عودة اخوتي

بارت الاول من العوده الى الماضي

(لسان حال حكيم)

حلوه العبايه عليج👈🏻💙👉🏻

لا كلش تلوك✨🖤✨

تبين الجمال البيج 🤞🏻🥀

وتسد الحلوگ🤫

البارت الاول من العوده الى الماضي
✨بقلم: بنين الاسدي✨

ــــــــــــــــــــــــــــــــــــــــــــــــــــــــــــــــــــــــــــــــــ

حكيم: اسف ما نتبهت

صبا: حقك اذا انته اعمى وين تشوف

حكيم: مو اعتذرنى بعد هاذ التمسلت شكو

صبا: يا يا يا وفوكاها خايب انته لو بيك ذرة ناموس ما تندك بنات العالم من عمده 

حكيم: مو انه ميت عليج حتى انردم بيج اكلج خويه انه مو مال مشاكل هسه مو كتلج اسف يله اودعناج

صبا: انته اووووففففف الحجي وياكم يلرياجيل ضايع

حكيم: رفعت راسي وجان اشوف شكله ضليت صافن بيها على رغم بساطة معاني وجها
وفوكاها لابسه عبا

صبا: ها مو اكول ماكو ذرة ناموس بيك جا مو صافن بوجهي

حكيم: خليته ومشيت مالي خلك انتاقش وخاصتاً النسوان

وصلت للبستان وهاذا البستان هو اكبر بستان عدنى وهو البوابه هم فا اكثرية الحراسه عليه

مازن: هلا بسورها ونورها
حكيم: ضحكت على سوالفه عرفت يقلد جدتي فضه كتله

هلا بيج حبيبه

مازن: هاها شسالفه جا هم انته انه افتك (اخلص) من جدتي تطلعلي انته يا ناسسسس اسمي مازن موش حبيبه

حكي: صوتج ولج صوت المراه عوره

مازن: ادري بيك نصبت علي خل اسكت احسلي (احسن الي)

حكيم: اكلك روح جمع الولد خل انقسم وننتفق

مازن: يله راح اصيحم واجيك

مشيت علمود اصيح الولد وجان اشوف بنيه اول مره اشوفها بديرتنا يالله هاي ياهي ونوب بطه شسالفه الحسن والجمال هاذ بيضه وطاكتها(ضاربتها) الشمس صايره طمامه  شفتها متوتره وجنهى ادور
اكدر اساعدج خويه

حنين:  سمعت صوت وراي التفتت وجان اشوف ولد شاب وطويل حيل على رغم اني طويله بس شنو ها الضخامه هاي  كتله اي خويه هاي اختي طلعت من اول ما اجينه لحد هسى ما رجعت

مازن: لا تخافين ترجع ولدنا حارسه السلف كله  أنشاء الله  ترجع لا تخافين بس خويه  هاي اول مره واخر مره طلعن بيها لان مايصير طلعن لان كلشي ويصير فهمتيني خويه

حنين: اي خويه فهمتك

مازن: يله خويه انا بس اشوفها  ارجعها
راحت هيه وانه ضجت مدري ليش  بس حگها هيى وين تعرفني المهم ورا شويه وهم شفت بنيه رحت يمه كلت بلكت تطلع هيا هاي
عفواً خويه ممكن احجي وياج