السجينة

البارت ال17

{صكر}وليد ما هو مختفي من امس

{سعد}هههه شنو صرت تعرف عن ابني اكثر مني

{صكر}أنته تضحك وابنك مختفي

{سعد}لا اكيد بالبيت نايم

{بتول}وليد ماموجود بالبيت

{سعد}شنو ولج ماموجود

{صكر} كلتلك ما هو لن أني وصيته على شغله ومجابها الي  ومو من عوايده هيج يسوي

{سعد}جا أبني وين

{بتول}سعد روح دور على ابنا بس لا صار بيا شي

{سجاد}لا دور عليه وتتعب أبنك باك الفلوس ونهزم

{سعد}شنو ولك اخوك ميسوي هيج

{سجاد}لا سوها واخذ ملابسه كلهن واخذ كل ذهب أمي وفلوسك

{بتول}نهجم بيتج يبتول ابنج يبوكج

{سعد} والله ال طلعه من جوه الكاع ودفنه بيدي

{حسن}وليد ميسوي هيج

{سجاد}أكيد بعد الي سويتوا ب ليلى اكيد خاف ونهزم

{ليلى}تكدار هسه تطلع اكو شخص ثالث يعرف الحقيقه

{غيث}أي

{كريم}اليوم العرس لو ناجله على ما نكله الحرامي
قصدي وليد

{صكر} لا العرس اليوم والكل يبقى ساكت وبعد العرس ندور على هذا الحيوان 

{غيث}دخلت للبيت اني وليلى

{كريم}دخلنا كلنا للبيت أني ونور وحسين ونواره وسجاد وبقينا نباوع الغيث

{غيث}ليش هيج تباوعولي

{حسين}مو كنالك لا تسوي شي قبل ما نطلع أهل ليلى

{غيث} على شنو جاي تحجون

{سجاد}أنته كتلت وليد

{كريم}لو مخليه ورى ما نطلع اهل ليلى وكاتله لك اليوم بسببك أجيت تخرب كل خططنا ما اكلك لا تقتله لا يستاهلون القتل بس لو منتضر

{غيث}هاك باوعلها شوف وجهها شوف علامات الضرب شوف شنو مسوين بيها لو وحده غيرها جان ماتت بس لن قويه بقت واكفه على رجليه تريدني انتضر حته يرجعون يسوها بعد مره  أني لو هسه بيدي أحرك العائله كلها ووعدك راح أسويه

{حسين}بس مو وقته

{غيث}ها على فكره أختك هي أساس الخطه

{حسين} شنو

{غيث}أي نعم نفس ما سمعت هي الي فتحتلهم الباب ها واهلكم يدرون وهما شجعوهم ف أني مراح ارحم شخص بيهم والي يوكف وياهم راح احركه هم

{كريم}كلنا وياك بس ب الأول خلي نطلع أهل ليلى

{غيث} تمام اليوم العرس ب9  يعني شكد كدامنا وقت