حكايات وبنعيشها🌺♥
وصلنا في البارات اللي فات اما ملك دخلت المنزل ووجدت ك العاده ابويها يجلسان مع اخوتها في غرفه من غرف المنزل فهو منزل صغير ولكن يوجد به الدفء والهدوء أحيانا والمرح أحيانا اخري
احمد الاب: تعالي ياملك شكلك تعبانه اوي قولتلك بلاش شغل
ملك: انا حابه كدا يابابا معلشي سيبني علي راحتي بعد اذن حضرتك عاوزه ادخل أنام
احمد: هقول ايه اتفضلي ياملك
دخلت ملك غرفتها وغرقت في بحر افكارها
ملك: اسلام هو احنا اصحاب ولا حبايب واخوات ولا اي العلاقه دي بالظبط
اسلام: انتي كل دا عشان قولتلك الفستان قصير وميتلبسشي تاني
ملك: لو سمحت متغيرش الموضوع انا بالنسبالك اي
اسلام بعصبيه: انتي عاوزه ايه بالظبط سلام ياملك انا هقفل
وقفل السكه في وشها
ملك لنفسها بغضب بردوا تاني بيقفل في وشي اول ما
اقوله اي حاجه علموه كدا في بلدهم ابن الوارمه ههه حلوه ابن الوارمه دي سوري ياحماتي يالي معرفش انتي حماتي ولا لا
فاقت من ذكرايتها علي صوت الباب
ملك: ادخل
مالك اخوها الكبير: اي ياحجتي اخوكي الكبير يجيب الاكل لحد عندك
ملك: لي كدا يامالك انا مش جعانه خالص
مالك: بس لون وشك متغير ياملك وانا مش هستني
ملك: انت اجمل اخ في الدنيا بس بردوا مش هتشوفلك عروسه😉
مالك بهيام وكسوف مصطنع: ااااه ياملك حببتي مش راضيه عني عشان تيجي تخطبني من بابا
ملك: تصدق بالله انك رخم اصلا مش عارفه انا بتكلم معاك ليه اصلا
مالك برخامه: اثلا اثلا😂
ملك: ييوووه يامالك طيب من الاخر هقول لبابا ونروح نطلب مرح من باباها وقفل علي الكلام
مالك بصدمه: انتي عرفتي منين اني... احم قصدي مش هي البنت اللي انا عاوزها
ملك: علي بابا يلااا
مالك: بصي ياملك انا عندي طموح وتفكير وهي عندها طموحها وتفكيرها اللي ديما مختلفه معايا عليه
ملك: اي حاجه تقدروا تضحوا عشان الحب اللي انا بشوفه بس في النظرات مش لازم البنت هي اللي تضحي ديما انت كمان لازم تضحي
مالك: ياملك اضحي اي يعني انا عاوز افتح شركه خاصه بيا مثلا هي لا عاوزه حاجات تاني اللي بردوا هتعجزني علي اني احقق الحلم دا هي عاوزه تشتغل لان الست زي الراجل انا لا عاوزها تكون مسؤوله مني في كل حاجه ياملك احنا غير بعض نهائي
ملك: الكلام بالعقل انا اتكلم معاها بعد ما تتخطبوا في الموضوع ده وانت كمان خليك فرش ووافق انها تشتغل انت لو واثق فيها مش هتمنعها وان لقيتها مأثره معاك في حاجه ابقي ياسيدي ساعتها امنعها من الشغل يبقي انت كدا عطيتها فرصه
مالك: مش عارف ياملك اما ربنا يسهل المهم كلي كويس
ملك بضحك: حاضر هاكل كويس اوي وكمان هكلم مرح واقولها
مالك بضحك: ماشي يااوزعه
