ضلام بُراق🖤

تعريف

كاعدين وملتمين كلنا ع عشا ودنيا تموت برد قارص مو طبيعي يعني جماد صحت فيروز
فيروز وينج شو هاذ الچاي مر
اي خويه خلص الشكر ويمكن طاحلك اخر استكانه لأن خليت بيها قليل شكر
خوش اني كايم اجيب من ابو فوزي
امي صاحتني تعال يمه براق دنيا تمطر وبارده كلش خاف تتمرض يمه هاك ستكانتي.
لايمه كايم اجيب حتى هم للريوك الصبح البنات عدهن دوام ..
قادر ومثنى وعدنان اخواني الصغار عمر قادر ١٢ومثنى١٣وعدنان ٧
أما البنات اكبر فيروز ١٧واساور١٦وهيله١٤ .
ماعرف بس امي هاي خلفتها واحد وره واحد جابتنا اني عمري٢٠ شكلي طويل صاحب جسم ضخم شويه وعندي شوارب عيوني عسليات اشتغل من صبح لحد ٦العصر عند واحد يبيع ملابس وشغلات ينطيني يوميه بسيطه بس اهم شي تكفينا ومامخليتنا بعوز لكمه بس اخواتي مرات اشوفهن يحتاجن شي للمدرسه مايحجن خجولات ادز بيد امي شنو يحتاجن من السوك.

المهم لبست قمصلتي السوده ام الكبوس وطلعت
للمحل مال ابو فوزي هاذ ابو فوزي رجال جبير عنده محل يجيب اشياء بسيطه يعني سوالف غذائيه واجباس ونساتل .
المهم وصلت
الله يساعدك عمي
هلا بوليدي براق شلونك
الحمد لله عمي بنعمه بس اريد جيس شكر
اي عمي تفضل
مشكور عمي تفضل
خليها وليدي
لاعمي مشكور الله يحفظك
رجعت للبيت صاحت امي فيروز حمي الچاي لاخوج برد
كتلها لايمه عوفيها تتعشى راح احمي ع صوبه 
المهم حميته ع صووبه وبعد ماشتهيت عشا فشربت بس چاي وكلت الحمدلله على النعمه
كمت غسلت ورحت لغرفتي الي هيه عالمي الخاص والصغير هيه رغم صغر مساحتها بس تعنيلي كلشي احسهه دافيه ومناسبتني
بس ماچنت اعتقد هاي الغرفه راح تبرد بيوم واحتاج لشخص يشاركني بيهه جنت مكتفي بفراشي وبحياتي البسيطه ماجانت عندي احلام مثل الشباب طلعه وكوفيات ووسوالف جانت احلامي بسيطه انو اعيش خواتي وامي واخواني واسترهم بلكمه بسيطه 
المهم نمت من وكت لان تعبان من الشغل