✨ وأما بعد ✨

لماذا انا

دخلت سهر اللي المستشفي عشان الشيفت وفجاه

سهر :- خير يا هيثم في حاجه

هيثم :- ها لا مفيش انا جبت التحاليل

سهر :- وانت جيبهالي ليه انا خلصت مواعيد الكشف

هيثم :- عادي يعني وبعدين انا وانتي أصحاب فا عادي بما انك دكتوره تشوفي التحاليل

سهر :- وانت مخلتش الدكتور اللي في المعمل يشرحه ليك ليه وبعدين ايه أصحاب دي انت كنت خطيبي غير كده لا احنا مش صحاب فا الالتزام حدودك يا هيثم تمام

هيثم :- اتغيرتي يا سهر مش متعود عليكي كده ما انتي كنتي بيس ومفيهاش حاجه وكنتي اوبن مايند

سهر :- قصدك شخصيه متخلفه بعيده عن ربنا لا الحمدلله اني اتغيرت يلا عقبالك وأصحاب لا احنا مش صحاب واخرك معايا هو لما مراتك تيجي بي التحاليل تكشف اقولك نتيجة التحاليل غير كده لا تمام

هيثم :- بقي كده ما بلاش تصدرلنا  وش رجلك ده يا ست سهر

سهر :-  جاتك القرف في شكلك واحترم نفسك بدل ما هنادي الأمن وهو يتصرف مع أن عادي اتصرف معاك اظن فاكر لما كنت بضربك ومكنش بيفرق معايا

قرب هيثم من سهر

هيثم :- كده كده انتي ملكيش غيرى سوا برضكي أو غصب عنك

سهر :- ده عندها عند الست الوالده اوعي يلا بي كرشك اللي مقاويك  قلبك ده روح يلا في ستين داهيه ولا يفرق معايا يا أمن يا محمد يا محمود الحقوني 

الامن :- خير يا دكتوره

سهر :- خرجوا الحمار ده بره

الامن :- حاضر يا دكتوره

عند فهد

كان يدندن وهو يستمع لي ورده مع كوب من القهوة في العربيه ومشغل التكيف

:- لاولا الملامه يا هوا لاولا الملامه لا افرض جناحي علي الهواء زي اليمامه لاولا الملامه يا هواء لاولا الملامه لا افرض جناحي علي الهواء زي اليمامه واطير وارفر في الفضاء واهرب من الدنيا الفضاء وكفايه يا عمري كفايه يا عمري من اللي ضاع وانا بخاف الملامه واه من الملامه لاولا الملامه يا هواء لاولا الملامه لافرض جناحي في الهواء زي اليمامه

التيلفون رن

شاديه (الام ) :-  انت فين يا آخره صبري

فهد :- خير يا ماما بتمشي شويه بي العربيه اعدي عليكي اخدك واجيبلك قهوه

الام :- لا يا حبيبي انا قاعده مع ابوك بس ايه الروقان ده انت مشغل اغاني يعني ورايق

عز الدين :- ما تسيبه رايق دي اول مره اشوفه هادي

فهد :- ايوه يا عم يسهلو اما رايق ليه هقولك في الوقت المناسب

عز الدين :- اتلم يلا وبعدين متتاخرش