تزوجتها بوصية زوجها (بالدارجة)

156

تزوجتها بوصية زوجها📜

فوزي: نتا عارف بلي موتو كانت لمصلحة لكلينيك .واسيرم راه خدام ف لكلينيك وواكل منو اش خصو مزال(خنزر فيه)سمعني مزيان ايحيى غنخليه يدير لك لعملية .ولكن قبل فين بنتي

يحيى:لخرجت منها عايش غنعلمك اسي فوزي..

بعدات خطوة لووور...حالة فمها وموسعا عينيها لي تحجرو بدموع..

سرطات ريقهاا..وصدرها كيطلع ويهبط..من هول شي لي سمعات..

رجعات لوور...وزادت بجراااا...

نزلات تتجري..متتشوف حد قدامها غير تتجري..ودخل فعباد الله تضربات مع سناء..

سناء:فين غادة..

زادت بجرا بلا متجاوبهاا..

سناء:هاا مقولنا جرا عليها

خرجات من لكلينيك..زادت تتجري..ودموووعهاا نازلين تتشهق بجهدد...

لحاجة لوحيدة لي تتفكر فيها هي أسيرم..شخص لوحيد لي تتبكي عليه هواا اسيرم..

هي لي عاشت معااه وعارفاا قداااش قلبوو محروق على والديه...هي لي سمعات حوارو مع لولد صغير وهوا كيحكي على راسو وعلى عدابو بلا بيهم...هيي..لي شافتو اش دار منين قاصت تصاورهم...هي لي عارفااا قداش قيمتهم عندوو..وعارفاا قداش قيمة عموو عندوو...وخااا يحقد عليه..كيبقا عمووو..وهادشي..شافتو نهار قاليه ندمت حيت ربيتك ..

كتفكر فيه وتفكر فحالتوو..لعرف لعمم..لي رباه هوا لي ق تل بااه..

كتبكيي بحرقة وهي تتجري..عارفااا ...مستحيل يتحمل...شيي لي وقع...عارفااا لسمع لخبار ...غيدبل حداها ومتقدر تسقيه..

وقفات مكوانسياا..منين تفكرات هضرت عبلة..وهضرت شخص لي مع فوزي..منين علمو بلي بنتو عايشاا..

حركات راسهاا بلااا..

إخلاص:لااا انا ماشيي بنتووو..اناا ماشييي بنتووو...انا ماشي بنتوو..انا لكنت بنتوو غنخسر اسيرم لالا انا ماشيي بنتوو

كانت تتردد جملتها وهي واقفا..ومردات لبال فين..واقفاا..

واقفا فشارع...ولووطوو جااياا..كتقرب منها وطوط..عليهاا..باش تحيد..وهي والووو...
مفاقت من سهوتها تا ترطمات..

كاان رااكب فلوطوو..سايق مركز على طريق..متوجه لكلينيك..

وقف..منين شاف طريق مبلوكياا وطومبيلات واقفين...شااف لساعة..عرفت ايتعطل على لخدمة..ولمرضا كيعاينوو..

نزل خاارج..شاف شخص جاي..كان كيستفسر على اش وقع..قال لمرتو لي تتعينو فلوطو بصوت مسموع

"وراه لقدام واقعا كسيدة غنتعطلو شويا تا توصل لاسعاف"

زااد بجراا بيين طومبيلااات...وصل لقداام..لقاا ناس مجموعين..ودم سقاا لارض..

أسيرم:بعدووو انا طبيب غنقدر نعاون .