گمارة آسر

بارت(31)

رجعتت
♡♡♡

دره:
ماحجيت ويه حيدر من ذاك اليوم مر اسبوع وانه متجاهله حيدر صح مشتاقتله واريده يمي بس ما انسه الي سواه ومن كل عقلي جنت اريد اطلب الطلاگ

وفعلا بيوم حيدر گاعد بلمطبخ يتريگ يريد يطلع للدوام طبيت للمطبخ رفع عينه عليه وضل يباوعلي وگفت گدامه وگلت

_اريد احجي وياك بموضوع يخصنه

حيدر: احجي

_طلگني

حط گلاص الجاي الجان بيده علطاوله گام غسل واجه وگف يمي رجعت ليوره وهوه يتقدم عليه لحد ما انلزگت بلحايط حاصرني قرب وجها يم اذني وگال بهمس

حيدر: تحلمين اطلگج درتي

_دفعته وگتله بغضب ودموع
اذااا تحبنييي ليشش تخونييي هااا ليشششش

حيدر: ماخنتجج انتِ مافهمتييي السالفههه

_شنووو الي مافهمتهه حيدررر شنووو لككك سوالفف وضحكك وياهااا شنووو بعددد

حيدر: درهه بس خل افهمججج شبيج انطينيي صبرر

_فهمنيي يله فهمنيي

حيدر: باعي عيوني باعي ياروح روحي ولله العضيم والي اسمه الله ماخنتج البنيه اتصلت بيه گالت احنه سوينه مسابقه بلمحل نروح للزباين الي اجونه بأخر فترة شهرين او اقل مادري ونختار عشوائي وانتو طلعتو من الي اختاريناهم وحبينه نربحكم بهديه بسيطه من عدنه وابو المحل جان گاعد يمها وضحك وگال مبروك الزواج وانه ضحكت ويا وانتِ طبب طبيتي علينه وصرتي تبجين واتهمتيني بلخيانه وانتِ مامفتهمه شي اصلا

_جذاب منو يگول صدگ يجوز سويت خطه

حيدر: وحگ عيونج وحگ كل حرف بلقرأن ماجاي اجذب عليج وهاي اگدر ادگلج على رقمهم وعلى فكره همه نطوني لهديه تعاي اراويج ياهاا تعاي

_لزمني من ايدي سحبني وداني لغرفتنه اول ماطبينه هدني وراح للكنتور مالته طلع من عنده علبتين وسط فتح اول وحده بيها طقم ذهب نازك كلش حلو والثانيه بيها ساعه رجاليه ومحبس

صفنت بيهن طلع ورقه من يمهن راواني ياها

حيدر: هاج شوفي باعيي مكتوبب مبروكك الزواجج وهاذي هديه بسيطه من محلنهه وانتو فزتوو ويانه باعيي وين الخيانهه بلموضوعع

_ماعرفت شحجي بس دموعي صارت تنزل ضحكت بغباء مامصدگه امسح دموعي وابجي مسح وجها بأيديه وگال بهدوء

حيدر: المفروض تسمعين مني اول ماتحكمين بسرعه دره دمرتيني بهلكم يوم

_باوعتله غمض عيونه فتح ايديه وكأنو يگلي تعاي لحضني ماصدگت رگضت رميت نفسي بحضنه وضليت ابجي حضني حيل اله يبوس براسي وخدودي مامصدگ يتنفس براحه