لا تحاربو اقداركم

Part 1

الكاتبة رقية علي اكبر

الجو ممطر و صوت المطر تن تن تن ركضت بسرعه ونزرعت البتسامه بسرعه على وجهي و قلت وقت الواحد يتمنى بسرعه ركضت حتى اكون جوه المطر ودخلت جوه المطر ويا كول قطره من المطر اتمنى امنيه لحظه ما دا الحك صارو هوايه أمنيات اني واضحك وابجي غمضت عيوني واتخيل نفسي لو كنت اني محظوظه مثل البنات وعايشه بالقصر(بالنسبه اليه السقف يجمعني بي امي وابويه هذا قصر حتى وان كانت خيمه المهم عندي حضن ابويه من ابردد يدفيني بحضنه وامي تمسح الي دموعي من ابجي ) صرت ادور ادور واتخيل واضحك واخر شي سمعت صوت اجه وخلاني اتوقف عن الحلم وكنو قال ريهان اكعدي من الحلم دا تحلمي ست ايمان ريهان شنو داتسوين تعالي ادخلي بارده راح تمرضين بقيت ادور واضحك وقولت لكن امنياتي اهم ايمان ريههههان تعاالي جوه فتحت عيوني وبهل اثناء طحت على الارض وصرت ابجي وابجي وقولت واذا دخلت ودفيت راح يدفه لبداخلي من برد المشاعر و تجميد الحب والحنان شي واحد ممكن يجمعني ويا اهلي وهوا المطر وحتى المطر تردون انحرم منه

ايمان:تركتها صعدت فوق ليلى ليلى
ليلى: نعم ست
ايمان: هاي اختج يمتى تبطل عادتها بلا
ليلى: ليش ست شبيها ريهان
ايمان: روحي شوفيها شنو بيها اني حاطتكم هنا حتى ابتلي بيكم هسه تتمرض وتعالي اصرفي على الدكاتره
ليلى: اباوع على ست ايمان وعيوني راحت على شباك دا تمطر ماكملت كلامها وركضت على ريهان انزل بسرعه من درج واصيح وخرو عني وخروووووو

ليان:شبيها هاي مثل ثوله تركض
تالا:اكيد اختها المخبله مسويه شي
ليان: تعالي نلحكها ونضحك عليها
تالا: ههههه يلا
ليلى: بسرعه ركضت على ريهان وضميتها بين يديه ريهان ياروحي ليش هيج تسوين
ريهان: ليلى اتركيني اتركيني وحدي عووووفوووني
ليلى: قومي خلي ندخل جوه راح تمرضينن
ريهان: مارررريد ادخل جووووه
ريهان: اتركيني وحدي اريد ابقى وحدي عوفيني
ليلى: قولتلج تعاللللي ادخلي جوه ليش ماتسمعين كلامي
ريهان: ليش تلعبين دور الاخت فهميني انتي مو اختي افتهمي هل شي احنه عدنه اهل انتي ما تتمنين اهلج يرجعون ياخذونج هااا
ليلى:بعدتني عن حضنها وباوعت ب عيوني وقامت وصارت تصيح انننننيييي ماااااااعندي اهللللللل اني اهههههللللي من يوم التركووووووني ماااااااااتوووو من يوم الباعوني نتهو اني ماعندي اخ ولا ام ولا اب ولا خال ولا خاله ولا عم ولا عمه ولا احددددددددددددد وصارت دك ايدها حيل على الارض افهمييييييييييي ماااااااااااعندي اهلللللللل وعيونها صارو ينزل منهم
دموع وحده وره ثانيه ولزمتني حيل وعيونها حمر دم انتي هم ماااااااعندج اهل افتتتتتتهمي لو عندج مااااااااتخلو عنج ولا تركوج لحظه وحده تتخيلينهم وتملين وجودهم بالألعاب
صرت ابجي واشهك وداتوجع من لزمت ايدها تركتني ورجعت تضرب ايديها على الارض ولج افتتتتتتهمي يمتى تستووووووعبين
لو عندج اهل انتي ماكنتي عايشه ب هذا المكان وماكنتي يمي ولا كنتي راح تشوفين هل مكان
ويلي بي لو انتي عندج سند ما كنتي راح تخافين من باجر يجي لانو كل يوم يجي تكبرين بي وتعرفين بنفسج لو تكونين بيد واحد ابن حرام لو تكون حياتج جحيم بالشارع مرميه استووووووووووووووووعبي لو اهل عدنه ما كان راح يكون هذا حااااااااااالنه
لوران اشوف ليلى منهاره رحت ركض عليها واريد اهديها و ريهان بس تبجي وتشهك بلا أي صوت ليلى كومي وياي
ليلى : ما دا تفهم اهل ماكو احنه ماعنده اهل احنه ما ننتمي لأي احد احنه ماعندنه غير بعض
لوران: بعدها صغيره راح تفهم بعدين كومي وياي يلا ليلى تعالن بنات ساعدني دخلوها جوه تعالي وياي ريهان لزمتها ودا ندخل
ليان: ههههههههه ماناقصنه غير المخابيل بعد
ليلى:باوعت عليها وخزرتها اشوف ريهان دخلت ورايه وسمعت.......
تالا: استلمي دخلت لقيطه
ليلى:دفعت البنات وحيل جريت تالا من شعرها وركعتها على الارض طاحت ونمت فوقاها وحيل ضربتها بوكسيات على وجها منو لقيططططططط اااااااحجي خنقتها بيدي لثنين ويحاولون يوخروني عنها لكن ماقدرولي وهيه ما تتنفس قوموني عنها كوه رجعت عليها ودفرتها برجلي ب كول قوتي اجو ولزموني حيل واني صرت مانلزم تخبلت عقلي مو براسي اليوم اخلص عليج تركوووووني والله اليوم موتج على ايدي اتركووووووووووني
اجن نسوان ولزمني ثنين من وثنين منا وبعدين سمعنه صوت كولش عالي
ايمان هاي شنو صوتكم طاااالع شبيجننننننننننن تخبلتن
ليان: تعالي ست شوفي ليلى تخبلت علينه
ليلى: اجت اتجاهي وضربتني راشدي عمري ما راح انسى
ايمان: وبعدج رافعه راسج دنكي راسج
لوران: ست ايمان الغلط مو من ليلى الغلط من تالا
ايمان: انتي اسكتي مادفع الج حتى تكونين محاميه الها
ليلى: باوعت بنص عيون ايمان وقولتلها ماسويت شي عيب حتى ادنك راسي على موده وهاي قدام ست ايمان كلامي متوجه للكول أي وحده تجاوز عليه او على اختي راح يكون مصيرها من مصير تالا فهمتووووووووووووو
ايمان: رجعت ضربتها راجدي اقوه من قبله انتي ماتستحين تهددين كدامي هاااا
ليلى: رجعت باوعت الها وضحكت وقلتلها انتي وحده لقيطه
ايمان: راحت جابت عوده مال مسح وحيل ضربتني بيها
ليلى: صرت اصيح واقوله انتي بس من هل كلمه تحسستي لعد شلون تقبلين على روحج يقولون هل كلمه لبنيه ماعدها اهل هاااااااا ماتقولين ل روحج شلون تتحملها كسرت العوده على
راسي ومع ذالك والله الوجع ما داحس بي واسمع الكول يحجي ويصيح اكو الماقبلو واكو التضحك وتشمتت بس مايهمني عيوني راحت على ريهان اباوع عليها عيونها بس ينزل منها دموع وجها احمر واسمع ايمان تقوووول......
ايمان: اذا اهلج ماعرفو يربونج اني اربيج من اول وجديد وجرتني من شعري حيل وصعدتني فوق اكيد غرفه العذاب صرت اضحك واقول اذا انتي عندج اهل وهيج صار بيج لعد شنو حال لماعنده اهل شمرتني ب كول قوتها وتذكرت اهلي شلون شمروني على مود الفلوس لواحد ساقط مايعرف شي غير يشتري بنات ب فلوسه و يفرغ شهوته بنات مثلنه اهلهم يبيعيهم على مود كم فلس ياخذونه....
جابت العوده من حديد هل مره صعب تنكسر مثل الاوله وحيل على كول مكان من ايد ورجل ماكو مكان يعتب عليها واني صوتي مايطلع تذكرت وجع قلبي اكثر من هذا لوجع سطحي صرت اضحك واقوووول يااااااارب هاي عبادك يمارسون اقسه العقوبات حتى نحس بالألم بس مايعرفون هذا الوجع اريد اكمل وصارت تصيح كاااااااااافي ولج ساقطه ادب سيز وبعده لسانج طويل داسمع كلامها ماحس غير شي ضرب راسي حيل وماحسيت على روحي بعد..........

اسمع صوت نفتح الباب صوت ضعيف تعالو شوفوها اسمع وحده تقول نفسها ضعيف الحقوني اريد افتح عيوني اباوع بس احس النعاس سيطر على عيوني كولشي مغوش اني دا اباوع هل شي لو روحي نمت واحس هل نومه مو اثقل من هذيج نومه لنمتها وبعدها ..............

لوران:فتحي عيونج ليلى
ليلى:اباوع مغوش رجعت سكرتهم وفتحتها مره ثايه يلا وضحت
لوران: الحمدالله على سلامتج خوفتيني عليج
ليلى: اني وين
لوران: بالمستشفى
ليلى: ههههه هم رجعت لنفس المكان وكنو مكتوب باسمي هل مكان
لوران: ليلى قبل لا اقول شي قاطعتني.....

ليلي: قبل لا تكملين ثنينه نعرف اني مو غلطانه ومابيه اتناقش بهل موضوع سكري فدوه لوران
لوران: اوف منج ليلى
ليلى: اريد اطلع فدوه
لوران: خليني اصيح دكتور
ليلى: قولت ويا نفسي على لاساس دكتور يعرف لوجع لبيه ههه لو يعرف كان بقاني هنا للابد
وره شويه اجت يلا خلينه نروح راح نرجع سجن ايتام
لورين: باوعتلها
ليلى: سديته لحلقي... امشي بالكوه وجسمي متكسر ايدي مجبصنه واحس راسي دا يدور بيه اخخ شنو احجي واقول عليج يا ايمان حوبتي ما تتعداج دخلت سياره واشوف تالا خشمها مكسور وعينها اليمنه مطفيه مامفتوحه وحالها حال والله ضحكت على منضرها وجها كوله
مورم تستاهل وان شاء الله بعد اكثر
تباوعلي وتخزر بيه وقولت بصوت ناصي ترى عندي ايد ثانيه تكفي وتوفي اذا حابه اطفيلج عين الثانيه وبتسمت بتسامه خفيفه
نزلنه واريد اصعد فوق وبالممر واسمع صوت ناصي يصيحني ليلى رجعتي درت وجهي وشفت ....
....................يتبع................
شكرا 🤩 على القراءة اتمنى عجبكم البارت ان شاء الله انزل تكمله على بارت✨ الجديد احبكم 🥰