في عَرين الأسد

part 34🦅

#في عَرين الأسد

لا تنسون تصويت وتعليق بين الفقرات متابعه الحساب 🌿

بقلمي رقيه الخزعلي

إجِيت بوكِت كِلش مَا إلَّك عَازة
ضِحكَة بحَلِگ واحِد شَايل جنَازة .

*****

. ولك يمه احجي وي اخوك انتَ الفاهم الواعي ابو
القانون لا تفجعون كلبي بيكم فدوه اروحلكم

نسمع صوت عالي جاي من باب الصاله وهو يصيح

_ اذا هو أبو قانون انا أبو زربا**

ام سبع:- ولك يمه مو قصدي اثنينكم دارسين وفاهمين لا تورطونه ونخسر الاول وتالي مرتك
شردتها عنك وهاي الفتره جان لازم توكف وياها
وهيه حامل سدو سالفه يبعد روحي

سبع:- ما نسد سالفه وناخذ حقنه أنتِ بعضمه السانج
كلتي اخذو ثار اخوكم

ام سبع:- أو ما قصرتو يايمه اخذتو ثاره سدو سالفه

سبع:- أخذنه الثار الي أنتِ برتي كلبج بي مو احنى
المات اخوي اخوي افهمني يمه

دارت وجها تباوع على أشهب فهمت شنو تريد منه
وردت عليها قبل لا تحجي

الاشهب:- ما اتنازل عن ثار اخويه كلبي محمل عليهم
ولد البربو**

ام سبع:- الله واكبر ولكم اثنينكم فكرو بيه بخواتكم
انتَ فكر بمرتك بطفلك الجاي

الاشهب:- لا تخافين يعيش امه موجوده وتعيشه
والعندي ذيبه

ام سبع:- ولك يمه ناس ماترحم

سبع:- طز بناس وأبو ناس هو الله والبني ما خلص
تردين احنى نخلص ونسكت ناس جاي تحجين يمه

حوراء:- كلام امي صحيح فكرو بينه أنا ما اتحمل
يصير بيك شي والله لحد هسه ما مستوعبه موت
حسام لان تخلوني اخسركم

ام سبع:- سمعتو اختكم ما كسر كلبكم وهيه هسه
جاي تبجي ولكم يمه الله موجود ويأخذ ثاره والدنيا
دواره

سبع:- كلبي ما يبرد ولا تطفه ناري لحد ما اشوف كلوبهم نار

ام سبع:- الايام تطفه نارك وتبرد كلبك يمه

الاشهب:- ماكو نار تطفه وهاي انا هاي اسنين ما ناسي الي سووا بيه جاي انتقم وأخذ ثاري وخذت
ثاري من غزلان وكتلته بس ناري ما طفت سد
الموضوع يمه

ام سبع:- يمه سبع

سبع:- تعبان يمه راح اطب انام

الاشهب:- وانا عندي شغل في امان الله

. دخل سبع الغرفه حسام ونسمع بس صوت قفل
الباب كعدت يم امي تبجي وانا ابجي أو وياها
شبدينه شنسوي امي تبجي وتعاتب ابوي عافها
وهيه مو كد هذا الحمل