بنات السعد الجزء الاول،الثاني

٣٥

نظر لها فارس وجد شخص يضع سلاح على راسها ويقول بتحذير:حركه كمان وهتزعل عليها اقاعد كده احنا مش جايين ليك اصلا احنا جايين ليها هي

نظرت له سمر وقالت بذعر:انا معملتش حاجه أنا كنت في غيبوبة أكيد أنتم قصدكم فارس هو بتاع مشاكل انا مليش دعوه خده حقكم منه

نظر لها فارس وقال بصدمه : يخربيتك أنتي بتسلميني

‏نظرت له سمر وقالت بسخرية :اه اسلمك مش أنت اللي قلت المكان أمان و أنت هتقدر تدافع عني ولا ايه سوسو

‏نظر لها فارس وقال بغضب :احترمي نفسك سيبيني افكر اشوف هنعمل ايه

‏نظر له ذلك الشاب وقال بضيق: بس ياض منك ليها ثم نظر لسمر وقال أنا عارف كويس إحنا جايين لمين احنا جايين لكي أنتي مش لفارس امشي قدامنا بدل ما تلاقي طلقة حلوة فى دماغك

‏نظرة له سمر وقالت برجاء :بالله عليك اقاعد ثانيه واحده انا مش قادرة امشي من الخضه

اؤما لها ذلك الشاب وقال :ماشي اقاعدي دقيقه واحده وهتقومي نمشي نظر لفارس وقال بتحذير المسدس فى دماغها وفى مسدس فى دماغك اي حركه هخلص عليكم الانتم الاتنين

جلست سمر ادخلت يديها فى جيب الفستان تنهدت سمر بضيق وقالت وهي تحدث نفسها:مفيش حل تاني اخرجت يديها جرحت قدم ذلك الشاب باسكينة صغيرة ترك ذلك الشاب السلاح وامسك قدمه وقال بالم :يابت المجنونه رجلي رجلي مش قادر دا مكنتش اتفاقنا

امسكت سمر السلام وقالت بغضب:اثبت ياض منك لي انتم شايفين شويه عيال هنخاف منكم حركه واحده وهقتلك انا اصلا مجنونه مش فارق معايا ثم نظرت لفارس وقالت تعال ياخويا تعال ربنا يصبرني عليك ياوش المصايب مفيش مره شوفتك الا وحصلتلي مصيبه

نظر لها فارس وقال بصدمه:انتي ازاي معاكي سكينه و

قطع حديثه صوت الشاب وهو يقول بالم:دا وقت كلام الحقني يافارس رجلي مش قادر نظر لشاب الاخر وقال وليد خرجني من هنا وديني بسرعه على اي مستشفي

نظرت له سمر ثم نظرت لفارس وقالت بعدم فاهم:فارس وهو اتفاق اي اللي الواد دا بيتكلم عليه وهو يعرفك منين قول كل حاجه بدل اقسم بالله اقتلكم هنا وكد كده محدش هيقدر يوصلكم فى الصحراء الحلوه دي

نظر لها وليد وقال بحده:بس يابت انتي فاكره اننا عيال هنخاف من اللعبه دي فارس انا همشي الحق ابراهيم ثم قال بهمس خد العلبه اهي ربنا يكون فى عونك على المجنونه دي

نظرت له سمر وقالت بشك:انت ياض بتقولوا اي شكلك مش هتسكت غير لما تقاعد جنب صاحبك