نار الهيب

البارت 8

الحياة مو كلها حب ،بس كُلها انت 💙🔐 .

ـــــــــــــــــــــــــــــــــــــــــــــــــــــــــــــــــــــــــــــــــــــ

زمرد:- يلا مامه تعال تتريك؟

عزوز:- اي مامي

_ رحت سويتله جاي وبسكت وكعدت اوكل بي صعدت بدلتله ونزلته اخذه اشهب وطلع الكُل طلع ذبينه احجبتنه وجببنه البنات يردن ينضفن البيت فَ الكُل كام ينضف غسلنه البيت وعطرنا وبخرت البيت وبدينه نسوي الغده لل1 كمل كلشي

_ صعدت سبحت ولبست دشداشه عريضه ميحتاج جبه لبست حجابي ونزلت اجو الولد صعدت سبحت عزوز الي صاير فدد يتنحس من يروح ويرجعلي يضل يبجي ويصيح تعبان

_ عبالك يشتغل وياهم بدلتله ونزلنه صبينه الغده وكعدنه نتغده عزوز راح للحجيه توكله

_ الكل ياكل والهدوء سيد المكان

اشهب:- يابه شصار علا الموضفين الجدد؟

الاب:- يبو يرادلهم كلب شكبره هذوله

حازم:- بويه معليك بيهم خليهم علينه

_يتناقشون علا الشغل كمنه شلنه المواعين غسلناهن وكعدنه نشرب جاي

صابرين:- علي اريد احجي وياك بكلمه

علي(الاب):- اي عيوني امريني

_ اريد اسوي حفله طهور لعزوز بما انو ممطهرينه

اشهب:- صدك والله جنت ناسي موضوعه

زمرد:- كلبي انعصر باوعت لعزوز يلعب ب لحيت اشهب ويحجي

_ ما اليد دهول يودع (ما اريد طهور يوجع)

_ لا بابه حبيبي ما يوجع هيه ثواني بس وبعد كلشي ينتهي

_ ضلوا يتناقشون ب الموضوع واني كلبي يوجعني علي اخذته حضنته وعيوني مدمعه

الحجيه:- عليمن عيونج كام تلالي ب الدموع شكو؟؟ قابل راح يموت كلهه راح تمر بهاي المرحله مو بس هوه يا بيبي يا حبيبتي شو دسكتي

زمرد:- لو محاجيه احسن كمت ابجي وحاضنه عزوز

عزوز:- مامي لا تبتين (لا تبجين)

صابرين:- كامت تمسح بدموعهه..  يا يا يمه صدك جذب استهدي ب الرحمان حبيبتي ما يصيرله شي بعد نضر عيني لو ادري ما حاجيه

زمرد:- خاله اعرف ما يصيرله شي بس كلبي ويا اخاف علي من الهوه الطاير

_ الكل ضلو يبتسمون بوجهي

علي:- لا بابه كلشي ما يصير بي علا مسؤليتي

زمرد:- بس عمو خايفه علي

علي:- اذا صارله شي ب مسؤليتي

_ استحيت بعد شحجي سكتت مر اليوم ونمت بليل كعدت الصبح ب 8 شفت محد موجود من الولد الكل ب دواماتهم طبعاً اني انام بغرفه غفران

_ نزلنه سويته تعزيل للبيت بسيط سويته غده واجو تغدينه والولد صعدو نامو صارت ب 3 خاله كالت كومن بدلن نطلع نشتري غراض

_ صعدت فتحت الكنتور طلعت بنطرون اسود وقميص برتقالي ساده لبستهن ولبست حذاء وحجاب وحطيت مسكاره وحمره خفيفه ردت اطلع كعد اشهب كال وين رايحه كتله ويه خاله كال لبسي عبايه وانطاني 100 الف كتله ما اريد غصبني اخذهن اخذت عباتي ونزلت

_ لكيت البنات مجهزات ولابسات عبي لبست عباتي وطلعنه وصلنه كمنه نفتر ونشتري خاله مخلت شي حلو ما اشترته وحجزتله 3 كيكات رحت اشتريتله دشاشه بيضه زغيره وياهه شماغ اسود وابيض رجعنه عزلنه كلشي باجر يطهرونه يمه احس كلبي ممرود علي رحت كعدته وبقيته يمي اريد اشبع منه مر اليوم واجه الصبح وعسا ما اجه متت بجي اله خليتهم ياخذو ويطلعون لبسو الدشاشه والشماغ لفو علا راسه سو زغير يجنن

_همه هم كلهم لبسو دشاديش بيض كمنه نعدل ب البيت ونسوي الحفله والكُل اجه صعدت سبحت ولبست فستان ابيض طويل وساده وردانه تور ساده وعلا الكلوش تور ساده يجنن وطلعت حجاب ابيض ستن خليت مكياج خفيف وبسيط لبست كعب اسود ونزلت سلمت ع الكل وانتضر علا احر من الجمر سمعت رمي لبست الحجاب وكلنا طلعنه اشهب لازم عزوز ومبتسم وعزوز يبجي رحتله بسرعه حضنته وابجي اباوعله الوجهه احمر يايمه روحي فرفحت ب الكوه سكتوني ودخلنه جوه هلاهل ومباركات. وتصفيك ورمي وكولات عبالك عرس كملنه الحفله والكل تغده بس محد راح كعدنه الكل اجتمع زلم ونسوان

علي:- ها بويه مو كتلج ميصير بي شي

زمرد:- ابتسمت مباوعه لعزوز جانت بصف اشهب واشهب بحضنه عزوز

عزوز:- مامي تودعني(توجعني)

زمرد:- يعمري بيه ولا بيك الوجع يروح امك  ...  وهم بجيت همسلي

اشهب:- كافي بويه طفله انتي

زمرد:- بدموع  .........