لعبه القدر

المستشفي

الحلقه (٣٣)
         بقلمي أية امير

مهران .. لا حاسس اني قلقان اوي و علي جليله انا هروح المستشفي لازم اعرف اي خلي جليله تخاف امبارح بشكل ده  وعملت كده.. كانت شالت فكره الانتحار من دماغها انا لازم اعرف حصل اي امبارح

وراح جهز نفسه .  اي ده يا مهران هو انت رايح علي فين كده. انت لسه راجع من برا

مهران . نسيت حاجه في مستشفى عند جليله يا تولين و راجع اجيبها و هاجي تاني يا تولين

تولين....ماشي يا مهران .هيه كويسه و احسن ولا اي

مهران سكت ..لما ارجع نتكلم يا تولين ماشي اصل انا لازم امشي  دلوفتي

وراح خرج بسرعه .اي يا تولين مالك واقفه كده ليه في حاجه.. هيه شروق فاقت

    تولين. لا لسه يا جاسر . اصل مهران خرج قال نسي حاجه في مستشفى وكان شكله غريب و طريقه كلامه كمان كأن في حاجه كده ولا حاجه

جاسر . النهارده جليله رجعت حاولت الانتحار يا تولين للاسف واكيد هو رايح يطمن عليها اكيد ولا حاجه

   تولين. اي تاني معقوله لا حول ولا قوه الا بالله ..ربنا يخرجها من اللي هيه فيه ده هيه و شروق

جاسر..يارب يا تولين.  خير ان شاء الله

و مهران ركب العربيه . قلبي مش عارف برتاح خالص يا جليله متاكد ان في حاجه فيكي يا حبيبتي حتي خوفك ده

وفضل سايق و هو عقله عند  جليله

و نرجع المستشفي عند جليله

جليله صحيت و فتحت عينها اول ما لقيت نفسها لوحدها خافت اوي فضل جسمها عمال يترعش

  جليله في سرها.  مهران انت فين مهران مشيت و سبتني لوحدي ليه يا مهران ..انا خايفه اوي انا عايزاك جنبي يا مهران انا حقيقي مرعوبه اوي

   وفضل جسمها عمال يترعش من خوفها و تبص علي كل جزء في اوضه . تعالا يا مهران بلاش تخليني هنا لوحدي يا مهران ارجوك . . متسبنيش

  كانت عماله تهدي في نفسها لكن  فشلت  فضلت كده لحد ما لقيت أن حد بيحاول يفتح الباب

    جليله ..  انا مرعوبه هو داخل هنا تاني

           و نرجع عند شروق

اول ما شروق فتحت عينها راحت صرخت

  مديحه.. شروق يا بنتي اهدي مالك في اي . عماله تصرخي كده ليه

كانت فى عالم تاني عماله تصرخ بس .  سيبوني محدش يقرب لي . ابعدوا عني.  حرام عليكم. انتو عايزين مني. اي

تستغرب من رده فعلها. . شروق في اي مالك . شروق انتي كويسه اهدي يا شروق . ده شكله كابوس