هلو اشلونكم شخباركم 🌚❤
....
مابيّة حَيل اخِذ نِفَس
ماعِندي واهِس للحَچي
مِن برّة تِلكاني ابتسِم
ومِن جوّة اطِك مِن البَچي
مابيّة اڪمِّل هالدَرُب
تعبَان خلوني انتچي
....
نور:: صافنه على كل واحد بل بيت اباوعله بترقب اباوع الهم واحد واحد مركزه بيهم عمامي كاعدين يسولفون بأمور العشائر عماتي كاعدات
على صفحه ويحشن بل ناس
الولد نصهم طالعين ونص لا وهب كل ما ادير وجهي علي الكه تركيزه ونضراته علي بس يشوفني اباوعله يدور وجهه شهم صافن على حور وحور طاكتلها صفنه على الحايط مدري شبيها
صايره كلششش بارده وما عدها مشاعر وقليله الكلام وابد مسولف جانت تكعد يمنه وضل تحجي واسولف هسه مثل الصنم ساكتته وكلش هادئه
وبارده بشكل حتى ردها مختصر لو "اي" لو "لا"
وحته من تباوعلي نضارتها بارده اتحسها كتله من الجمود اكثر وقتها مخلصته على شغلها وتجيب النه كلشي بدون اي كلام منه وتهتم بجمانه بدون
حجي وبكل هدوء
شروق: شبيج صافنه عليهم؟
: اكلج حور شبيها؟
: وولله ما اعرف تذكرين من اخر مره من قبل
خمس اشهر من لكيناها متخربطه بل غرفه
: يي اذكر صار خمس اشهر ملاحضه عليها لاتحجي ولا تسولف وقليله الكلام وباردده
حيلل
: تدرين اشتاقيت الحور القديمه رغم هيه
ابد ممقصره ويانه بس شتاقيت اشوفها تضحك
صح هيه جانت مو دائما تضحك بس ابعض الاحيان بس على الاقل جانت تضحك اسولف هسه ماكو لا اسولف ولا تضحك
: صح اختي ما اعرف اشبيها اجم مره رحت
الها كتلها بيج شي اجاوبني بكلام مختصر
تخليني احتار شنو احجي وياها
: خطيه تره هيه هم تعبت قبل خمس اشهر
تذكرين متكعد من مشكله ال مشكله وابد ممرتاحه
هيه فاكيد تعبانه الافضل انو انعوفها على راحتها احسن
: اكيد خلي نعوفها على راحتها بلكي ترجع مثل
قبل
شروق:: حيل انقهرت على حاله حور
رحت للغرفه رتبتها ويزن ما موجود فاخذت
راحتي بل تنضيف رغم صالي خمس اشهر اني
ويا بس ابدد ما تعودت علي وهوه ميجي للبيت
هواي اكثر شي طالع فا مو دائما اشوفه واني
دائما من انام انام بحجابي ومرات اكعد الحجاب ملفوف على ركبتي وخانكني
بس مع ذالك ابد ما انزعه صح هوه زوجي
وعادي يشوفني بس اني ما متعوده علي ابد
رتبتها ورشيت الها عطر رحت توضيت وكعدت
اصلي هواي ضليت كاعده على السجاده رغم كملت صلاه بس اني احس براحه حيلل جبيره من اكعد على السجاده مال صلاه ضليت اقره قران
من اقره قران انسه روحي مرات اني واقره ابتسم وحدي من الطاقه الايجابيه الي تجيني
كلش ارتاح وحتى كلبي يطمئن دعيت الحور انو
ترجع مثل قبل وينزاح كل تعب وهم من كلبها
ضليت هواي اقره قران الحد محسيت الباب
مال غرفه انفتح
