في عَرين الأسد

part16🦅

#في عَرين الأسد

لا تنسون تصويت وتعليق بين الفقرات متابعه
الحساب 🌿

بقلمي رقيه الخزعلي

احضني اقوى بعد
بلكت اصير بصدرك'♥️'

*****

باوع على شارع صاير هوسه سيارات وناس واسلحه
درت وجهي على سبع وهو مصدومه نفسي ومعصب
كمل يريد يوكف سياره وصحت بصوت عالي

:- اوكف سبع

:- بنت القندره شكو

:- نزلني هنا نزلني

سبع:- وليش انزلج شوف الناس الخبصه

:- واشهب إذا شافنه سوه

سبع:- اكله شفتها راجعه بشارع تمشي فضيني

:-وكف سياره ونزلنه هو لازم ايدي ويجر بيه حيل
دخلنه البيت هوسه كله قاربهم شباب شفت اسيل
جايه عليه حضنتني وهي تبجي

اسيل:- همزين اجيتي ولج البيت نرج رج بالرصاص

:- هسه تنحل اجه سبع واشهب موجود

اسيل:- هههه ولج لو بس تشوفين اشهب فراهم
فر والعباس مو رجال قنبله بعد روح اخته

:- صدك تحجين

اسيل:- والعباس خبزهم الج خبر غزلان شاف الوضع
هيج راح دك على جماعه هم وهاي شوف عينج
الهوسه

:- سولفيلي شصار

اسيل:- ولج سمعنه صياح اشهب ورمي طلعنه نركض
اشهب صيح علينه دخلنه بس أنا بقيت اشوف الوضع
وجسمي يترجف

:- جازفتي

اسيل:- اي والله جا اعوف اخوي

:- والله كفو كملي

اسيل:- اي ولج بقه يحجي غزلان بالغاز واشهب كب
نار اجه يريد يضرب غزلان واجه علي واحد خبزه
الج خبز كتلج خمسه وهو واكف

:- اخوج عملاق

اسيل:- صلى على محمد ولج هذا رجلج

:- حركت ايدي واستمرت هي تحجي

اسيل:- اخوج برا هم اجه وطلب يشوفج بس
اشهب كاله هسه وكتها ابو شهم

:- يعني اديب برا

اسيل:- اي شو اخوج جايب اسلحه ويا

:- عليج الله

اسيل:- والعباس

:- وينهن وينهن

اسيل:- شسوين بيهه بالغرفه مالتج

:- إذا جايب مسدسي ويا اشوفه الج

- شو هاي شهكت وضربت صدرها حيل وتزلغ
بخدودهه

بيري:- يمعوده شبيج