ࢪوايـة: 180 درجـه🔥.
للڪاتبه: فـࢪاشـه 🦋💎.
.
.
.
.
.
.
.
.
.
.
.
.
اوس بصوت عالي: ياامعففن نا مصدقت افتكييت منك ردييت اخرى
راكان مسكه من سوريته وهو ماسك سنونه: اطلللع برررا تو نحكووو بررا
اوس: لا مانبيششش نحكييي بررا نا بنحكي هن عندك مانع
لميس جت تجري وهي داهشه: شن فيييه شن فييه
كارلا مسكتها: مافي شي يا ماما تعالي للدارك هذا صديق راكان داير فيه مقلب... وخذت امها ومشت
اوس ضحك: هههه شكلك متجوزها من ورانا 😂
راكان: انتت من تحساب رووحك جاي اتمرجل عليا قدام الصبايا هااا
اوس صبا قدام راكان: وانتت ايش رجعك لشغلك هااا قولي
كره راكان وعزقه قدام الباب وقال لحيدر: نزلو لوطا لاحقكم وجاي ...
كارلا : شن فيه هذا كنه
راكان مسح ع وجهه: هذا ولد اخ الآغا متاع مشاكل طمني امك انا عندي معاه كم كلمه
وبعدين تو نجي ناخذكم لحوشي وتو رواحكم... ونزل وهوو ناوي اوس 🔥🔥🔥.
راكان خبط راس اوس ع السيار: يامعفففن ياواطيي ي وسخ ي.... شن تبييي هاا شن تبيي
كلامكك معاي نا ليش جاي هنااا هاا ليييييش
اوس: افتكيت منك وقلت نا حنقعد اليد اليمين للآغا لاكن ننصدم انك رديت للشغل كيف
راكان: ونتتت شدخلك نرد مانردش شي مايخصك فااهمم
اوس: لا يخصني يخصني
راكان: هههه بتستلم الشغل قلتلي وانت من اول مره خسرت وسد ان ابتليت فعملتك
اوس: ونتعلم ونتدرب يعني انت ع اساس من اول مره جبتها صح
راكان عزقه ع الارض: اصرفوو معاه بعدين اطلقوه الكلب هذا... وساوا جاكيته الجللد ورقا للشقه
لميس: ليش يا ولدي بتاخذنا معاك هنا احسن
راكان: يوم واحد بس ياخالتي عندي نا الوضع امن الين مانتصرفلكم في الازعر هذ
لميس: هذا مش صاحبك وداير فيك مقلب
راكان سكت واذكر ان كارلا فهمتها ان صاحبه، بعدين قال: في طقه مطرشق يعني متاع سكير وحشيش عرفتي نصحصحه قبل بعدين نجيبكم للشقتكم تمام
لميس: تمام
كارلا كانت واقفه وماسكه الشنطه وتفكر اوس ليش جاي هنا
وشن يبي من راكان والكلام لي قاله شن يقصد بيه كانت مشوشه جدا😶😶😶
راكان: هااا كارلا خمس دقايق عندي شغله ننهيها ع السريع ونجيكم تمام كارلا
كارلا هزت راسها: تمام نستنو فيك
.
.
.
راكان: تفضلو اعتبرو الحوش حوشكم
لميس: تسلم ياولدي ربي يحفظك
راكان جت حذاه راكان وقالت بتوشويش: هذا مش الحوش يلي قبل بتقتلني فيه
راكان ضحك: ههه ايوه هو بس ماتخافي مانبي نقتلك
لميس بتعب: ياولدي وين لداير تعبت حسيت ضغطي رقا
بعد الفجعه لي خذيتها
راكان: تعالو معاي نوريكم دياركم... ورقو فوق للحوش وهما معجبين بالحوش وتفاصيله♥.
لميس: انت عندك كم حوش ياولدي
راكان: حوش واحد وحوش المزرعه هذاك مانقعد فيه.... واشر ع دار
تفضلي تريحي في هذ... ومشت لميس للدراها
وكر كارلا وقال: هذي دارك، وصبا قدام الدولاب وفتحه وقال... الدبش هذا كله لك ان شريته لك
كارلا: شكرا ليش تعبت روحك بس انا عندي دبش
راكان ابتسم: يعني عجبني وحسيته يخيل عليك 😄
كارلا بادلاته الابتسامه: تسلم يارب بس جبته ع الفاضي مش حنلبسه
راكان مسك فستان كان ابيض طويل وعليه طرف تركوازي وقال بترجي: ياريت تلبسي هذ
كارلا: تمام نفكر
راكان: انا عندي شغل بنمشي ماتتغايبو ودير اي شي تبوه فالحوش... وجا بيطلع
كارلا مسكاته من يده: بتجي للعشاء
راكان يحكي وعيونه في يد كارلا لي ماسكته: نفكر ع قولتك
كارلا ضحكت: ههه تمام كان جيت تلقاني لابسته الفستان
راكان بفرح: تمام معناتها جاي
وسكت ورد قال: بس كانت جت الساعه عشره وماجيت تعشو وماترجوني تمام
كارلا: تمام
راكان: يلا اوكي... وبحت فيها بنظره اخيره وطلع
مسكت كارلا الفستان يلي قاللها عليه راكان ووقفت بيه قدام المرايه وهيا معجبه بيه:
وللهي عنده ذوق هالراكان... وقعدت دقايق وهيا تتأمل فيه بعدين تمت تتأمل في تفاصيل
الغرفه البسيطه الهاديه وقالت: معناتها الخمس دقايق يلي قال عندي فيهن شغل كان
يجهز فالديار ههه يما يطلع منك، هذاك ايش زعما حمام لالا بس هناك الحمام... سيبت الفستان ع السرير وفتحت الباب وقالت بصدمه: واووووو هذا محل ولا شنو... لللا هذي بوتييك اوميقايد دبشه واجد لاكن كلله داكن... ومسكت سوريته وهيا تشم فيها بعدين رمتها وقالت بعصبيه:
نا فيش اندير بعدين حاطني في داره الصايع هذ هييي معناتها وين بيرقد هواا 😨😨
أنت تقرأ
180 درجـه🔥.
Mystery / Thrillerتنقـلب حيـاة کـارلا 180 درجـه بعـد أن تشهـد على جريمـةة قتـل في حي من أحياء ليبيا وتتـورط مـع أخطـر العصـابات 🔥🔥. ولکـن هـل تنفـذ من هذه العصـابه أو تشتغـل معهـم أو تمـوت؟ 🔥🔥. ويوجد قصص حمـاسيهه اخرى🔥🔥. روايــه ليبـيه حمـاسيه جـداً تجـمع بين...
