ندبات الفجر
لاتنسون تصويت ومتابعه الحساب والتعليق بين كل فقره🫂
كاتبه لتين
lns: a.2_2a.u
__________________________.
عثمان
خليتهم يرجعون وكاتلهم اني ارجعه راحو بقيت بس اني وايهم شكد حاولت ويه ايهم حتى ارجع البيت جان قافل يريد يبات يمه خليته براحته بقيت يمه جان مكسور ومابعده كسر
جانت اول مره اشوف ايهم واصل هل حاله من كسر شكد جنت اشوفه قوي وكول هنيالي على صديق مايعرف ضعف بس هسه ادركت هاي قوي ماتجي وحده استشهاد دحام كسر كل شخص واولهم ايهم كسره وجانت كسره كلش قويه على ايهم فتحت جروحه جان يضمد بيهن طول هاي سنوات بس ماجان بيدنه غير بس ندعي حتى يرب عالمين ينطينه صبر
باوعت ايهم جان نايم يم قبر ويمسح على تراب ويسوالف وياه جانه موجود وجاي يسمعه شكد انكسرت بوقته حسيت راح اخسر اخوي ثاني وابقه تايه بدونه لان جان ايهم شبه عايش من صدمه جان مكان يخوف دنيا اليل وانت بنص اموات باوعت ايهم متمدد يم قبر دحام ومشغل القران جان صوت القران يطمني بس باقي الخوف بكلبي
الصبح وهو على هاي حاله شكد حاولت وياه حتى بس نرجع البيت علمود فاتحه بس لاسف جان قافل مايقبل بطراح روح يلا قبل رجعنه بغداد وكفت يم محل اشتريت دشداشه جديد ايهم راح غير دشداشته ورجع صعد جان طول طريق ساكت مايحجي شي وصلنه البيت شفت عقيد حسن موجود ومعزب جانو بانين جادر وناس خير من الله نزل ايهم من سياره اجه عقيد حسن حضن ايهم
ـ بقيه بحياتك
هز راسه ايهم مايحجي شي تقرب عليه حضني
ـ بقيه بحياتك
ـ حياتك باقيه سيدي
راح ايهم اخذ كرسي وكعد على صفحه خليته براحته ضليت ملتهي ويه جماعه بل طبخ وتوزيع الحد ماخلصنه بدت ناس تروح ال اهله رجعت شفت ايهم على كعدته جان كاعد والجفيه على راسه ويدخن رحت تقربت يمه
ـ ايهم كوم ندخل البيت
هز راسه وكام جاي نمشي وجان يوكف كبالنه ابو لينار واخوانه سجاد و حسن تقرب ابو لينار يريد يحضن ايهم، ايهم تخبل كام يصيح عليه
أنت تقرأ
ندبات الفجر
Mystery / Thrillerضلام مخيف، ضوء خافت، صوت العذاب الدم في كل مكان لا اقدر على شي سوه قتلهم بابشع طريقه صوت العذاب وتوسل من كل مكان يرجون مساعده من اجل انقاذهم ولكن لا اقدر على شي سوه عذابهم صوتهم لا زال في راسي لا اقدر على تخلص من هاذا صووت كان تفكيري يتردد بتكرار ...
