كعدت الصبح ساعه 7
شفت امي كاعده بالهول ومسويه ريوك واني اشتم ريحة السياح الي تفوح وريحه الچاي المهيل من ايد الوالده
صبحج الله بلخير يمه
هلا وليدي صباحك عافيه
شنو البنات ماكعدن مو مدارس
والله يمه انطوها عطله ع الانواء والدنيه تمطر حيلل من امس لليوم ماجاي تصفه
اي يمه زين يسوون احسن
صبتلي چاي وطكتلي بيض عيون وسياح
سميت بسم الله وكعدت اكل
اجت فيروز طبعا فيروز ماسولفلكم عنها چبيره البيت واحسهه امي الثانيه ع كد ما حنينه وطيبه عيونها زرگ طوخ يشبهن البحر ووجها ابيض مثل الحليب صافي كلش واحلا وحده بلبيت هيه
صباح الخير خويه
هلا فيروزه صباح الورد شعجب كاعده مو كالو ماكو دوام؟
فيروز: بعد متعوده ع كعدة صبح
تمام كابليني وصبيلج استكان چاي وكلت
رحت ع اخواني اكعد بيهم بالسره
ولك قادر اكعددد مثنى ياله صيرو زلم نومة الضهاري للنسوان يله عدنان
مثنى:كعدت وباوعت ع ساعة ⌚
ياضهاري براق انت حلمان ساعه 7ونص الصبح خلينه نايمين تعبانين من المدرسه
اما قادر وعدنان طايحين بالقاضيه ماكو حس الهم
استخطيتهم وعفتهم كلت يكبرون ويلحكون ع شغل وضيم
بعدني جاي البس بحذائي تكرمون
وابو المحل دك عليه
اهلا استاذي
صباح الخير لاتجي اليوم ولا تفتح ماكو ناس وجو تعبان اكعد بيتكم واستر عليه لاتنتل ويبلوني بيك
اني ضحكت كلت شبي هاذ انهد فرد هده بيه ع عموم همزين علاقل ارتاح بلبيت
بهلاثناء شفت امي كاعده وتباوعلي وتضحك لضحكتي كتلهه خيرج يمه شو تضحكين ع ضحكي
كالت لا ماكو شي بس شفتك تضحك ضحكت ع واهس الله يديمها وليدي
هنا عرفت امي بالها بغير شي المهم ككعدت
كالت ها شنو شو كعدت
كتلهه ابو المحل كلي لتجي علمود الجو وهم ماكو ناس
كالت اي زين سوه.
المهم شو كعدت وماحبيت الكعده بقيت صافن وافكر بمستقبلي الى متى هيج!
يله تخلص وتهون
فيروز: هلو اني فيروز اهلي يسموني فيروزه اني عيوني زرك وبشرتي بيضه كلش اهلي يشوفوني ملكة جمال بس اني ماشوف نفسي هيج احس شكلي طبيعي وعادي ادرس صف خامس اعدادي ومستواي زين الحمدلله
اساور: هلو اني اساور طبعاً عرفتو شكد عمري اكيد اني شكلي عادي بشرتي بيضه وعيوني لون بني وشعري قصير ادرس بصف الثالث متوسط لان فاتتني سنه ورسبت هههه ماجذب عليكم مستواي زفت بالدراسة مادري شلون وصلت بس دائماً احاول انجح واسوي الي اكدر عليه حتى افرح اخوي براق لان خطيه ترك مدرسته حتى يشتغل ويخلينه نوصل ومنحتاج لاحد اني بطبعي مغروره وما التفت لاحد او بلاصح ماريد انزل راس اخوي بلمنطقه رغم هواي يزحفولي ادري طولت عليكم بوصف شخصيتي يلا اتركم وي هيلايه
هيله: هلو اني هيله عمري 14سنه عيوني عسلي نفس عيون اخوي براق عسلي فاتح ادرس صف ثاني متوسط قزمه وصاحبه لسان طويل واحب اعارك خواتي وانكد عليهم ههههههههه وهاي هي
نرجع لقصتنه وبطلها
براق: صار ليل ونمت وكعدت صبح صليت ورحت للشغل لان الجو حلو اليوم وشمس طالعه
أنت تقرأ
ضلام بُراق🖤
ChickLitكاعدين وملتمين كلنا ع عشا ودنيا تموت برد قارص مو طبيعي يعني جماد صحت فيروز فيروز وينج شو هاذ الچاي مر اي خويه خلص الشكر ويمكن طاحلك اخر استكانه لأن خليت بيها قليل شكر خوش اني كايم اجيب من ابو فوزي امي صاحتني تعال يمه براق دنيا تمطر وبارده كلش خاف...
