الفتاه القويه

الجزء الثالث عشر ( طرف الخيط)

وساره بتنزل تشرب ميه وهى مرعوبه وبتفكر : اكيد مريم مش هترحمنى بعد اللى عملته فيها و فصحبتها بس ازاى زمان كانت تخينه اوى ودلوقتى كابتن ف احسن جيم وعضلاتها ضخمه ومشهوره على اليوتيوب ؟ ازاى حصل دا كله؟!!
مريم بتروح لمامتها
مريم: ماما عندى خبر ليكم
مامه مريم: خبر ايه يا بنتى
مريم: هسافر الشهر الجاى
مامه مريم: 😢وهترجعى امتى
مريم: لسه معرفش
مامه مريم: مش المفروض الخبر دا تقوليه للكل اشمعنى انا
مريم: لانك اكتر حد بيعنيلى وفاهمنى
مامه مريم بتحضن مريم : هتوحشينى يا بنتى😭
مريم: ليه الدموع دى كلها😢
وبتمسح مريم دموع امها
مريم: وبعدين انا هقعد فقرابيزك شهر كامل لدرجه انك هتزعقى منى
مامه مريم: ومين هيعوضنى عنك لما تسافرى
ماروسكا بتتحشر: مين غيرى يعنى😁
مريم:😂😂
مامه مريم: هتوحشونى يا كلاب😂
وبيجى اخر النهار ومريم قاعده سرحانه
ماروسكا فالمطبخ وبتنده على مريم : مريم ، مريم، يا مرياام
ماروسكا: مالها دى مبتردش ليه ، هروح اشوفها يمكن تكون طلعت
ماروسكا بتطلع من المطبخ وبتشوف مريم قاعده على الكنبه فالصالون وسرحانه
ماروسكا بتحرك ايدها قدام عين مريم: مريم مريم
مريم: ايه فى ايه ، عايزه حاجه
ماروسكا: عايزه سلامتك ، كنت بنده عليكى اسألك هتشربى شاى معايا ولا لأ ، ولقيتك سرحانه
مريم: ايوه هشرب شاى
ماروسكا: كنتى سرحانه فإيه ؟
مريم: هقولك بليل قبل ما ننام
ماروسكا: ليه مش دلوقتى
مريم: انا قولت بليل قبل ما ننام
ماروسكا: براحتك ، سكر زياده ولا مظبوط يا قمر
مريم: مظبوط
وبتتجمع العيله تحضر مسلسلات
وبليل كل واحد بيروح لاوضته
كاظم بيمدد على السرير وبيفكر: يا ترى ايه هو السر اللى مريم هتقوله لماروسكا ؟ واشمعنا بليل ؟ ولو انا مكنتش سمعتهم بالصدفه كان ايه اللى هيحصل؟
وكاظم بيراقب اوضه مريم وماروسكا لحد ما الباب اتقفل ، كاظم بيروح عند الباب يتصنط عليهم
ماروسكا: قولى بقا ادينا قفلنا الباب
مريم: انا كنت بفكر فى الحادثه اللى حصلت ل بسنت
ماروسكا: ازاى يعنى؟
مريم: بسنت كانت فاليوم ده بتحاول تقولى حاجه ومن طريقه تعابير وشهه حسيتها بتقولى انا خايفه
ماروسكا: يعنى مقالتلكيش على الحاجه إللى مخلياها خايفه
مريم: قبل متتكلم جات عربيه زرقه وشالتها دا حتى صاحب العربيه منزلش واطمن عليها عايشه ولا ميته بالعكس دا جرى بسرعه كإن مفيش حاجه حصلت
ماروسكا: من كلامك فهمت انها مش حادثه عاديه ، دى حادثه مُخططه واللى مخططلها كان غشيم وذكى فنفس الوقت
مريم: قصدك ايه يعنى؟
ماروسكا: قصدى انه كان ذكى لما قتلها قبل ما تكلمك ، واكيد بسنت كانت عارفه انها متراقبه عشان كده كانت خايفه وهى بتكلمك ، واكيد كمان الموضوع اللى كانت هتكلمك فيه كان هيكون بخصوص القاتل
مريم: برافو عليكي ، بس السؤال هنا هو مين اللى قتلها ؟
ماروسكا: لأ دى محتاجه تكتكه وبحث فالموضوع
مريم: معاكى حق لأن احنا لو محققناش فالموضوع هيظهر قدامنا شخصين
ماروسكا: ومين الشخصين دول ؟
مريم: الاول اللى كان سايق العربيه والثانى شخص مجهول ومأجر الراجل اللى كان سايق العربيه
ماروسكا: صح!! ، ياااه الواحد حاسس نفسه انه ف فيلم والفيلم طويل ، شويه حبشتكانات وشويه مغامرات وشويه تانى جريمه قتل ، اووووف هنوصل لفين تانى ياربى بس
مريم: هيخلص ، بإذن ربنا الفيلم دا هيخلص بس نمسك طرف الخيط
ماروسكا: وطرف الخيط دا عند مين؟
مريم: عند القاتل المجهول ، بس احتمال يكون شخص غير السواق
ماروسكا: احتمال ، مريم
مريم: نعم
ماروسكا: هى بسنت الله يرحمها كان ليها اعداء ؟
مريم بتراجع ذكرياتها وبتفتكر لما بسنت دافعت عنها ضد شله ساره وبتفتكر نظرات ساره ليهم
ماروسكا: ايه ليها ؟
مريم: ساره!!😲
ماروسكا: مين ساره؟
مريم: اللى قتلتها😢
بتنصدم ماروسكا وبينصدم كاظم من برا
           ___________________________

تفتكروا مريم هتنتقم من ساره قبل ما تسافر ولا بعد؟
وانتقامها من ساره هيكون ازاى ؟
وكاظم هيساعدهم ولا هيعارضهم؟
اكتبولى توقعاتكم فى الكومنتات ولو عجبكم الجزء متنسوش الفوت🌟