السجينة

بارت ال19 و الأخير

{غيث}نسيت اكلكم ليلى حبيبتي هههههه ها بموضوع احنا شردنا سوه أي فعلا احنه شردنا سوه
واصلن اني اجيت على مود ليلى من البدايه وجنت لازم تحمل هاي الغثيثه بكل ثانيه وكنت لازم امثل اني خطيبه وفوك هيج تهمتني أن تقربت يمها واني ولا لمسته بس تدرين عاشت ايدج بسبب هاي خطتج بقيت يم ليلى

{صكر}يا حيوان

{بتول}شلون عرفتي امج عايشه

{ليلى}هاي قصه ثانيه بيوم الي ردت اشرد اني قبل يوم شفت صكر جابهم وخليهم بالكنتور وقبل لا شرد اني اخذتهم وياي والحمدلله هيج سويت على اقل حصلت واحد من اهلي بس انته ولا واحد راح تشوف من اهلك

{صكر}هههههه تتوقعين حسين راح يسكت ومراح يكتشف حقيقتج لا تنسين هو أبني مااعرف وين وديتوا عائلتي كلهم بس اكيد راح يكتلج

{ريم}هااااا صدك نسينا نكلك شي

{غيث}طبعا انته يا صكورتي متكعد راحه لازم تخليني احجي بس خلي انفذلك هاي الامنيه قبل متموت....حسسسسسين

{حسين} والله يا صكر جنك هواي تحلم

{صكر}تعال شوف شجاي يسون ب اهلك تعال شوف يردون يكتلوني

{حسين}لك غيث غير تكله أنو اني الي ربطته مع الأسف عليك

{غيث}أي هم صحيح

{حمديه}شنو حسين يمه اني امك

{حسين}و لا بيوم حسيت أن انتي امي أو انته أبوي كلكم جنتم عباره عن شياطين اني كتشفت هسه شكد رب العالمين يحبني لن ما طلعت شبهكم ولا عليكم

{زهراء}تريد تكتل اهلك حسين اني اختك وهاي امك وهذا ابوك

{حسين}تعرفين امج و ابوج شسوا ب أهل ليلى

{زهراء}أي أعرف وجانوا يستاهلون

{حسين}يستاهلون يتكطعون يستاهلون يتعذبون

{زهراء}أي كلشي صار وياهم قليل بحقهم

{حسين}حمد الله ألف مره أني مو مثلكم

{سعد}سجاد ونواره هم يدرون

{ريم}أي وحته كريم ونوره

{بتول}هههههه جهالنا جاي يكتلونا على مود بت أمير

{ريم}لن شافوا بعينهم حقيقتكم انتم متاكدين بشر

{صكر} وهسه شتريد تسوي ب ابوك يا حسين تريد تكتلني

{حسين}هههههه لا مو عيب صكر كدامنا نخلي يموت بكل هاي سهوله

{ليلى} جيبولي زهراء يمي

{زهراء}شنو شراح تسوين بيا

{ليلى}انتي مو كلتي كل الي صار ب اهلي يستحقونه

{حمديه}لا حسين عوف اختك

{حسين}هاي مو اختي هاي شيطان

{ليلى}جابوا زهراء وخلوها يمي