هلو اشونكمممم
.......
للكاتبه افـafnanـنان
......
بعدها ما امكمله او قاطعتها دخول عمه ام شهم حيل احبها اذكر هيه الي ربت يزن ابول سنه من عمره ومن رحنه البيت اهل ماما الله يرحمهم اني ربيته لان بيبي ام ماما جانت مره جبيره وبل كوه تكدر تمشي واني ربيته ع ايدي
ام شهم: بنات حبيباتي هسه الساعه بل ٣ بل ٦ اريدجن انتن اسون العشه اليوم تمام
ايات؛ هفففف ماما ولله ما بيه حيل
ام شهم: انجبي شنو مابيج حيل بعدج عمرج 20وتكولين ما بيه حيل من اتكبرين اشون بله
حور؛ هاهيه عمه اني اساعدتهن روحي ارتاحي
ام شهم: عفيه ببنيتي اني رايحه اذا تحتاجن شي كللي
البنات؛ سلامتج
راحت
رقيه': اي خلي انكمل عمه كطعت علينه السالفه
اول سوال ما جاوبتي منين جايبه الجمال 💖
هدى وجنات: اي صح جاوبي
حور؛ من امي الله يرحمها
هدى: جا عود ليش اني ما طلعت عليج مثل جما..
ساره(اخت هدى): هددددى
هدى: قصدي ما طلعت مثل جمالج
حور: ضلينه انسولف ورقيه وجنات وهدى وسحر كلساع يسلني واجاوب
ايات: ولجن كافي اسئله سطرتن البنيه سطرر
جنات؛ وحنه شحاجين هنه اجم سوال من باب الفضول
حور: عوفيهن ولله امسوياتلي جو
فدعه: حووور حووور
زينب؛ هاي بيبي اصيح عليج حور
كمت رحت البيبي ولكيت عمر وعلي وهب وسند ومحمد ويونس ويزن كاعدين ايسولفون ويزن حته ماشفته اليوم ملتهي ايسولف وي الولد وحته ناسيني ناسيني وبيبي او عمه ام شهم وام وهب وام محمد وعمتي نور كاعدات ايسولفن وعمو صالح ووعمو احمد ابو وهب وعمو سيف ابو محمد امحمد اخو ساره كادين يحجون ابمور عشائر وجدو وياهم كاعد ولغثيث ما شفته همزين ما بيه حيله
حور: ها بيبي صحتيني
فدعه: اي حبيبيه تعاي اكعدي
كعدت وضلن ايسولفن عليه كعدت بين عمه نور وبيبي صرت بنصهن وضلن ايسولفن ولله حلوه سوالفهن
فدعه: اليوم يجون بيت قاسم
حور: ياقاسم
فدعه؛ احبيبه هاذ ايصير ابن عم جدج
نور؛ جا يمه شعجب يجون مو من عوايدهم
فدعه: جايين علمود امور العشائر
نور؛ ها
ايات؛ حوررر حورر تعاي
حور؛ بيبي رايحه يم البنات بل مطبخ يصيحلي.
فدعه: روحي احبيبه
كمت ورحت بلمطبخ لكيتهن امكملات الكيك امسويات 5 كيكات
ايات؛ تعاي حور انتي وساره وزينب وسمر واني كل وحده ازين كيكه
حور: تمام
اجن ساره و زينب وسمر وكعدنه انزين الكيك وهمزين ما ذبت سمها سمر اليوم ولاحجت بس اتباوع وتكلب بعيونها
اني كصيت الكيكه مالتي بل نص وخليت عل النص اكريم لونه ابيض ورشيت علي جوز ورجعت خليت هم اكريم عل جوز حته يغطي وانوب رجعت النص الثاني فوكا وزينته كريم ابيض كلها ورشيت فوكا فستق مطحون من كل الجهات وخليت جوز اثنين صار شكلها ايجنن
ايات: حور ولله طلعتي اتعرفين سويتيها اجنن
ساره: اي صح صارت حلوه
جنات؛ لعد اشعبالجن غير هاي نيران
رقيه: قابل مثلجن متعرفن اسون
حور: لاولله كللنه حلوات كيكاتنه يله هسه شنو بعد؟
ايات: باعن كيكه بس البيبي و عماتنه وكيكه الجدو والعمامنه ووكيكه انعوفها البيت قاسم راح يجون وثنين النه احنه والولد تمام وهسه منو بيجن اصيحلي واحد من الولد ايجيبلنه حبشكلات وبيبسي
هدى وجنات ورقيه: رايحين انجيبلج واحد
جنات: رحنه يم الولد
رقيه: احم احم شباب
وهب؛ شباب هاي من الحم تتلوك فكولن انتن من الاخير شتريدن
هدى: يا الهلدرجه امبين اشبيكم انتم ولد عمنه العزاز الحبابين ال...
علي: كافي كافي واحجي اشتردن
جنات: كل القصه جيبولنه ببسي وياكم حلويات مثل نساتل اجباس يعني اي شي بل محل خلو 🙂
يونس: لاهاهيه اليوم ايفلسنه
رقيه: هاي شبيكم يله كووموو كوموو اثنين منكم لو اكلكم اتلاثه منكم ايجيب النه
محمد: شوف هاي تتمررر متطوني شي اركعه ابراسها
رقيه: يونس حاجي شنو هاي اني مو اختك اشو مايحترم
يونس: امحمد عوفهن هذن الزعاطيط
رقيه: يا جا اني اكلك ادافعلي لو توكف ضدي.
عمر: تمام هسه اخليهم ايكومون كومم محمد ويونس وعلي يله جيبولهن الكالن علي
وصدك كامو. وراحو
ايات؛ ولج جنينه صالي ساعه من دزيتج انتي وفريقج وين وليتن
هدى: وج بلكوه يله كامو لو ما كايللهم عمر جان محد راح
جنات و رقيه؛ اي صح
حور: كصصنه كيكه عماتي وبيبي وخليناها بماعين
وانوب مال عمامي وجدو هماتين مثل الشي ككصصناها وخليناها بماعين وكيكتنه وكيكه الولد هم كصصناها وحضرنه اكلاصات وحضرنه اماعين لل كعده
ساره: بنات خلي احنه ول شباب نكعد بل حديقه
البنات؛ تمام
واجوي جايبين كومه حلويات وبيبسي رتبنه الحلويات بل اماعين حيل اهواي ورحنه بل صاله خلينه صينيه لل عماتي وبيبي وصينيه للعمامي وجدو ونزل شهم من الدرج امبين جان نايم عفت البنات بل صاله ورحت بل مطبخ واجن ورحنه فرشنه بل حديقه وطبعن جانت الحديقه ورا البيت وخلينه الكيك والببسي والحلويات وخلينا الكلاصات عل عددنا احنه والشباب وخلصنه وصحناهم اجوي
وهب: ولله حلوه الكعده هنا
الولد والبنات ما عدا شهم الي مشغول بل تليفون: اي صح حلوه
حور؛ اباوع ع الغثيث كاعد ويانه بس ابد مشال عينه من التليفون وكلساع يتفف حته ماشاركنه بل حجي ضلينه انسولف وناكل وهوه عينه بل تليفون وياكل كل ما يشيل راسه يباوعلي ويخزر واني ممهتمتله ابد
عمر؛ خلي نلعب تره ضوجه كله اسولف
شهم وهوه عينه بل تليفون؛ اشبيك جاهل تلعب
وهب: اكلك عيني استاذ شهم اشو لا تشارك بل حجي ولا هاي ومخلي عينكك بل تليفون وهسه تريدننه منلعب شنو هاي
شهم؛ خاب ماتسكت الشغل فوك راسي وحيل مشغولل
وهب: الله يساعدك بس راح نلعب وانته تلعب ويانه
ش
هم: هاي شبيك بابا شنلعب يله كلي
وهب: جيبو بطلل وترسو شوي مي ونفره و اذا القبق مثل طلع علي والجها الاخرى ع حور فهيا تسئلني اذا بل عكس اني اسئلها والي ما فهم من نلعب يفهم
البنات والشباب: تمام
حور: جبنه بطل وطبعن بي مي مثل ما كال ولعب ويانه الغثيث فر البطل وهب وطلع ع ايات ومحمد
محمد: جرائه لو صراحه 🤔ست ايات
ايات: صراحه 🙂
محمد: اجم مره جذبتي على شهم كال هيج وكام يرفع بحواجبه بخبث
وهب: خرب يومك ولله سوأل حته ابليس مو مثلك
ايات؛ ولله بس مره
شهم: اه شوكت
ايات: اااا تذكر من كلت اغسلي الدشداشه اني كتلك اي وانوب رحت بعد ما اجيت لان جنت ملتهيه وانته اجيت منى طلعتلي فجذبت بس بعد ما جذبت هيه هاي اول مره او اخر مره
شهم: كملو العبه حته انطلع اخياس الكل
فررر البطل وطلع ع
وهب: اوووووووووو يله استاذ شهم صراحه لو جرائه
شهم: صراحه
وهب: هله هله بس خلي افكر...
عمر: خلي اني اسئله
وهب: خاااااب كومممم اني صالي ساعه منتضر هاي الحضه
شهم؛ يله عيني استاذ وهب احجي
وهب: اكثر صفه تكرها ابنفسكك
علي: اوووووو يله جاوب صار حماسسسس
شهم: عصبيتي
وهب: صح وهوه هاذ الجواب الي اريده
فرينه البطل عمر يسئل حور
عمر: صراحه لو جرائه
حور؛ صراحه
عمر: ولله مادري شنو اسئلج
يونس: اني اسئل
عمر: لاااا اجه ابالي سوال
حور: ولي هوه
عمر: شنو اكثر صفه تتميزين بيها
شهم: الاعناد... صارت الانضار كولها علي
رقيه قطعت النضار: تتتميزززز بجمالها
البنات: صح ولله
عمر؛ عوفوها خلي اجاوب ع سوال
حور: ولله همه اطوك الجواب محاجه احجي 😂😂
رقيه؛ لا اضحكين طلعن الاغمازات
فرو البطل رقيه تسئل يزن
رقيه: صراحه لو جرائه 🥴
يزن؛ صراحه
رقيه؛ اكثر شيي يستفزك
يزن: تجاهل
فريو البطل كلساع ع واحد والضحك والمشكله صوتنه عالي ومستمرين نضحك الحد ما
اجه صوت من ورا................
............
للكاتبه افـafnanـنان
.......
انتهى البارت
تصويتتتتتتتت تره ازعل
🥺🥺💔🖤
