نار الهيب

البارت 1

:لا اعلم ماهو حنان الاب
رغم انني ليس يتيمًا !

ـــــــــــــــــــــــــــــــــــــــــــــــــــــــــــــــ

_ قصه تنروي ب احد البيوت العراقيه عن معانات بنيه زغيره  ...  لا حول ولا قوه..  ....  قصت حياتهه الي عاشتهه ب معانات هسه صارت قصه من حروف✨..

ـــــــــــــــــــــــــــ

_ كعدت علا صوت الاذان كمت غسلت فرشت سجادتي وصليت كملت باوعت علا اخواني نايمين احتضنت المصلايه وابجي اشكي همومي لربي بجيت بجيت بحركه بعد العذاب الي شفته الي اصلا تعودت علي بست التربه وكمت نزعت المحرم ورحت لاخوي الزغير ستوه كعد يبجي سكته نزعت ملابسه غيرتله حفاضته ولبسته ملابس

_ حضنته والممه لازمتهه اله اباوعله شكله يجنن عيونه حواجبه شكله كله حلو اووف اووف كل هاذ الخير واحلام ما تريدك؟

_ باوعت علا غفران نايمه وشعرهه علا وجهه وخرته وره اذانهه والعب بشعرهه باوعت بصفهه مصطفى هم نايم يحبيبي الله يحفظكم الي تعب عمري  انتوا

_ طلعت الشمس رجعت نمت ب9 كعدت علا مداهمه احلام للغرفه كمت لفيت شعري وبديت انضف ب معانات وهيه تشتم وتسب واني ساكته شسويلهه مثلاً من 9 لل12 كملت تنضيف هيه طبخت واني غسلت مواعين صعدت للغرفه دخلت غفران ومصطفى سبحت مصطفى وبعدين عفران

_ تعالوا اعرفكم عليه

اسمي زمرد عمري 15 سنه مبطله من المدرسه بسبب احلام بعدين تعرفوهه مواصفاتي حلوه حالي حال كل البنات وكُل البنات حلوات بيضه بس مو كلش عيوني جوزيه شعري يوصل لحد كتفي يعني شكلي حلو اختي غفران

_ عمرهه 11 سنه بيضه عيونهه وساع وجوزيات شعرهه لحد ركبتهه متحب الشعر الطويل دائماً اكصه الهه

_ مصطفى اخوي عمره 4 سنوات حنطاوي عيونه عسليه شعره لحد اذانه كُلش احبه قريب عليه ودائماً وياي الشي الحلو بي وكح بس مو كلش يعني دائماً يرادد ويصيح بس رغم هاذ احبه

_عزوز اخوي الزغير عمره 8 اشهر عيونه عسليه واجنن حنطاوي ودائماً ورا الصلا يكعد يبجي واني اسكته

_ طبعاً لا اني ولا عفران ندرس

_  احلام الي جابتنه ما اكدر اكول امي لان ابدددد متستاهل كلمه ام متستاهله ابددد واصيحلهه احلام  ...  مزوجه من بعد ابوي الي هم ميستاهل هلكلمه ميت الله يرحمه جان ابد مو حنيين علينه هم جنه عايشين ب معانات ويا

_ زوج احلام حشري كلش ويدخل بينه بس اني ما اسمحله اعيط بوجهه واصيح ويضربني وغير ضرب احلام اليه ولغفران ومصطفى هم تضربه بس يدفعهه ميخليهه تضربه

_ جسمي عباره عن كدمات بسببهه

_ المهم سبحت اني وغفران طلعت نشفت الهه والمصطفى بدلت الهم مشطت شعرهم واني هم مشطت وبدلت وتعطرت وهم عزوز سبحته وحطيتله بوطره صارت ريحته اجنن كملنه ونزلنه صبيت غده تغدينه ويانه احلام وزوجهه وصدمتني من كالت

احلام:- حبيت اكلكم اني حامل بشهر ال4

زوجهه:- صددكك يارب شكراً اشكرك ياربي حبيبتي مبرووك علينه

احلام:- حبيبي الله يبارك بيك  ...  زمرد؟ ماكو مبروك

زمرد:- يتربه بعزج  ..  حجيتهه بهدوء كملنه عفت المواعين عليهه وصعدت اني واخواني كلش ضايجه ومخنوكه اريد ازور. "اني من كربلاء" 

_ خابرت ساره صديقتي واتفقت وياهه العصر نروح نزور نمت وكعدت ساعه 4 كمت غسلت وغسلت لمصطفى لبسته بدي وبنطرون وغفران جاي تبدل رحت لبست عزوز تراك خفيف لونه ابيض ومطرز ردانه ب ازرك وب الوسطه عين زركه

جهزت جنطته الي بيهه حفاضات وحليب ومميه وملابس اغيار اله خاف يدمر لو يصير شي اخذت غراضه باوعت غفران مكمله حتى حجابهه لابسته وجاي تلبس ب الحذاء(تكرمون)

_ اني هم كمت لبست بنطرون اسود وقميص اسود ساده لبست حجاب بس شمرته علا اكتافي حطيت ب جنطت عزوز عبايه حتى ادخل لان ميخلوني

_ شفت سياره ساره من الشباك لبست حذائي بسرعه طلعت القاصه اخذت منهه 25 غفران لزمت مصطفى والجنطه واني لزمت عزوز وتلفوني ونزلنه احلام محجت بس زوجهه كال وين رايحين

زمرد:- شي ميخصك يلا مامه امشوا   ... طلعنه صعدت كدام ومصطفى وغفران ورا جبنه الطريق نسولف وصلنه حطت السياره ب الكراج طبعاً ساره عمرهه 18 سنه... رحنه دخلنه لبين الحرمين لوقت قريب للمغرب باوعت لكبه العباس ع احس كلبي انعصر رحنه توضينه ورجعنه حطينه جنطنه والاحذيه يم هذول الي ينطوكم رقم وتخلون غراضكم يمهم شلت عزوز ومصطفى وي ساره وغفران بصفي دخلنه للتفتيش وحده من الي تفتش حطت بيرغ العباس علا وجهه عزوز وابتسمت دخلنه جوا يمه احس كلبي انمرد مرد كبل كتلهه تعالي نزور بسرعه بعد ما اكدر دخلت ماكو ازدحام لزمت الشباج بسته ومشيت ايدي علي صلينه ورجعنه للشباج رحت للاخير وكعدت خليت راسي علا الشباج ودموعي بدت تنزل تنخيت ب ابو الفضل وبجيت بجيت بجيت لين ما حسيت روحي راح تطلع اختنكت من البجي

_ اجت مريه ماخذه مرادهه توزع بيارغ كلت يا ابو الفضل يوم الالي واطش بشارعك جكليت انطتني اخذت منه خيط وشديته ب الشباج جبت ايد عزوز ولزمته الشباج وكمت امسح ب ايدي علا وجهه اخذنه ب الساعه احنى يم الشباج كمنه دخلنه لضريح الحسين ع وهم بجيت يمه،،،

_ اشتريت للجهال هم جبس وموطه وهلسوالف الي يردوهه واشتريت اليه حجاب ورجعنه دخلت البيت هدوء كبل سبحنه ونمنه

_مر روتيني نفس الشي عذاب وضرب وشتم جنت ادعي الجنين يصير بي شي بس للاسف كملت للشهر 9 وصار وقت ولادتهه اخواني بقوا يم عمتي واني رحت وياهه جانت تصرخ بقوه وتصرخ لحد مطلع الطفل الدكتوره كالت بنيه بداخلي فرحت بس ضلت صافنه كلتلهه بعد عندج جاهل ب بطنج هيه انصدمت وضلت تصرخ لين ما طلعت الثانيه هم بنيه احس داخلي مرتاح لهل بنات الثنين اخذوهن وهيه الدكتورات مسحلهه وعدلنهه ونقلنهه لغرفه ثانيه كام تحجي وياي

احلام:- هذني اخذيهن الج انتي ربيهن احسن اني ما اريدهن مالي خلك مسؤليه

زمرد:- الله كريم.  ... الدكتوره جابتهن يروحي مغمضات وشكلهن ينغمش ب الكلب  ...  طبعاً عزوز ب الاشهر الي حامل بيهن احلام هوه دخل عمر سنه

_ صليت علا محمد واخذت وحده بستهه وجان جدو ابو ابوي موجود كبر ب اذانهن وراح

,ـــــــــــــــــــــــــــــــــــــــــــــــــــــــــــــــ