من تدرك احنه مجتمع همه مظهر
سواء واقعيا اوبمواقع التواصل
وتشوف نفسك ماتهتم لشي خارجي
وقتها شكد راح تكبر بعين نفسك
من تشوف ناس تمشي بشارع
بس بالها مو ويه الي يصير حوليها
بالها ويه حياتها ومشاكلها
بكل وجه نشوفه نكول بداخلنه شكد متحمل هل انسان شكد قصص وانا كاعده بمكان عام حوليه الناس المليانه بقصصها
اباوع للبيوت من فوك الجسر
شكد بيوت هواي
بكل بيت قصه مختلفه
وقتها راح ترجع تفكر بنفسك
ليش يروح تفكيرك لهذول الناس وليش تشيل هم الهم
ليش ينكسر خاطرك على متسول
وبداخلك تكول شنو ذنبه وهو طفل
من تشيل هم لليل الطويل
من تحاول تنام وتصارع افكارك
من تاخذ نفس طويل وتزفره تتمنى تزفر تعب اليوم كله وياه
من تريد تبجي علمود ترتاح
بس ماتكدر لان انته تعودت تقسي على نفسك
من صفن ايام وليالي على الصار
وتحاول تستوعب حياتك الحاليه
من تشوف وضعك المادي احسن من قبل
بس انته مامرتاح
من تشوف وصلت المكان الجنت تحلم بي
بس انته مافرحان
لان خضت معركه جبيرة ويه نفسك
ب النهاية صرت انسان مليان بتفكير على طول اليوم وحته هو نايم يفكر
من تشوف ناس جبيرة ب العمر وعانت من الحياة
اوا سؤال يجي بالك شلون تحملو
بس تلقى الجواب نفس اللحظه
صبرهم وايمانهم وحبهم الربهم هو الخلاهم يتحملون
مثل ما انته تحب الله
الله يحبك
وقتها تدرك كدام هذا الحب العظيم
شكد الانسان نفسيته هشه
وشكد الحياة تافهه
كلها ايام قليلة راح تخلص
..
اي سؤال يخص اي شي طرحو نتنافسه سوا بجزء اخر
