﷽
#هَواجِسُ الغَسَفُ "روح"
للكاتبة فلاية ال حلفي🤍
لتنسون التصويت+التعليق+متابعة للحِساب✨
____________________________➳♥
طلعت حتى ادور النه مكان واشوف وين نروح
من يطلع الصبح دخلت لفرع وبقيت افتر بي شفت مكان
غريب وبي اصوات ماعرف شنو ماعرفت افسرها !
هستوني اريد ارجع ونلزمت ايدي حيل واندفعت على الحايط
گلبي دگ سريع ، وجسمي رجَف بللت شفايفي بخَوف
من القرب الصار بيني وبين هاالشخَص الشفته ضيق
عيونه اردف بصوت خشن
::- منو انتَ وشتسوي هنا بهالليل؟
رجعت بلعت ريگي بخوف ، حاوِلت اركز على ملامح
وجهه ما بينت ظلمة واضوية خَفيفة انتبهت لعيونه
مركزهم على عِيوني دار وجهه وحجه بصوت ناصي
اشبه بالهمس
::- ايـبا ، أشتعلو الأهل على هالعيون .
باوعلي ورجع اردف
::- اهلك وين ؟
ماتحملت دفعته من صدرة حيل وركضت ، بأسرع
ماعِندي درت وجهي من وصلت لنهاية الفرع بعده ثابت
على نفس الوگفه ومكتف أديناته ومنتچي على الحايط رجعت
ركضت لحد ما وصلت للكارتونه وخرتها وفزت عشق
عشق :- ها لگونه ، شكوو ماما شبيجج؟
بيلين :- ماكو امشيي نركض بسرعةة
شلت العلاگه وركضنا سوه على السريع ، بدت الشمس
تطلع گعدنا بحَديقة على مصطبات وطلعت جوزدان
صغير من جيبي ، وگومت عشق وياي اشتريت صمون
وجبن وسويت الها لفه واشتريت بطلين مي ورجعنا نمشي
مشينا هواي لحد ما وصلت وشفت شاب بعمري تقريباً خفت
اسئلة ، باوعت للجهة الثانيه مرة جبيرة بالعمر وكاعده
تبيع روبه باوعت لعشق واردفت
::- جوعانه؟
عشق :- شويه
اخذت ايدها ورحت يم المرة الجبيرة ابتسمت اول ما
شافتنه نتقرب الها بيضة وملامحها تخلي الشخص يطمأن
ويرتاح عيونها عسلي فاتح ، وبيدها سبحه گعدت بصفها
وگعدت عشق اردفت بصوت مليان حنية
::- هلا بعد چبدي ، شلون بنيات فدوة لله
ابتسمت الها وحجيت
بيلين :- خاله اريد اشتري روبه
::- اي يمه هاج تدللين
أنت تقرأ
هَواجِسُ الغَسَفُ "روح"
Mystery / Thrillerماذنبُ هذا العالمُ بمعاناتي؟ ماذنبُ العصافيرِ المعششةِ في رأسي لتفرَّ هلعًا صوبَ رؤوسٍ آمنة؟ ماذنبُ الأصدقاء والقرَّاء والجدران والورق الكثيف؟ عليكِ سماعي الآن، ونسيان كل ما مضى من فقدٍ وفراقٍ وجحودٍ وعهود عليكِ غفران اندفاعي في إطلاقِ الشكوى وأض...
