بنات السعد الجزء الاول،الثاني

٣

كان يقف محمود امام ابنه هشام وهو يقول :ينفع اللي انت عملتوا افرض العيال دي عملت ليك حاجه على غفله يابني انا مليش غيرك

قبله هشام يد والده وقال بحب:متقلقش عليا ربنا هيحفظني من اي غدر اقعد ياحج وانا هروح اجيب لينا احله اكل واجي مش هتاخر عليك

خرج هشام من المحل لكن وقف عندما وقف امام عربيه وشخص ملثم يمسك سلاح مصوب عليه ابتعد هشام بصدمه وهو يقول :في اي ثم قال بسخريه
ابعد سلاحك ياشاطر عشان متتعورش

ابتسم الرجل الملثم وقال بحقد:وانا بحب اتعور واعور

بعد تلك الكلمات ضرب نار على هشام ابتعد هشام بسرعه لكن الرصاصه اصابت كتفه سقط على الارض حاول ان يحفظ ارقام السياره قبل ان يهرب واغلق عينه وهو يسمع صوت والده يقول برعب :هشام حد يلحقني ياناس حد يكلم الاسعاف هشام افتح عينك هشام حد يحلقني

ركض السعد له وهو يقول بخوف :اسعاف اي لحد ما الاسعاف تيجي الواد هيحصلوا حاجه انا هجهز العربيه وانت خلي حد من عندك فى المحل يشيل هشام

...................
غادرت سمر من غرفتها وهي تقول :ماما انتي بتزعقي ليه هو اي اللي حصل انا سيبتكم دقايق

نظرت سليا لساندي وقالت بسخريه:شكل اختك دعت على الواد جامد اووي الواد اللي وقعها اضرب عليه نار دلوقتي

نظرت لها ساندي بغضب وقالت:احترامي نفسك ياسليا انا مدعتش علي حد

نظرت لهم سمر بصدمه وقالت:دا اللي مهم ياختي انك دعيتي ولا لا مش مهم اللي اضرب بالنار دا انتم عيال تجيب المرض انا هروح الشغل اول ما ارجع ابقي قولولي اللي حصل

تحركت سمر تجاه الباب لكن اوقفتها يد والدتها وهي تقول :بت ياسمر انا مش مرتاحه لشغلانه دي يعني اي تشتغلي على تاكسي وكمان مش بتاعك دي مرمطه يابنتي

نظر سمر لها بحزن وقالت:اعمل اي بس ياامي انا قدمت cvبتاعي فى كذه شركه بس معظمهم رفضوا هشتغل دي موقت لحد ما اشوف اي اللي هيحصل ثم قالت بجديه محدش يقول لبابا انا اللي هجي بليل واقولوا متقلقيش عليا كل شويه هتصل بيكي اطمنك عليا
...............
غادر فارس من مكتبه وهو يقول :محمد عملت اللي قولت عليه

اؤما محمد بنعم وقال:متقلقش كل حاجه ماشيه زي ماحنا اتفقنا المهم يلا نتحرك مش عايزين نضيع اي وقت

نظر فارس حواله وقال بجديه:انت يابني قول لعساكر يجهزوا احنا عشر دقايق ونتحرك

نظر فارس لهاتفه وقال بضيق :الو ياامي مش انا قولت ليكي ان عندي شغل

والدته بغضب :انت بتكلمني كده ليه ياواد احترم نفسك وانا بكلمك عشان اقولك اني نفذت اللي فى دماغي وعزمت بنت واحده صحبتي عندنا على العشاء وانت هتيجي ولو اتصرفت اي تصرف يخلي البت تتطفش هتشوف انا هعمل فيك اي