الهوى يبقى هواك واغلى منك مالقيت

15

سبحان الله وبحمدة سبحان الله العظيّم ..
الحمدلله دائما وابداً ..

وقف وهو يقول : انتضرك برا ، وغادر الغرفه بعد ما ألقى كلامه عليها
لبَست عبايتها الكُحليه واخذت شنطتها وهي تحط مكياجها وجوالها طلعت للي جالس وحال ماشافها وقف وهو يحط جواله بجيبه وهو يتنهد بعصبيه : انا ماقلت لتس لاتلبسين ذي العبايه
من داخلها تحاول تهدي نفسها ونطُقت ببرُود : ماعندي غيرها
عناد مشى لناحيه الباب : خذي من العنود
سفهته وهي تضع الطرحه على راسها
لف عليها باستعجااب : شعرتس!! غطيه
واخيراً نطقت بعصبيه : لاتسوي فيها تتحكم فالي اللبسه انا كذا ببيت ابوي وببقى كذا لو سمحت لاعاد تتدخل
سكر باب الغرفه وتقدم لها وهو ينطق : انتِ الان حرميّ انا ولاارضى زوجتي تطلع بهاذا المنظر
نطقت وهي تقول : مالك شغل وزواجنا على الورق بس لاتسوي فيها غيران ولابيني وبينك شي
ضرب الجدار وهو ينطق : سوي الي تسوينه ببيت ابوتس عندي مايمشي
غرام : للمره الثانيه اقول مالك شغل
للحظه كان بينطق لاَكن قاطُعهم أتصال ام غرام
ردَت وهي تناظر له : هلا دنيتي
ام غرام : وينكم ابطيتو خفنا صارلكم شي
نطقت ترد على امها : جايين ياماما مسافه الطريق
ام غرام : زين
قفلَت من امها وهي تلقي نظرها عليه بتحدَي وتفتح باب الشقه وتطلع
مايقدر مايقول انه انقهر من حركتها ومن خروجها كذا
خرج وهو يستغفر ويردد بنفسه ( تصبر تصبر ياولد )

بيت الجد سُليمان |
فوضى المكان والقهوة اللي رايحه جايه للرجال
والصاله المُرتبه كانه يوم عيد دخل الجد سُليمان وهو يكلم ام غرام: يابنتي وينهم ابطوو علينا
ام غرام : كلمتها تقول جايين الحين
الجد سُليمان هز راسه ونطق : قولي لنوره سطام جاء هو وولده
ام غرام : ماشاءالله الحمدلله على سلامتهم
الجد ابتسم بحُب لام غرام : الله يسلمك يابنتي يلا انا بطلع للمجلس
ام غرام : بحفظ الرحمن ياعمي
ووقف وهو يخرج لمجالس الرجَال
وقفت ام غرام وهي تتجهه للجده نوره
في المطبخ |
العنود الي كانت تحط القهوه نطقت وهي تقول: وحشتنيي غرامم وهاذا يوم بس
خلود ضحكت : بتجي بتجي بتشبعين منها بتعيش معتس
مير سوي القهوه لايجي عمي ويكبها على راستس
العنود ضحكت

بعد وقت
دخلت سياره عناد وهو يوقف لَف عليها : قبل شوي مشيتها لتس بس الحين غطي وجهتس عيال عمي قدامتس
سمعت له لاول مره وهي تضرب الطرحه على وجهها
ابتسم عناد برضا وهو ينزل ونزلت معه غرام تسلم على ابوها وجدها وعمانها وحال مانتهَت دخلَت بيت جدها
وهي تسلم على امها وتسمع الضجيج الي داخل قبل تدخل نزلت عباتها ووقفت امام المرآه وهي تلقي نظرها على شكلها قاطعها دخول العنود وهي تضمها بقووووه
ونطقت : اشتقتتت لتسس ماتوقعت يوم بس يسوي فيني كذا بدونتس
غرام ضحَكت : انا اكثرر عنوديي ان شاء الله معك كل يوم
العنود باعجاب : وش ذي الكشخه يابنت ارفقي فينا
غرام باحراج : مبُالغ فيه؟
العنود بسرعه : لا لا حلوو معليتس
قاطعهم دخُول خلود بسرعه : يلاه ياغرام ماودتس تدخلين؟
غرام : مين الي داخل ؟
العنود : الكل جدتي عازمه الحاره كلها تخيلي تعبتت
قاطتها خلود وهي تنطق : فضفضي لها بعدين ادخلي ياغرام
ضحكت وهي تدخل وتسلم على جدتها وبدات تسلم على حريم الحارن تحت سماعها لانتقادهم لطريقه لبسها
جلست بجانب امها وهي تتقهوى وتسولف مع العنود وخلود وبنات عمها ...
وجد كانت تناظر لها بحقد وكيف انها بتتزوج شخص غير الي تحبه بسبب تسرعها وارسال صور اختها لها انتساباً لها
حقدت اكثر على غرام وهي تردد بداخلها " هي السبب "
قاطع سرحانها دعوة جدتها للغداء بمُناسبه زواج الاحفاد
بعد الغداء |
الجميع راح لبيته من اهل الحاره
دخل عناد وهو يسلم على جدته وعماته
الجده : ارحبب ياولدي
عناد بابتسامه : البقى ياجده كيفتس يابعديي
الجده : يسرك الحال ياولدي
اتجهه وهو يجلس بجانب غرام الي توترت من جلوسه بجانبها امام الجميع ناظرت امها الي تاشر لها على القهوة
تاففت بداخلها لفت عليه ببتسامه : تبي قهوة
استغرب من هدوءها امامهم : عطيني
وقفَت وهي تصب ومدتها له : تسلمين
قعد يسولف مع جدته وعماته
العنود الي كانت تطالع ف غرام وتضحك
طلعت جوالها وهي تلتقط صوره لها وترسلها لغرام
ناظرت جوالها وهي تفتحه على رساله العنود وتناظر الصوره وعناد بجانبها رفعت نظرها على العنود وهي تناظر لها بوعييد لَف عناد على غرام وكيف وجهها متوردّ من الخجل القى نظره على جوالها وهو يناظر صورتهم من بعيد وعرف انها اخته ضحك بخفه وهو يقول " بنفسه شلون تتصنع القوه هاذي " وصد لاجل ماتلاحظه ....
بعد مرور وقت دقها وهو يهمس : البسي عباتس عشان نطلع
غرام وقفت وهي تلبس عبايتها وقف : عن اذنكم ياجده كثر الله خيركم حنا ماشيين
وقفت الجده وهي تسلم عليه : بحفظ الرحمن ياعناد
لفت على غرام : وش فيتس للحين ماغيرتي عباتس
عضت شفتها غرام وهي تناظر لجدتها ومن ناحيه لعناد
نطقت بتسليك : ان شاء الله
وقفت وهي تاخذ شنطتها وتقُبل راس جدتها وامها وتسلم على بنات عمها
مشت للخارج مع العنود ضربت العنود : وش ذيي الحركات العنود
العنود ضحكت : شفيتس عادي
غرام ضحكت : مريضه انتِ
العنود : بس تحبيني
غرام ضمتها : بشتاقلك
العنود : شدعوا شهر عسل وبتجين عندي وبقعد عندتس أربعه وعشرين ساعه ماني فاكتك
غرام ضحكت : يلا مع السلامة
العنود : مع السلامه
طلعت غرام وهي تركب معه

عند المكان السابق |
جابر : سعيد عرفت منهي البنت
سعيد : صادقق ؟؟
جابر : ايه ولله
سعيد بسرعه : منهي
جابر تردد : لاكن
سعيد : اخلصص منهي
جابر نطق بسرعه : متزوجه البنت ياسعيد
قال كلماته تحت انصعاق الي ماتوقع ابداً انه بيحب ولو حب تطلع متزوجه طالع لخويه بانكسار : تكفى ياجابرر
جابر طبطب على ظهره : بتلاقي الي احسن منها
سعيد بعصبيه : ما ابي الا هي!
جابر : تستهبلل انت البنت متزوجه وش بتسوي بتاخذها من زوجها
سعيد بعصبيه : لو ودي مايمنعني شي!
جابر بعصبيه اكثر : سعيدد اعقل بنت شفتها مره واعجبت فيها والاعجاب هاذا كله بيروح استغفر ربك وامش صل مع المسلمين وطيرها من بالك ياولد...
بالسياره

عناد نطق وعينه على الطريق : وين تبين نسافر
غرام برفعه حاجب : مابي اسافر
عناد : مو على كيفتس
غرام بتحدي : الا على كيفي انا مابي اسافر لو تبي تسافر نزلني لبيت ابوي
عناد : يعني عمي بيستقبلتس بعد فعلتس ؟
غرام حست بانكسار صح ابوها ماصدقها وهو الي زوجها رغم الغصه الي جاتها نطقت : ايه بيستقبلني لاني بنته
عناد انغث منها : يصير خير
التزمو الصمت ...

....
نجلاَ الي جالسه تفكر في عبدالرحمن وتتذكر موقفها معه يوم الزواج باحراج مسكت جوالها وهي تتصل بام غرام : اهليين كيفك خالتي
ام غرام : الحمدلله يابنتي بخير كيفتس انتِ وكيف اهلتس
نجلاَ : الحمدلله بخير ، خاله تسمحين اليوم اجيتس؟
ام غرام : حياك الله يابنتي تعالي تونسيني ولله
نجلاَ وقفت : الله يحييك تم مسافه الطريق بس
قفلت من عند ام غرام ومشت وهي تغير ملابسها وتلبس عباتها وشنطتها وتخرج ركبت سيارتها متوجهه لبيت عقاب للام غرام وصلت وهي تغلق السياره ومشت وهي تطق الجرس فتحت الباب ام غرام وهي تسلم عليها دخلت وهي تسولف مع خالتها
نجلاَ : كيفك ياخاله
ام غرام : الحمدلله يابنتي ، اهلتس سافرو ولا باقي
نجلاَ : لا راحو انا قعدت ماودي بالرياض بعيد عن غرام واحس اني تعودت على المكان هنا
ام غرام ابتسمت : الله يحييك يابنتي هاذي الساعه المباركه تجلسين عندنا فيها
قاطعهم دخُول عبدالرحمن: السلام عليكم
ردو السلام
عبدالرحمن: العذر والسموحه خالتي مادريت عندك ضيوف
ام غرام : عادي ياولدي نجلاَ ماهي غريبه صديقه غرام وجت تزورني
عبدالرحمن ابتسم : الله يحيها
ام غرام : تعال اجلس
عبدالرحمن: لا لا جاي عشان شغله ابوي وصاني عليها بس نسيتها
ام غرام : تمام

بيت نايف |
في الصالة العائليه
سعُود : يمه
ام سعُود : هلا
سعُود بتردد : ابي اتزوج
ام سعود بابتسامه : هاذي الساعه المباركه ولله بقول لاخواتك يدورون لك على افضل عروس
سعُود بسرعه : اخت خويي عناد بنت ذياب
ام سعود : العنود؟
سعود بتوتر : اتوقع ايه
ابتسمت اخته رزان : زين ماخترت ياسعود العنود تهبلل
اخته روان : ايه العنود تجنن دايم احنا معها عسوله
عهود : اييه ياحلوهاا
ابتسمت ام سعود لهم
واستانس سعود على مدح خواته لها
سعود : كلمي ابوي يا امي
ام سعود : ابشر تم
وقف وهو يُقبل راس امه : عن اذنتس يمه
ام سعود : اذنك معك ....

بالفندق |
كانت جالسه وهو بجانبها يضغط ف الريموت
وصلتها رساله جاها فضول وهي تدخل وكانت بعنوان
" من ذاك اليوم وانتِ مو قادره تطلعين من بالي انا احبك ولا ابيك لغيري عطيني فرصه تكفين " رفعت نظرها لعناد
المندمج على التلفزيون وناظرت لجوالها استغربت من هاذا وكتبت له : مين انت؟ .....

انتهى ...