لمسسآئي آمنيہَ آن يكون كل من آحبہَم [ دآئمآ بخيرَ .
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
زمرد:- اتفقه ب5 نطلع كوكت التلفون علا 3 ونمت دك المنبهه كعدت رحت غسلت واخذت البنات لاحلام كتلهه اني عندي طلعه خليهن يمج اخذتهن صعدت فوك كعدت مصطفى وغفران وحضرت ملابس مصطفى سبحت مصطفى وغفران وطلعوا غفران تبدل وبعدين تبدل لمصطفى كعدت عزوز وسبحته طلعته بدلتله بنطرون اسود وبدي ابيض يجنن ومصطفى بنطرون اسود وبدي نيلي ... غفران لابسه فستان نيلي يجنن ساده وبي حزام وجاي تلف حجابهه دخلت سبحت
_ طلعت عندي فستان ابيض بي شكه زغيره من كدام ساده وبي حزام بس الحزام بي فراشه سوده يجنن
_ مشطت ولفيت شعري لبست حجاب اسود وكعب اسود طلعت جنطه حطيت بيهه بدي لعزوز خاف يدمر لو يصير شي وكننس مرطب وكننس ناشف وعطر وغراض هم اخذت نحتاجهن لبست سوار وحطيت مكياج خفيف .... غفران لزمت الجنطه ونزلت وراهه مصطفى اني لزمت تلفوني وايد عزوز ونزلت لكيت زوجهه يحجي وي غفران يكلهه وين رايحين حجيت واني انزل
_ هاي المره المليون اكُلك بيهه معليك بينه وين نروح وي نمشي شناكل شنشرب معليك ... احجي بهدوء خليت عزوز يمهم ورحت طلعت من القاصه ميه وقفلت الكنتور والغرفه واخذت المفتاح وياي نزلت اخذتهن وطلعت لكيت البنات موجودات سلمنه وصعدنه
ساره:- بنات اول شي نروح نفتر ب الحدايق وكت العشه ندخل مطعم نتعشه وبعدهي نطلع نشتري ونلعب ها شنو كلتن؟
زمرد:- اي تمام هاهيه يلا توكلي (طبعاً مكتلهن عيد ميلادي وكذا سكتت)
_ وصلنه لحديقه كعدنه علا المصطبات نسولف وعزوز ومصطفى وغفران راحوا يلعبون
ساره:- اي زمرد شخبارج شخبار احلام
زمرد:- كلعاده عايشه وياهه بعذاب وضرب واهانه واحس نفسي حتى روح مابيه تعبت تعبت ربيت 3 اطفال واني بعدني طفله اني محتاجه احد يربيني يهتم بيه يعاملني زين مو اني اربي جهال هه لا وفوكاها صارن عندي 2 خوات وزغار اووفف اوفف احس طاقتي بدت تخلص واذا نفذت والله اسويهه وانتـحر
ريناد:- اسم الله زمرد شهل حجي هاذ دكولي يا الله صدك تحجين خلي ايمانج برب العالمين جبير فدوه لوجهج
ساره:- حبيبي زمرد هلحجي عوفي خلي يولي ميفيدج تنتحـرين شنو؟ ٠ انجبي احنى خواتج و وياج بكل الوقت هاي اني وياج هم ابوي توفى وامي مخلصتهه سفرات و ويه زوجها الثاني
زمرد:- عيوني دمعت مسحتهن وابتسمت صار وقت عشه صحنه للجهال ورحنه دخلنه مول بي مطاعم ومحلات وكُلشي بي كعدنه بمطعم نزلنه اكل اكلنه ونزلنه عصير شفت ساره كامت ودخلت جوا يمهم اختفت
أنت تقرأ
نار الهيب
Paranormalقصه عراقيه تحجي عن معانات بنيه عدهه 3 اخوان بعمر زغير تحملت مسؤليه مو مسؤليتهه تحملت كُلشي بحياتهه رغم صغر سنهه وتعبهه .... منحرك عليكم ادخلوا اقروا القصه كُلش حلوه قرائه ممتعه🤍 🇮🇶♥
