النقيب والدكتوره

باࢪت 26

زينب: 
جانت لحظات الله لايشوفها لابن ادم
انت كاعد تتندك الباب يدخل تابوت لبيتك بي شخص من عائلتك عزيز وحيد لاهله زيناته ماتنسي حنانه طوله ضحكته كلشي بي طلعت ايات للطرمه حطو عليها شال تشهك وتريده يكعد

ايات: 
لحظات فقد صعبه ما جنت اسمع شي بس اريده يكوم ما كام الي يعني مايحبني تركني عمار حبيبي انت مو كتلي انتي وردتي زين ليش هيج تعوفني منو سندي اني مو حبيبي ومدرسي وامي وابويه واخويه وصديقي لك وابو ابني منو حباب كوم مو تحبني كوم لعد اني محتاجتك عمار والله اموت بدونك

ام عمار:
يمه عمار اني مو ربيتك ردتك لكبرتي يمه يمه تمنيت  انت بيدك تغسلني وتنزلني لكبري مو اني يمه عريس انت يمه اشفعلي شهيد وهنيالك بالشهاده ذوله اصدقائك يمه كوم تلكاهم منو غيرك يكوم طفت شمعت بيتي يمه
انه امك وانعه عليك واريدك
ستر اليه ولخيتك كوم يمه لمرتك ووليدك
يمه عماررر هيج تعيفني ولك جااا مو انه ميمتك
اااخخ ياتعب عمري كوم ليه يمه كوم

ايات: 
ما يطلع منا اروح ويا اروح ويااااا عماااار لاتروووح

سحر:
  اتصل وميض وصوته تعبان كال عمار مات
احجي ويا سده نزلت لعمه شهكت وتلطم ع وجها بدلنه ورحنه لبيتهم الباب مفتوح تابوت وسط البيت زلم واكفه سيارت شرطه وسيارات ماليه الفرع طبينه اباع ع وميض عيونه حمر حاصر دمعته رحت ل ايات

ايات:  سحر عافني سحر بس كليلي منو الي مو اني احبه زيننن وابنه سحر شلون يعييش بدون ابو سحر والله اموت اني ادفنوني ويااا هذا حبيبي

سحر:  كافي عمري هذا المكتوب اله كافي بجي موزين عليج وكلنه ع هذا الطريق لاتكسرين كلبه بدموعج

ايات:  لعد هو كسر كلشي بدنيتي هاي اني بعده انذليت ااااه ربي حباب خل يكوم عمار لخاطري والله اسمع كلامك

سحر:  صوتها راح تخربطت وكعت عليه شلناها ودخلنه جوه شالو الجنازه وطلعو بقينه احنه بالبيت اندكت الباب فتحتها دخلن نسوان يعيطن لليل رجعو كلهم وتكابلن ايات وامه لعمار

ام عمار: 
تعالي ليه يمه تعالي اشم عطر ابني منج تعالي اااااه ياكسرتي وكسرت ايامي

ايات:  يمه مارجع وياج

ام عمار:  مايرضه يمه راح وعافنه

ايات:  هو مو يكولون الابن يحب امه ويسمع كلامها ليش هااا لييش مارجع

سحر: 
ضلينه نبجي ع حجيهن وامه تنعه عليه والله حالتهم تقهر ايات تحجي وتشهك دموعهم خلصت

ايات:  راح يرجعلي هو كالي اي هو كالي انطوني مباياي اخابره هو ما مات يجوز يجوز ههو هو منتظرني اخابره

سحر: 
رحت يمها سحبتها عليه ضلت تبجي كافي عمري هاي حياتنه وهاي قسمتنه والمكتوب ع جبين لازم اشوفه العين مو كلشي بالدنيا يدوم لاحد زين موزين هذا قدر الله و المؤمن مبتلى اني فاقده ابويه وانكسرت وجانت اقوه كسره بالدنيا اليه بجيت وعيطت وكلشي سويت بس مارجعلي البجي مايرجع الميت كومي صليله اليوم اول يوم اله خطيه منتظر منكم صلاه الوحشه دعاء او قراءة القرآن اله هو مو بيده حتى يموت