة طلعت وهي تضحك واستوعبت لو يكشفون وجد
هي الي سوت هاذي الفوضى كلها وخافت ينقلب عليها الكلام وفكره ام عناد عنها بعد ماطلعت على حقيقتها
اما ام عناد الي ماتوقعَت فاطمة بهاذا الكذب وكيف تقول ان وردّ هي الي تاذيها وتسبب مشاكل معها وتفتن بينها وبين وردّ واكتشفت ان وردّ هي المظلومه وقعدت عند ورد تظمها
قاطع سرحانها أتصَال العنود : هلا يمة العنود
العنود : يمه عندتس احد ؟
ام عناد : انا ببيت عمتس عقاب عند وردّ وش تبين
وردّ رفعت نظرها على سارة وتاشر لها بمين؟
ام عناد : العنود
وردّ بهلَع وتوترتر : حطي سبيكرر
ام عناد حطت : العنود خالتس وردّ تسمعتس معي
العنود : ياخاله غرام بخير وانا عندها الحمدلله وعناد موجود
ورّد : ويينهاا بنتي غرام وين يالعنود هي بخيير
العنود : معليه ياخالتي غرام بخير ونايمه داخل الحين وحنا بفندق عناد مستأجر لنا شقة وبقول له يمركم اخر الليل تجونا بس خالتي انتبهي عمي عقاب يشوفتس لو شاف غرام ذبحها وتعرفينه انتِ
وردّ بسرعه : طيب طيب
العنود  : خالتي اذا تقدرين جيبي اغراضها حتى جوالها مو معها
وردّ ببكي : زين يالعنود طالبتس انتبهي لضناَي
العنود : من عيونيي

ام غرام : بقوم اجهز اغراض بنتي
ام عناد : بجهز معتس
وكانت وجّد سامعه كل الحوار وراحت قبل يلاحظونها لامها
وجد : يمه يمه
فاطمة : نعم شتبين
وجد : العنود دقت على امها وعرفت مكان غرام وعناد معهم بعد
فاطمه بصدمه : ايشش ، لازم نقول لابوتس يمسكها ولا بننتهي لو عرفو انها انتِ
-
الساعه 12 الليل
بعَد ما وردّ صرفت زوجها انها بتروح لام عناد تعبت  وجهزت أغراض بنتها
طلعت ل بيت ام عناد ينتضرون عناد يجيهم بهاذي الحاله
دخلت فاطمه عند عقاب : وردّ وينها ؟
عقاب بهدوء  : راحت بيت ام عناد
فاطمة : الا رايحين عشان غرام
عقاب بعصبيه مفُرطة  : شتخربطين فيه انتِ
فاطمه : لاتصرخ علي رح لزوجتك الي رايحه لبنتها بدون شورك
عقاب هنا انجن : اييش ووقف وهو يطلع برا البيت وفعلاً يشوف سياره عبدالرحمن محركه من عند بيتهم ووردّ راكبه معهم
انجن هنا انها كذبت عليه ولا رايحه لبنتها الي يدورها وركب السياره يلحقهم