حورية مالگ

الفصل التاسع ♥️
نزلوا المستشفي اسعفوا مالك بسرعه وخصوصا أنه جاى مع رئيسه قسم فى المستشفى .
مالك حوليه الدكاتره كتير خصوصا أنه شخصيه معروفه ومش قليله.
وقفوا النزيف عوضو الدم اللى نزفه وخصوصا أن الجرح مكنش عميق.
الدكتور خرج طمن عمر وحور .
الدكتور: اطمنوا الجرح مش غميق ووقفنا النزيف وكله تمام بس محتاج راحه الايام اللى جايه حاليا هوا اخد مسكن ونايم ممكن تروحوا انتو وتيجو لما يفوق بعد اذنكم.
احمد وحور وقفين لسا بيحاولو يستوعبوا اللى حصل .
احمد: انا السبب أبيه مش هيسامحني انا السبب في تعبه .
حور: خلاص ي احمد بقا حصل خير هوا كويس نحمد ربنا.
احمد: روحي ارتاحي انتي ي حور ولما يفوق ابقي تعالى .
حور:لاء مش همشي غير لما يفوق واطمن عليه.
احمد:طيب طمني عيلتك عشان ميقلقوش.
حور: اوك.
_________________________
حور في جمب بتكلم في الفون.
حور: ايوا ي بابا معلش انا هتاخر شويه حصل ظروف كدا هبقا احكيلك عليها متقلقش عليا.
قاسم : ماشي ي بنتي بس طمنيني.
حور:اوك ي بابا .
_________________________
عند مالك في الاوضه.
مالك يدأ يفوق وحور وأحمد قاعدين جمبه مستنين يفوق .
حور قامت تجرى تجيب الدكتور.
حور: بدأ يفوق ي احمد .
احمد قام يجرى: أبيه انتا كويس.
مالك من غير ما يبصله: الحمدلله
حصل ايه
حور: الجرح في جمبك بس الحمدلله مش عميق .
مالك : الحمدلله حد عرف بابا أو مااما.
احمد: لاء مرضناش نقلقهم.
حور : ارتاح انتا بس وبعدين ربنا يحلها.
مالك: اوك.
جه الدكتور: حمدالله على السلامه ي استاذ مالك محتاجين منك ترتاح بس والباقي علينا.
مالك : شكرا ي دكتور.
_________________________

في فيلا الاسيوطي.
على ابو مالك عمال يرن عليه وعلى احمد محدش بيرد احمد فونه وقع في المشكله ومالك قونه مع استقبال المستشفي .

في اوضه مالك:
الباب بيخبط دخلت ممرضه .
الممرضه: اتفضل ي استاذ مالك فونك مبطلش رن من ساعه ما جيت.
مالك اخد الفون:شكرا ليكي ، ينار اسود امي وابويا هاريني رن .
حور: هات وانا هرد.
مالك ادلها الفون وهوا مطمن مبعرفش أن هيا هتخرب الدنيا.
حور : الو
على : ايوا مالك فين مبيردش لى على الفون.
حور بتلقائيه: معلش ي عمو حصل شكله مع ابنك احمد ومالك ادخل واخد مطوه حاليا في مستشفي الحياه بس متقلقش هوا كويس وفايق ومجرالوش حاجه.
على: انتي بتقولى اي
صفاء: يالهووووي ابني يالهوووى.
مالك خبط على وشه بأيده: الله يخربيتك ادعي عليكي بايه هاتي الفون ده هاتي .
احمد قاعد بيضحك على الهطل اللى بيحصل.
ماكل اخد الفون منها:الو انا كويس والله حاجه بسيطه مفيش داعي للقلق.
على : انا جاي حالا اقفل.
مالك: اقول فيكي ايه ب شيخه الطم.
حور: بدأت تتطقن اللغه ي مالك .
احمد: حصل.
مالك: اخرس ي حيوان.
احمد حط وشه في الأرض وسكت
حور عشان تهدي الجو : في أي س جدعان ما تهدو كدا ،اي ي مالك مكنتش شكه ابره دي هتعمل حوار.
مالك: حوار؟!
احمد لسا هيبرر ويتكلم لقا الباب بيتفح على آخره وأبوه وأمه داخلين.
صفاء : ابني حبيبي مالك اى اللى حصل الدكتور قال ايه طمنوني.
مالك : اهدي يا ماما اهدي انا كويس.
حور : اهدي ي طنط ما هوا زي الصاروخ قدامك اهو.
صفاء : انتي مين.
حور: انا مصدر إلهام هدي.
مالك وأحمد معدوش قادرين يكتمو الضحك وبقو على آخرهم وقعدو يضحكم.
على: بتضحكو على ايه ما تفهمونا.
حور وهيا بتقوم: والله منا عارفه عيال فاضيه ،طيب انا همشي انا عشان متأخرش .
مالك : استني احمد يوصلك عشان الوقت اتاخر وانتي سايبه عربيتك عند الشركه.
احمد وهوا بيقوم : تمام يلا هوصلك .
حور: اوك ،حمدلله على السلامه يا مالك اشوفك بكرا وانا كدا كدا هاجي عشان هبدأ شغلى هنا من بكرا.
مالك : اوك باي
حور وأحمد مشوا .
صفاء باستغراب: مين دي.
مالك بضحك :مصدر الهامي.
على : لاء بجد .
مالك :بنت قاسم المصرى اكيد عارفه.
على :اها بس اي جابها في الليله دي.
مالك: كانت جايه مع موظفه في الشركه وبتقول أنها مصدر الهامها ومحمد اتعامل معاها وحش وانا حبيت اصلح الموقف عزمتها برا ولقيت الكابتن بيتخانق دي كل القصه.
على بغمزه : وانتا من امتا بتعزم حد برا.
مالك: يووه بقا اللى حصل مش قادر اتكلم.
صفاء: خلاص ي حبيبي ارتاح.
_________________________
في عربيه احمد
احمد: مش عارف كل ده حصل امتا وازاى الدنيا انقلبت ومكنتش عامل حساب كدا.
حور: حصل خير.
احمد: صدقيني انا مظلوم في الحوار ده.
حور: اقعد مع اخوك لما يفوق وفهمه الموضوع.
احمد: أن شاء الله.
احمد وصلها البيت ومشا على البيت يغير هدومه ويرجع المستشفي تاني.
----------------------------------------
في بيت هدي
قاعده تفكر في محمد وصعبان عليها الوحده اللى هوا فيها
وقاعده مستغربه نفسها هيا بتفكر فيه ليه
استغفرت ربها وقامت تنام عشان تروح شغلها بكرا.
_________________________
حور روحت البيت دخلت لقت امها وأبوها قاعدين اول ما شافوها قاموا عليها يسألوها في ايه حكت ليهم كل حاجه حصلت وأبوها شجعها على اللى حصل
قامت واستأذت عشان ترتاح وتروح شغلها بكرا.
_________________________
تاني يوم الصبح هدي وحور استعدوا يرحوا شغلهم حور راحت الشركه لقت محمد طالع يجرى وركب عربيته ومشا مش عرفه فيه ايه سألت اسيل متعرفش قادت استنت لما يجي تشوف في ايه وبتدعي ربنا يسترها.
_________________________
محمد وصل المستشفي وسأل على اوضه مالك
مالك قاعد والممرضه عند وبياخد علاجه دخل محمد فجأه.
محمد: في ايه سلامتك ايه اللى حصل .
مالك: مفيش يابني حاجه بسيطه.
محمد لقا احمد نايم على كنبه في الاوضه وبدأ يفوق.
مالك: احمد يبقا يحكيلك مش قادر اتكلم.
سكتم الاتنين من خبطه بسيطه على باب الاوضه دخلت بعدها حور وباينوفورم بتاعها مالك تنح كان شكلها زي الملاك اللى جاي يشفي جروحه.
حور باهتمام : صباح الخير عامل ايه دلوقتي.
مالك بابتسامه: الحمدلله بقيت احسن لما شوفتك.
محمد :اه ياحنين .
احمد فاق : في أي ي جماعه مالك انتا كويس .
مالك من غير ما يبصله ؛ اه
ام وأبوك فين .
احمد: روحوا لما انتا اخدت العلاج ونمت مشيتهم هتلاقيهم جايين الوقتي .
حور: بعد اذنكم اروح استلم شغلى عشان جيت على هنا على طول.
مالك: اوك مستنيكي تيجي تاني.
*********************
عند هدي في الشركه كل شويه تروح تسأل اسيل محمد جه ولا لاء اخر ما زهقت راحت على مكتبها محمد وصل الشركه وراح لاسيل
محمد: صباح الخير يا اسيل
اسيل: صباح الخير ي فندم.
محمد: حد سأل عليا اول على مالك.
اسيل ؛ ايوا كل شويه انسه هدي تيجي تساال على حضرتك وبتسال لى كنت طالع من الشركه تجري.
محمد: اه وقولتيلها اي
اسيل: قولتلها معرفش حاجه.
محمد: تمام لما تيجي تاني دخليها.
اسيل: اوك.
عند هدي في المكتب مش عارفه تشتغل عندها تشتت قلقانه ومتوتره ياترا كان بيجرى ليه وخارج بسرعه من الشركه قامت تسأل تاني اسيل وقالت لها أنه جه طلبت تدخل عنده .
هدي : مساء الخير ي فندم.
محمد: مساء الخير يا هدي عامله ايه واخبار الشغل
هدى: تمام ي فندم.
محمد: اى فندم دي اظن اتفقنا محمد وانا اصلا بقولك ي هدى.
هدي : تمام ممكن اسال سؤال لو مفيش فيها تطفل .
محمد: كنتي عايزه تعرفي انا خارج بسرعه من الشركه بالطريقه دي ليه.
هدي: ايوا.
محمد: لى.
هدي: مفيش قلقت بس .
محمد حكالها على حاجه حصلت.
هدي: ينهار اسود وهوا عامل ايه طيب وحور جرالها حاجه.
محمد: لاء كله تمام هوا جرح بسيط واتعالج الحمدلله والعرسه كويسه متخافيش.
هدي: الحمدلله. طيب هما في مستشفي ايه .
محمد: الحياه.
هدي: دى اللى حياه شغاله فيها.
محمد: شوفتي سبحان الله.
هدي ؛ كويس حور هتخلى بالها منه.
محمد: العرسه دي مش بعيد تجلطه.
هدي: عيب عليك متقولش كدا دي جميله وطيبه اوي.
محمد: والله ما حد هنا جميل غيرك.
هدي باحراج :طيب هروح اشوف شغلى
ولسا هتمشي محمد: هدي كنتى بتسألى على المستشفى لى.
هدي: واجب عليا اسأل عليه.
محمد: تمام انا رايح بعد الشغل ولو مفيش مشاكل اخدك معايا.
هدى: مش عايزه اتعبك معايا.
محمد: تعبك اكتر حاجه ممكن تريحني على فكره.
هدي: احم عن اذنك.
محمد: ماشي
_______________

في بيت الاسيوطي
ريم بتلبس عشان تروح مع عمها ومرات عمها لمالك خلصت وخرجت قابلت احمد في الطرقه قلبها دق بعنف شديد خصوصا من شياكته ريحته اللى سبقاه وسامته المهلكه فاقت واتحركت عشان تمشي وقفها احمد.
احمد: ريم استني.
ريم: ايوا ي احمد.
احمد: لسا زعلانه مني.
ريم: من أمته انا بزعل منك دقيقتين على بعض .
احمد: امال مبتخرجيش من اوضتك لى.
ريم: مفيش كل الحكايه اني زعلانه من نفسي انا مكنتش حابه أن حد يتأذى بسببسي مش اكتر.
احمد : بسببك ازاى ياعني عايزاني اشوف واحد بيتحرش بيكي والسكوت عشان محدش يتأذى.
ريم : ما لو انتا مكنتش زعقت فيا مكنش كل دا حصل مكنش أبيه مالك في المستشفي دلوقتي عن اذنك.
جت تمشي احمد شدها ووقفها احمد: اسمعي بقا مش معني اني بسكوتلك يبقا تسوقي فيها عايزه ايه عايزاني اشوف راجل موقفك في الشارع وامشي ولا كان حاجه عايزه تبقي سايبه ملكيش راجل ولا ايه.
ريم نفضت أيدها منه؛ اسمع انتا بقا مش معني أن البنات اللى انتا تعرفهم كدا وبيتجاوبو مع اي حد يبقا انا كدا ،وسابته ومشت.
_________________________
عند مالك قاعد في ملل وعايز يخرج من المستشفى قام من على السرير وعايز يخرج من الاوضه يتمشي شويه خرج من الاوضه من غير وجهه معينه افتكر حور وهيا بتقوله أنها رئيسه قسم الاطفال دور مابين الاقسام على القسم ده لحد ما لقاه حاول يلاقي حور لحد ما لقاه واقفه مع دكتور بتضحك وبتسلم عليه اضايق جدا ومعتش عارف يرجع ولا يروح لها كمل وراح حور اول ما شافته جاى ابتسامت ابتسامه ضيعت كل وجعه بس مينكرش أنه مضايق منها راحت مسكت أيده وساعدته.
حور: كويس انك خرجت من الاوضه كدا احسن.
مالك: امم مش تعرفينا.
حور: دكتور حسام دكتور اطفال هنا معانا ملهمي للقسم ده واني اتخصص فيه.
مالك اضايق اكتر وكان عايز ياخدها ويمشي بس حسام ادخل.
حسام مد أيده يسلم على مالك: ازيك يا استاذ...وبص لحور.
حور: مالك الاسيوطي.
حسام: اهلا استاذ مالك حمدالله على سلامتك. اي إصابتك شايفك مشيتك مش حلوه.
مالك: خناقه بعيد عنك .
حسام بضحك: ربنا يبعدك عن المشاكل بقا عشان متجيش هنا تاني.بس مقولتليش انتو تعرفو بعض منين.
حور: كل الامور جت صدفه كدا.
ابقا احكيلك بعدين.
مالك: بعدين!انتو قريبين من بعض بقا.
حسام: طبعا انا و رورو علاقه من زمان.
مالك: اممم ، طيب استأذنك بقا في رورو توصلني لاوضتي .
وشد حور من غير اي كلام .
حور طول الطريق شيفاه ساكت وضامم حواجبه دليل على الضيق.
حور: مالك ي اخينا.
مالك: ملكيش فيه.
حور بضيق من كلامه : هوا اى دا انتا رخم.
مالك مسكها من أيدها : بت لمي نفسك عشان مخلكيش تنامي جمبي في نفس القسم وبعدين مين ده اللى واقفه تضحكي معاه بالطريقه دي.
حور : دا حسام .
مالك: شيخه ونبي قولى وغيري.
حور: حسام دا اخ.....لسا هنكمل كلامها سمعت صوت بيقول: في أي ي جماعه ايه اللى مواقفكم كدا.
بيبصوا لقوا حسام صاحب الصوت ده مالك بصلها وهوا بيمشي : قوليلو ايه موقفنا كدا وسابها ودخل اوضته وسط استغراب الاتنين.
حور: يلا يابني نكمل شغلنا اي شغل المجانين ده.
وراحوا على شغلهم.

ياترا لى مالك ادايق كدا!؟
وحور هتعمل ايه خصوصا أنه شابها ومشي وهيا بتكلمه ؟!
وحسام دا هيطلع مين؟!
هتعرف كل دا بكرا.
❤️❤️❤️❤️❤️❤️
_________________________