"شبلاها عيوني تعشگ دون متشوف..!؟
" وشجاني تعلقت بل ما اعرفه!..
"غريب احساسي بيك تلوعت ليش..؟
" شعور بداخلي مابيه اوصفه ــ ـ ــ
"الگلب يهواك عاشق حد الخبال
" بس عگلي عنيد يگلي اصرفه
"ودخت ما بين عگلي وقلبي ــ ــ ــ
«محتار»
" شيقنع الگلب والعگل ما يصفه
"احلامي بريئه وجنهن اطفال
" على اذراع الخيال شلون تغفى..؟!
#البارت#
الثاني
#قصة#
عودة#
#اخوتي
✨بقلم: بنين الاسدي✨
ــــــــــــــــــــــــــــــــــــــــــــــــــــــــــــــــــــــــــــــــــ
ام رضوان: يمه انه اريدنچ من هلچ (عائلتچ) لحفيدي حكيم وتدرين يمه حنى عدنا بهل وكت البنيه تعرس(تتجوز) وهي صغيره
صبا: اختفت الابتسامه عن وجهي لان كلام الحجيه قوي وصراحه انه ما اريد اعرس (اتجوز) بعمر صغير صح عدنا البنيه تعرس(تتجوز) بعمر صغير بس تفكير ابوي واصلاً تفكيرنا انه واخواتي غير عنهم ما يصير البنيه تعرس بعمر صغير تعتبر قاصر فا كتلها
"جده بس انه ما اريد اعرس هسه بعدني صغيره ويني وين العرس
ام رضوان: يا يمه ادري بيج جا ليش اختاريتج عبن صغيره وحكيم لا يغرج طوله وضخمامته ترا عمره صغير
ولج ام حكيم يا ام حكيم تعالي
ام حكيم: ها شيخه امري شرايده
ام رضوان: شكد عمره وليدج حكيييم
ام حكيم: عمره اربعه وعشرين(24 سنه)
ليش؟
ام رضوان: يمه ردت هاي البنيه اله
ام حكيم: يا چا وين نلكه احلى منها تخبل
صبا: صراحه استحيت منهن كالتلي ام حكيم
" يمه انشا ء الله نخطبج لوليدي بس تخلص الانتفاضه
صبا: ما كلت شي بس دنكت راسي وجهي انكلب طماطه يا ربي شنو هاي لا اكدر واكول ما اريده هاذا العكره واذا سكتت معناتها راضيه وانه استحي ارد عليهن شكلك ما تستحي ترادد الاكبر منها
"يمه شو ساكته چنچ راضيه
ام رضوان: يا تكول بعدني صغيره
" يمه شكد عمرچ
صبا: ءءءءء ثثثثث ممممم
ام حكيم: يا يمه شبيچ اليگول ما خذينچ للعدام
أنت تقرأ
عودة اخوتي
Fiksi Ilmiahرحيل ثمَ عوده كره ثمَ حب أشخاص سوف يدخلون حروب بين الماضي والحاضر و يحاربون التقاليد اشخاص رحلوا للبعيد ثمَ عادوا لحضن دافئ يحيمهم من جوانب حياة قاسيه اشخاص كانو احرار طلقاء سوف تحبسهم تقاليد ليست مما تربوا عليها.... قصتنا سوف تحمل العديد من...
