ضلام بُراق🖤

هدوء ماقبل العاصفه

دخلت للبيت لكيت امي وفيروز واساور والولد
كتلهم باجر اريد الكل تدوام ووترجعون لمدارسكم ماريد احد يضل كاعد
قادر: من كل عقلك تحجي هيج يعني اختنا شارده ومانعرف ويامن ووين وتريد نرجع لمدارسنا يابرودة دمك
مثنى: اي والله صح كلامك
براق: اسكتو ماريد احد يعترض باجر الكل تدوام شنو قابل من تغيبون عن مدرستكم ويضيع مستقبلكم اختكم راح ترجع للبيت لو شنو هي حجه حتى تتركون المدرسه
اني لو مامجبور جان بقيت بيهه وكملت دراستي احسن من الذله مالت الشغل هاي
ام براق: واذا سألوني ع هيله يمه شكول شحجي
سكت براق وخواته واخوانه يباوعوله ومنتضرين شراح يكول
براق: نعلن وفاتهه بالمنطقه
ام براق:وهي تبجي شنو سبب شنكلهم شلون ماتت
براق: انتلت بالماطور وخلص
ام براق: من يكلك الناس تصدك
براق: يصدكون لان احنه بجو شتا ومطر وضيم اكيد يصدكون يمه
عفتهم ودخلت لغرفتي اسمع امي تبچي والبنات بس مابيدي حيله يعني لازم اسوي هلخطوه حتى لخاطر سمعه خواتي تروح كله لاجلهن ولاجل مستقبلهن راح اعلن وفاتهه بالمنطقه
ثاني يوم كعدت الصبح كلت لامي والبنات احنه راح نطلع وانتن اکلبن البيت صياح وصريخ حتى من يجن نسوان المنطقه تكلولهن خذوههه اخوانهه للمستشفى وفيروز تعالي وياي انتي
فيروز: تمام
طلعنه واخذت فيروزه ومثنى وقادر وعدنان عفته بالبيت ورجعنه لكيت امي والبنات يصرخن والجوارين ملتمه وبيت عمي جايين وكلهه تعزي بيه خابرت ابو المحل كتله هيج وهيج القصه اختي توفت
لا الله الا الله
الله يرحمه البقيه بحياتك وشتحتاج اني موجود بخدمتك
رحم الله والديك ياطيب
وكلهه خلال ساعه عرفو هيله ماتت وعرفو السبب مال موتتهه واني اجرت غراض ونصبنا الجادر واخذت امي وخواتي للنجف حتى نزور ونريح كلبنه بحجه راح ندفنهه ماخذت احد وياي ولاقبلت اخذ احد كتلهم اريد امي واساور وبس فيروز وعدنان ومثنى بلبيت وقادر يجي ويانه رحنه للنجف
دخلت للحضره مال الامام علي عليه السلام
ركعت على اركباتي وبجيت بجيت من كل كلبي من كل روحي طلعت كل حسره تركتها بداخلي وفرغت همي ولزمت شباك الامام علي ودعيت يعيني ع مصيبتي والله حملي ثكيل ومالي قوه بعد اني امثل قوي علمود امي وخواتي بس اني تعبت مالي طاقه بعد انتهيت
هاي السالفه صعبه وخاصه علي لان اني ماعندي سند لا اب لا عمام كلمن ملتهي بروحه يجون مثل الغربه واذا درو بالسالفه يشمتون بدال مايسندوني ويوكفون وياي
زرنا اني وقادر وصلينه ودعيت ربي يبرد گلوبنا ع هاي المصيبه
ضلينه كاعدين شويه اجت امي واساور
ها براق يله زرنه امشينه نرجع للبيت
لا خل ادخلكم مطعم تاكلون شي اكيد هناك ماتكدرن تاكلن وعيون النسوان عليچن
يمه مالي نفس اكل شي
لاتاكلين يمه ورانه طريق
دخلتهم مطعم ياكلون واني لگمه ماحطيت بحلكي افكر بهاي المصيبه
وين راحت
ويامن
شلون تجرأت تطلع
خاف مخطوفه
لا هي كاتبه رساله شلون مخطوفه
طيب تلفونها اي تلفونها اول مره يجي ع بالي بلكت تاركته
اكلج فيروزه
كول
هيله مو انطيتها تلفون
اي
مالكيتنه دورتنه بلكت مماخذته
ماندري والله من نرجع ندوره
وهنا انزرع امل جديد بكلبي وتفائلت كلت بلكي من خلال تلفون الكه دليل مراسله