الحب بعد كره مؤلم

🌼🌚

علي.. ترى صايره هواي زعلين

راحت مريم وخلت راسه ع مخده ونامت

علي.. بكيفج

صار العشى

ام علي. شنو واين مريم

علي... نايمه

ام علي.. بعدها زعلانه

علي... لا

ام علي.. يلا صيحها خلي تجي تاكل

علي.. مريم يلا كومي صار العشى  مريممم

مريم.. ها

علي.. كومي تعشي

مريم.. ماريد

علي.. كلت كومي

مريم.. وانا كلت ماريد

علي.. انتي لاتاكلين وكلي جهالي الي بطنج

مريم.. مايردون

علي.. استغفرالله ديلا كومي

مريم... من تطلع طفي اضوه وياك

علي.. بس لو مو حامل وطلع

ام علي.. ها واين مريم

علي.. ماتريد

ام علي.. ليش..

علي.. ماتريد وحتى انا ماريد

ام علي.. اسم الله شبيكم مطنكرين

علي.. مابينا شي يلا بلعافيه انا رايح

ام علي.. واين

علي.. ويا جماعتي

صارت ساعه ب12

مريم.. يمه واين علي

ام علي.. طلع ويا جماعته

مريم.. ها

ام علي.. شبيكم ثنينكم مطنكرين

مريم.. مابينا شي

ام علي.. ليش ماكعدي تاكلين

مريم.. ماجنت اشتهي هسه اكل

ام علي.. خطيه علي طلع ضايج بدون اكل

مريم.. ليش ماتعشى؟

ام علي.. لا

مريم.. لاتخافين هسه ياكل ويا جماعته اكلج يمه دكي عليه شوفي واين

ام علي.. مادكين انتي

مريم.. لا دكي وفتحي سبيكر

ام علي.. الووو

علي.. ها يمه

ام علي.. واينك

علي.. ويا جماعتي

ام علي... تأخر الوقت يمته تجي

علي... ليش

ام علي.. ام جهالك تسئل.

مريم... لا لا لا تكولين

علي.. 😂شنو مو زعلانه ليش تسئل

ام علي... غير مرتك شنو ليش تسئل

علي.. اشاقه مسافه طريق واوصل للبيت

ام علي... مع سلامه

مريم.. ليش كلتيلها

ام علي.. اي غير انتي سئلتي

مريم... واذا المهم اروح اكل قبل لا يجي

ام علي... 😂😂 بلعافيه

مريم.. ولا تكوليلها اكلت

ام علي.. ماشي

اكلت مريم وراحت للغرفه سوت روحه نايمه

اجا علي.. احم احم

مريم... ع اساس نايمه

علي.. اوخخخ شلون مشويات اكلنا تفتح النفس

مريم.. بكلبها ع اساس يشهيني غثيث 😒

علي.. ماشي لا تردين دخل سبح وحط راسه ع مخده

مريم ع بالها نام كامت

علي... واين رايحه

مريم.. اسم الله(خافت) مو نايم

علي.. لا منو كلج نايم

مريم.. لا تنام بكيفك ظلت تكلب بتلفون

علي... شنو اليمته نظل مزاعلين

مريم.. منو كلك مزاعلين

علي.. لعد هاي شيصحولها

مريم.. ماريد احجي وياك لا تحاجيني

علي.. افا هيج صرنا ماتحاجيني

مريم.. ساكته

علي.. براحتج  ونام

صارت ب2بليل كامت مريم توضت وصلت صلاة اليل. وكعدت تقرا قرأن اذن الفجر صلت وكملت تقرا قرأن ماحست الى وصارت ساعه 7صبح

كعد علي

مريم.. صباح الخير

علي.. صباح النور بعدج مانايمه؟

مريم.. اي

علي.. مو زين عليج

مريم.. غير انت عفتني ونمت

علي.. انتي زعلانه احاجيج ماتردين

مريم.. اي اكوم احضر الريوك بين ماتبدل

حطت ريوك مريم وكامت

علي.. ماتاكلين

مريم.. لا

علي.. كافي عناد وتعاي اكلي شنو احنا جهال حتى هيج نزاعل

مريم.. 😶🙂

علي.. يلا طيحي الحطب والخاطري تعاي اكلي

مريم.. اوكي هاي هيه رضيت

علي.. واخيرا 😂❤

مريم.. يلا اكل لا تتاخر ع دوام

علي.. اي هاي لكمه من ايدي

مريم.. باست ايده تسلم هل ايد

علي.. يلا مع سلامه طالع تردين شي

مريم.. سلامتك يحفظك الله ♥