ندبات الفجر

الـنـهـايـة

ندبات الفجر

لاتنسون تصويت ومتابعه الحساب والتعليق بين كل فقره🫂

كاتبه لتين
lns: a.2_2a.u

___________________________

َ

بعد صار، عفت كلشي وره ظهري ودست على كلبي ومشاعري من اجل كرامتي وعزت نفسي، بديت حياتي من جديد، بعد ما كضينه عصابه كله كدرت اتلقى من *** الى*** (اسفه ماكدر احجي لان مامسموحلي)

زاد شغلي بعد ماتلقيت، صارت حياتي عباره عن شغل وعائلتي وصلاتي، جان هاذا نجاح بنسبه الي هي بدايه الى عيش من جديد وثمره من اصراري الي حاربت وتعذبت هواي يلا كدرت احصله وخسرت بسببه هواي اشخاص عزاز

كدرن بناتي نرجس ونور من تفوق من السادس، وبمعدل ينرفع بيه راس، طلعن من اوائل على العراق وجان هاذا بنسبه الي فخر افتخر بيه، بوقته عرفت ماراح تعبي وتربايتي عليهن هيج

كل وحده دخلت قسم الي هي تحلم بيه، نور دخلت صيدله لان حلمه من صغر اما نرجس دخلت طب اسنان

ماعترضت على قرارهن لان هاذا حلمهن وماكدرت اكسر بخاطرهن، على رغم هنا انقبلن طب عام ولكن حلمهن اكبر من هاذا اختصاص

وره فتره تقدم نشأت الخطوبه نرجس جنت رافض هاذا شي على رغم اني اعرفه واعرف تربايته واخلاقه ولكن خوفي على بناتي اكبر من هاذا شي

ولكن بعد مادخل عثمان، وافقت بعد ماسمعت موافقه نرجس تزوجت، ماجنت اضن راح يجي يوم من الايام بناتي الي ربيتهن والي تعودت عليهن اشوفهن كدام عيني بعد ماراح اشوفهن ولا يجن لا وهنا خطار

بنات شمعه البيت وبلى بنات بيت اضلم هاذا حالي من تزوجت نرجس صار بيت اضلم راحت شمعه بيتي ونوره بقت شمعه بيتي ثانيه

اذكر بيوم الي اتزوجت، وراحت ويه زوجه سديت بيت وطلعت النجف، ليش ماعرف، جان عندي شعور غريب

حسيت نفسي مختنك، واخصتاً من راحت نرجس وتزوجت لا دحام اخوه ولا امها ولا حتى ابوي، وصلتلهم وعاتبت حتى ما المعاتب كالي بس

ماكدرت ابقه بنجف لان نور وحده بالبيت، قلت روحاتي النجف صرت اروح بنهار من بعد ما نور تروح الكلية، او مرات اخذها نروح سويه هم زور وهم شوفهم