ࢪوايـة: 180 درجـه🔥.
للڪاتبـه: فـࢪاشـه🦋💎.
اليوم حينكشف سـر كبييير وخطيير مكنتوش متوقعـينه🔥🔥🔥
بسم الله الرحمن الرحيم ♥:
.
.
.
.
.
.
.
.
.
.
في صـباح اليوم الثاني🌥:
طق خالد باب دار ساره وخش وانصدم بمنظر ساره يلي كانا كارسه في تركينه حذا الدولاب وحاضنه روحها وعيونها منفوخات 💔
قعد حذاها وحط يده على راسها: تفاح بسكر
بحتت فيه ساره ومادرات اي ردت فعل
خالد: انا لابنهزب ولا بنضرب وانت عارفتني معاك انت بالذات متفهم ومستحيل نغلط بس نبي منك شي واحد احكيلي شن علاقتك بأمير وبكل صراحه ياساره منبيش لاكذب ولا لف ودوران ووعد مني مش حنأذيك انا خوك نحبك ومنرضاش فيك اي شي احكيلي ومتخافيش ... ومسك يدها وباسها♥
ساره هزت راسها: ا امير كان صديقي
خالد رفع حاجبه: كان صديقك بس؟؟
ساره: كان صديقي ووهمني انه يعرف احمد الله يرحمه وانهم كانو اصدقاء وكذب عليا وقالي ان اسمه نزار وو وكان يمشي لعيلة احمد الله يرحمه ويساعد فيهم
خالد حاول يخفي عصبيته: ولد الكلب، ومدارلكش اي شي مأذكش
ساره هزت راسها ودموعها ينزلو: لالا
خالد صبا وهو يمسح على وجهه ويحاول يهدي روحه، فجأه ينفتح الباب بقوه وخشت ورده وهي تلعلع
ورده بعصبيه: انتتتت هييي شن تحسسابييي روححكك انروح هكككك ونلقي الحوش حايسسس ولكوجيييينه معفففنه زييي وجههك هذذذذاا وجهههي كان اجوزتيي يا باييره ي معفنننه صبببيي لمي الححوششش صبييي... وشهقت بصدمه لما شافت خالد يلي مربع يديه ويشوفلها بكل برود
خالد ببرود: كملتي آنسه ورده؟؟؟
ورده: آنسه في عينك مدام نا آنسه قولها لحبيبتك مش ليا
خالد هز راسه: تمام حاضر، طبعاً ساره مش حتقرب شي في الحوش تمام انت يلي حتنظفيه وماشي توا وفاليل جاي هنا وتي روحك يا ساره بناخذك معاي للشقتي... وطلع وخبط الباب معاه🔥
ورده: بيقتلني الولد هذا بيقتلني ماكبرلك راسك الا هو العصبي هذ وللهي ماني لميته هي خليه معفن هك وخلي باتك يجوز عليا ونخليها تلم الحوش وتنظفه ونقتلها ونقتل بوك ونقتلكم كلكم ونفتك منكم... وطلعت وهي تعيط وتهزب ڪعادتها🤷🏼♀️
صبت ساره نظمت دارها ووتت دبشها وحاجاتها يلي بتاخذهم في شنطه ودوشت ورقدت😫
.
.
.
خالد عيط: كييففف كيففف توقفونيييي لمدةة اسبوعيين مششش علي مزاجكمم وقضيتي شن بييصصيررر فييهااا؟؟؟!!!
النائب ببرود: لما تكون متعدي على ولد الآغا تحمل مايجيك تستاهل
خالد خبط على الطاوله: ولد ستين كلب تحسابني ندمان لو يرد بيا الزمان نقتله هو وبوه يلي جابه وطز فيكم وفي قانونكم الخارب... وطلع وتلاقى هو واكرم
اكرم: شن بيصير في القضيه
خالد: جيبلي الملفات وكل حاجه يخص القضيه وتعال اليوم بنمشو للمسرح الجريمه بس نا عندي مشوار صغير قبلها... وركب سيارته وهو متجه لحوش كارلا🔥🔥🔥
فتحت كارلا الباب وقلب وجهها: شن تبي حضرة المفوض انا تو متجوزه معليش يعني
خالد دفها وخششها للدار المعيشه وصكر الباب
كارلا تعيط: مشالله تتتتتعدى عليييييا في وسسسسط حوششششي هذا ماناقص
خالد عيط ومسك المزهريه وكسرها: صككككري فمكك ومعششش تعيطييي... وخذا نفس وكمل... تمام منبيكش تشهدي ولا تقولي من القاتل ولا شي نبيك تساعديني لو عندك اي دليل ممكن يفيدنا او يساعدنا ياريت تعطيه لنا عشان نعرفو نشتغلو
كارلا وجعها خالد مشت للدراها وبعد دقيقه ردت ومدت للخالد ورقه مكتوب فيها
(الغـراب الأبـيض، الغـراب الاسـود) وكانت الورقه ملطخه بالدم
كارلا: متسألنيش من وين او امتى او كيف بس لي نعرفه ان الورقه هذي كانت مع المرحوم قبل مايموت، ياريت تمشي توا... وطلعت مشت للدارها
وسيبت خالد يلي ماسك الورقه وهو مسته بعدين طلع ركب للسيارته وشوي
وقف لما اذكر موقف
فلاش باك 🎬:
خالد: حضرة النائب بكرا بناخذ عطله عندي كذا حاجه بنديرهن
النائب: رغم انك متستاهلش بس نعطيك تمام
خالد قلب وجهه وقال بهزوه: بارك الله فيك وللهي... وجت عينه علي علبه فيها غراب ابيض بحت فيها بإستغراب بعدين طلع بس ماعدل
في الحـاضر:
خالد خبط بيده ايده بعصبيه على الدومان: دارها ولد الحرام كان مشربتش من دمه مايبقى اسمي خالد🔥🔥.... وتحرك بسيارته
أنت تقرأ
180 درجـه🔥.
Mystère / Thrillerتنقـلب حيـاة کـارلا 180 درجـه بعـد أن تشهـد على جريمـةة قتـل في حي من أحياء ليبيا وتتـورط مـع أخطـر العصـابات 🔥🔥. ولکـن هـل تنفـذ من هذه العصـابه أو تشتغـل معهـم أو تمـوت؟ 🔥🔥. ويوجد قصص حمـاسيهه اخرى🔥🔥. روايــه ليبـيه حمـاسيه جـداً تجـمع بين...
