حورية مالگ

حورية مالك♥️

الفصل السابع
في منزل مصطفي الاسيوطي .
في غرفه ريم ابنت عم بطالنا بنت جميله صغيره قاعده على سريرها بتعيط بحرقه من اللى كانت بتشوفه من عمر فى الرحله وفى الجامعه.
ريم:-ماشي يا عمر والله لاوريك.

صباح اليوم التالى:في غرفه حور.
صحيت من النوم وقعدت تفكر فى اللى هتعمله انهارده ومش عارفه صح ولا غلط وقامت وقررت تعمل اللى فى دماغها قامت اخدت شاور لبست درس باللون الأسود وطرحه بيضه ونزلت على الفطار.
حور:-صباح الخير جميعا.
الكل:-صباح النور.
قاسم:- انتى خارجه ولا اى.
حور:- ايوا يا بابا عندى مشوار كدا.
قاسم:- تمام انا همشي بقا عشان عندي شغل.
وفاء:-ماشي يا حبيبي.
حور قعدت وفطرت وقامت.
حور:- انا همشي بقا عشان متأخرش اه ممكن اتااخر انهارده.
وفاء:- ماشي ي حبيبتى.

فى فيلا الاسيوطي :-
فى غرفه ريم صحيت من النوم وعتيها منفوخه من العياط قامت اخدت شاور ولبست بلوزه وبنطلون على طرحه ونزلت الفطار.
ريم:-صباح الخير.
على وصفاء:- صباح الخير يا حبيبتى.
على:- رايحه فين يا ريم.
ريم:-رايحه الشركه عاوزه اشوف أبيه مالك وحشني.
على:-ماشي يا حبيبتي عموما مالك لسا ماشي من شويه ياعنى لو كنتى بدرتى شويه كنتى روحتى معاه.
ريم:- يلا حصل خير.
_____________________________________

فى ڤيلا على الاسيوطي:-
فى غرفه مالك صحي من النوم دخل الحمام ولبس بدله كلاسيك ونزل على الفطار.
مالك :-صباح الخير.
الكل:-صباح النور.
على:- عامل اى يا مالك.
مالك:- الحمدلله يا بابا.
احمد:- مفيش عامل اى يا عمر.
مالك؛- هتكون عامل ايه ياعنى مصايب زى العاده.
احمد:- تشكر يا أبيه.
صفاء:- رايح الشركه مع اخوك يا احمد.
احمد:- ايوا بس مش دلواقتى.
مالك:- تمام انا ماشي رايح الشركه.
الكل:- مع السلامه.
في منزل هدى...
في غرفتها على السرير والمنبه بيرن صحيت فجاه.
هدى:- يالهوى الشغل يالهوى دا انا لسا اول يوم يالهووى هترفض يا ناس الحقوونى.
دخلت امها عليه وهيا بتجرى فى الاوضه زى المجنونه.
سعاد:- مالك يا بنت المجنونه الساعه لسا 7 وانتى معادك 8 والمكان مش بعيد ياعنى.
هدى:-الله يطمنك ياسوسو اووف فكرت انى اتأخرت ولسا هتعد اااه الحقوونى يا ناااس هتاخر يالهوووى.
سعاد:- ربنا يكملك بعقلك يا بنت المجنونه.
______________________________________
حورية مالك ♥️
في شركه الاسيوطي وصل مالك ودخل اوضته لقا ريم قاعده مستنياه.
مالك:-ريم حبيبتي عامله ايه.
ريم:-الحمد لله يا أبيه كويسه وحشتني اوي الاسبوع ده قولت أما اشوفك.
مالك:-يا بكاشه منا معاكي على الفون طول الرحله.
ريم:-ايوا بس ميكفنيش لازم اشوفك كدا.
مالك:-ماشي يا ستي انا اهوه اخبارك ايه بقا.
ريم:-الحمد لله بخير.
مالك:-مالك كدا حزينه اكيد شوفتي حجات في الرحله معجبتكيش.
ريم:-عادي يا أبيه انا من اول ما دخلت الكليه دي اصلا وانت مفيش حاجه عجباني.
مالك:-قولتلك متدخليش انتي كنتي جايبه أعلى الكليات انتي اللى دفنتي نفسك عشان استاذ احمد.
ريم:-عادي بقا.
مالك:-لو عاوزاني انقلك من بكرا انقلك.
ريم:-لاء يا أبيه انا عاوزه افضل معاه.
مالك:-اه عشان تحرقي في قلبك انا عارف.
وفجأه الباب خبط....
مالك:-اكيد دا محمد ..ادخل
الباب اتفتح وظهرت حور.
مالك بصدمه:-حور؟
حور:-صباح الخير.
مالك:-صباح النور اتفضلى.
حور:-احم كنت حابه اتكلم معاك شويه.
مالك:-طبعا اتفضلى اقعدي.
حور:-شكرا.
مالك باستغراب:-شكرا! انتي سخنه ولا حاجه.
حور:-على فكره ممكن امشي.
مالك:-لاء خلاص.
ريم وهيا بتضحك عليهم:-قي ايه بيحصل هنا.
مالك:-مفيش دي حور يا ريم صديقه ومصدر الهام لموظفه عندنا.
حور:-استغفرك ربي.
ريم:-ايه.
مالك :-دي ريم يا حور بنت عمي واختي.
حور:-اهلا بيكي يا موزه.
ريم:-الله دي نفس لغتي شكلنا هنبقا صحاب يا موزه.
حور:-دا شرف ليا يا قشطه.
ريم:-وانا اكتر يا معلمه.
مالك متابع تطور لغه التكاتك وفاتح بقه.
مالك :-انتو بتقولو ايه يا شويه حوش بطلو الكلام ده قاعدين في سوق ولا ايه بطلوا الكلام دهه.
حور:-طب حاسب ليخبط فيك.
مالك:-هوا ايه !
حور:-الكلام.
فجاه الباب خبط. مالك:-ادخل..
احمد:-متجمعين عند النبي يا معلمين.
الكل :-عليه الصلاه والسلام.
مالك :-اهي كملت وتبقا سوق حقيقي.اهوه الصايع الفاشل سواق التوكتوك بنفسه اجه.
احمد:-انا يا ابيه؟
حور:-ابيه ؟ابيه وبتقول عليه سواق توكتوك؟
احمد:-اه ما انا الاتنين يا موزه.
مالك:-احمد احترم نفسك.
احمد:-ايه يا أبيه ما تسببنا نفك مع البونايه شويه.اسمك ايه يا موزه.
حور:-حور.
احمد:- الله يسلام على الجمال.
حور:-ايه يابني دي مفوته معاك خالص.
مالك:- مش خلاص.
ريم :-ايه يا احمد مش شايفني لدرجادي.
مالك:-معلش يا ريم بهيم بعيد عنك.
احمد:-ازيك يا رورو.
ريم :-الله يسلمك يا احمد.
مالك:-دا احمد اخويا يا حور ودي حور يااحمد صديقه.
عمر :-تشرفنا يا مزه احمد دنجول الكره الارضيه كلها.
حور:-قولتلك حالتك صاعبه خالص.
الباب خبط..
مالك:-يااادي ام الباب انا هشيله عشان يبقا بحري مننا للشارع. ادخل.
دخلت هدي.
حور:-هدي.
هدي:-حور بتعملى ايه هنا.
حور:-كنت جايه اتكلم مع مالك شويه بس شكله مش فاضي.
مالك:-لاء ممكن تروح اوضه الاجتماعات نتكلم شويه.
حور:-تمام..