"ရမ် ရှင့်ကိုလာရှာတော့မလို့ပဲ"
ဆယ်လာက ခပ်တောင့်တောင့်အပြုံးလေးဖြင့်
ရမ်ဆီသို့ခပ်သွက်သွက်လေးလျှောက်သွားသည်။အခုချက်ခြင်း သူမကသူဆီမသွားရင်သတ်ပွဲတစ်ခုဖြစ်သွားတော့မည်ကို အာရုံရနေသည်။
ရမ်တစ်ယောက် ဆယ်လာကသူ့လက်ကိုလာဆွဲမှ
သူစိတ်သူလျော့လိုက်သည်။ရမ်၏မျက်နှာက သိပ်မကြည်လင်ဖြစ်နေသော်လည်း သူမဆွဲခေါ်ရာနေရာသို့လိုက်ပါလာဆဲပင်။
"ရမ် ဒီမှာကြည့်ပါအုံး ရှင့်အတွက် ကျွန်မအထူးကင်ထားတဲ့အသားကင်။ကျွန်မတို့မျိုးနွယ်မှာသိပ်နာမည်ကြီးတာ"
ဆယ်လာက သိုလှောင်နေရာက ဘူးတစ်ဘူးကိုထုတ်ယူလိုက်တော့သည်။"ခုနကသူတို့ကိုပေးလိုက်တာကလည်း မင်းတို့ဆီမှာ နာမည်ကြီးတဲ့အကင်ပဲလား"
ရှာလကာရည်နင်နေသည့် ရမ်ကမကျေမနပ်မေးသည်။"ဘယ်ဟုတ်ပါ့မလဲ ဒါကရှင်တစ်ယောက်တည်းအတွက် အထူးအသားကင်ရှင့်။သူတို့ကိုအသား ကင်ပေးတာက အားနာလို့ပါ။ကျွန်မသာအပြင်လျှောက်မထွက်ရင် သူတို့ညကြီးကင်းစောင့်နေရမှာမဟုတ်ဖူးလေ"
ဆယ်လာက မျက်နှာငယ်လေးဖြင့် ရမ်ကိုရှင်းပြသည်။သူမ၏အသံလေးကြောင့် ရမ်ခင်ဗျာမနာလိုနေသည့်စိတ်လေးများပင် လွင့်စင်ထွက်သွားရကာ
သူမကိုပွေ့ဖက်ထားလိုက်သည်။"အဲ့တာ ဘာလို့မင်းကြောင့်ဖြစ်ရမှာလဲ ဆယ်လာရယ်။စွန့်ပစ်သားရဲတွေကဆောင်းရာသီတိုင်း
ရွာကိုချောင်းမြောင်းတက်ကြတာပါ။ဒါ့ကြောင့်
၀မ်းနည်းမနေပါနဲ့ကွာ"
ရမ်က သူ့ရင်ခွင်ထဲကကောင်မလေးကို နှစ်သိမ့်ပေးနေရှာသည်။ကောင်မလေးက သူ့ကြောင့်လို့ထင်ပြီးအပြစ်ခံစားနေရလို့ ထိုသားရဲအစုတ်အပြတ်များကို
အသားကင်လုပ်ပေးခြင်းဖြစ်သည်။
သူ့အမလေးက စိတ်သဘောထားကောင်းသည်ကို သူသိလေရာအဘယ်ကြောင့်အပြစ်တင်နိုင်ပါမည်နည်း။တကယ်တော့ ဆယ်လာက၀မ်းနည်းနေခြင်းတော့လုံး၀မဟုတ်ပါ။သူမကရမ်ကိုချော့မော့ချင်ခြင်းသာဖြစ်သည်။သို့သော် ရမ်ကသာ သူမကိုပြန်ချော့နေသည်။
ESTÁS LEYENDO
သားရဲကမ္ဘာမှ ချစ်ရသူမြေခွေးလေး
Romanceဆယ်လာသည် တစ်နေ့သူမဖတ်နေသည် နိုဗယ်ထဲသို့ကူးပြောင်းရောက်ရှိသွားသည်။ ထိုနိုဗယ်ထဲမှာ ပျက်ကပ်ကြီးကိုဇာတ်အိမ်တည်ထားသောကြောင့် သူမအလွန်ကြောက်နေမိသည်။ အရေးကြီးဆုံးမှာ သူမကအမြောက်စာဇာတ်ကောင်လေးအဖြစ်ရောက်နေခြင်းပင်။ သို့သော် သူမတဖန်ရောက်ရှိသွားသည်နေရာကတော့...။