♡♡
فاطمه: گعدت الصبح البنات نايمات قررت اسوي ريوگ رحت للمطبخ فتحت الثلاجه ماعرف شسوي شفت بيض طلعته وخليت الطاوه علنار فقسته بلطاوه وفرغته بس ماسوه تشش ليشش خلي اخابر الارعن بلكي يعرف
_الو
آسر: هلا يابعد الالو امري يروحي
فاطمه: باوع انه سويت بيض حطيته علنار بس ماسوه تشش مثل ما انتَ تسوي
آسر: هنيالي
فاطمه: الف مره
آسر: هههه حبيبي انتِ ماخليتي الزيت شويه يحمى بسرعه خليتي البيض طبعا مايسوي تشش
فاطمه: اي انه شمعرفني وها بعد لادگلي حبيبي خوشش
آسر: تدللين
فاطمه: ارعن
طفيت الاتصال وكملت البيض خليته بلصينيه وخليت الخبز صفنت شويه ورحت للثلاجه طلعت جبن وقشطه حطيتهن وحميت الجاي
زينب: گعدت الصبح لگيت دره توها گاعده غسلنه ونزلنه جوه شفت فاطمه مسويه ريوگ وتريد تصعد تصيحلنا
الله هايي شنو اليوم مسويه ريوگ
فاطمه: هيو تره انه شاطره بلأكل مو غريبه عليه
زينب: اي صح مو غريبه عليج خل اروح اصيح حيدر وحسين
فاطمه: تمام تعاي دره خل نتريك حته نروح للبيت اريد الم غراضي وارجع هنا
دره: راح تعوفين آسر
فاطمه: اي
من سمعت ردي سكتت وتباوعلي بحزن ماهتميت
زينب: رحت لغرفتهم فتحت الباب لگيتهم نايمين بعدني يم الباب دگ موبايل حسين جاوب عليه
حسين: الو؛ لا هله ولامرحبا؛ شلزگتي انتِ بابا ماريدجج افهميي ماحبج اكرهج ماطيقجج روحيي عوفيني لخاطر دين محمد لعبتي نفسي
زينب: اسمع الحجي ومستغربه منو هاي الي لازگتله هوه ميريدها
دگيت الباب هوه فز بسرعه وغلق التلفون سويت نفسي ماسمعت حجيه وغيرت الموضوع
_حسين گعد حيدر وتعالو تريگو وراكم جامعه
حسين: ءءء تمام راح اگعده
زينب: عفته ونزلت جوه فكرت اگل لفاطمه بس تراجعت لازم اعرف منو هاي معقوله ويا بلجامعه بس هوه سنه اولى وينه وين الحب اوو شعلي انه
گعدت يم البنات اتريگ شويه ونزلو الولد
فاطمه: دره جانت خجلانه كلش من الولد لاحضت حيدر يباوعلها غلست عن الموضوع
خلصنا ريوگ وطلعنه انه ودره للبيت حيدر وصلنه
طبينه للبيت وحيدر راح رحت لغرفتي وبديت الم ملابسي آسر ماموجود بلبيت اجت دره گعدت يمي
دره: فاطمه انطي آسر فرصه لتسوين هيج بي والله يموت بدونج
فاطمه: موتتهم دره اخوج خبلني عذبني خلاني اعيش كابوس مستحيل انطي فرصه لو يبقه اخر يوم بعمري خلي يتعذب مثل ماتعذبت
أنت تقرأ
گمارة آسر
Misterio / Suspensoبين ليالي مُضلمه وشتاء بارد واصوات المطر العالي هناك فتاة تحمل حقد كبير في داخلها وتخطط للأنتقام ثم فجأه تقع بين يدين جحيمها الجديد ومهووسها المريض بلسايكو ماذا سيحصل قُصه حقيقيه
