حسام. سمعت صوت زلم بره طلعت كلت تفضلوو شنو رايدين كالو ابنك كتل ابنه وشردد انه تخبلت ماعرفت شسوي دخلت للبيت كلتلهم الي صار
احلام. صار الحجي الفوك وانه ضليت الطمم واصرخ يمه ابنيي يمه وحيدي راح يروح
ودق. سمعت هيج كلت يستاهل كون ينسجن واخلص من نضراته
نروح للبطل
علي.جنت كاعد وي العائله وخابروني اخوك حامد مات انه تخبلت رحنه ركض لبيت الي كتله وكلناله وره الفاتحه نجي خلصت الفاتحه ورحنالهم
ودق. وره ثلاث ايام اجو نفس الزلم وسوو كعده واحلام الحيه واكفه يم الباب وتتسمع واحنه كاعدين وجان نسمع صوت صياح وفجاه طلعو الزلم اجه عمي كال..
حسام. اجو الزلم وكلنالهم شنو تردون على راسنه كالو نريد 100 مليون وفصليه لو نكتل ابنكم ضليت اعيط ما انطي بتي كالو فيمالا احنه رايحين ننطيكم عطوه يومين ونجيلكم اذا ما قبلتو بالفصليه تصير دم بالدم
علي. رحنالهم وصار الحجي الفوك طلعنه كلت لابوي اذا انطو فصليه منو يعقد عليها ابوي كال انته بعد منو كلتله يبه ما اريدها كال تكسر كلمتي كلتله لا يبه انه اعقد عليها
كلت بكلبي اله اخليها تتمنى الموت وماتموت كتاله اخوي
احلام. طلع حسام وكاللنه طلبو 100 مليون وفصليه يمه ما انطي بنتي
حسام. لعد يكتلون ابنج
احلام. والله ولا انطيها وركضت على ودق كلتله انطي بنت اخوك بنتي بعظها صغيره هاي وجه النحس انطيها انه ما انطي بنتي
ودق. سمعت الحجي واحلام ركضت عليه وصار الحجي الفوك وعمي وافق وانه ماجنت اعرف شنو فصليه كلتلهم شنو ذنبي انه كام عمي كتلني صار اثار ضرب بجسمي واحلام جابت سجينه وجرحتني وبعدين حطت السجينه عالنار وحركتني بركبتي وانه اصيح بس ماعدهم قلب
علي. خلصت العطوه ورحنالهم كالو راح ننطيكم فصليه انه كلت رح اشوفها الويل
ودق. صار اليوم الي اروح بي فصليه وجنت كلش خايفه وعيوني ماضل بيهن دموع من كد ما بجيت وضلن مورمات اجو الزلم وعمي طلعني بره وحطني بالسياره كال رفعي راسي لا اذبحج وسد الباب وراح انه متت بالبجي ضليت وحدي وتكو واخد جات يسوق يجنن بس يخوف كلما اباوعله يخزرلي وانه ابجي من اخوف وارجف
علي. طلعت الفصليه بس شنو غير تخبل ملاك وعيونها مورمه وضعيفه حيل وتبجي وترجع بعدين ابوها حاجاها بصوت ناصي وضلت تبجي بحركه وابوها عافها وراح كلت اله اشوفها الويل كتاله اخوي انه اعلمج وكلما تباوعلي اخزرها وهيه خايفه
ودق. وصلنه لبيت جبير عبالك قصر اكبر من بيتنه بعشر مرات كاعد اباوع عالبيت وما حسيت اله احد يكول نزلي شتنتضرين بصياح انه كمزت وضليت ابجي نزلت حسيت بدوخه لان صارلي يومين ما ماكله وبعدها طحت بالكاع
علي. وصلنه وصحت بصوت عالي نزلي شتنتضرين نزلت وجان تطيح نزلت اركض شلتها دخلتها جوه حطيتها عالقنفه وصحت لامي وشهد
ام علي. جنت كاعده ابجي ع وليدي ويمي شهد وسمعت صوت علي طلعت اركض كلتله يمه شبيك باوعت عالقنفه لكيت بنيه طفله بيضه ثلج كلتله ولك يمه منو هاي كال يمه هاي الفصليه كلتله يمه طفله شنو ذنبها خطيه وبعدين شبيها نايمه
علي. ذنبها اخوها كتل اخوي وطاحت من نزلت من السياره مدري شبيها
شهد. البنيه تجنن وبكدي كلتله علي ديربالك عليها عفيه خطيه
علي. طيري انتي عفتهم وطلعت
ام علي. صحيت البنيه بماي وفتحت عيونها خضر يخبلن كلتلها اللهم صل على محمد وال محمد صلوات شنو هالجمال شسمج يمه
ودق. كعدت يمي مره جبيره وبنيه حلوه وصار الحجي الفوك كلتلها اسمي ودق كالت عاشت الاسامي بنيتي كلتلها خاله انتي منو
ام علي. يمه انه ام زوجج علي
ودق. تشرفت بمعرفتج خاله
شهد. تعالي حبي خلي اخذج لغرفتج ترتاحين
ودق. تمام
شهد. دخلت الغرفه وسألتني
